ಸಾಮಾನ್ಯವಾಗಿ ನಟರನ್ನು ನೀವು ನಟರಾಗದಿದ್ದರೆ ಎಂಬ ಪ್ರಶ್ನೆಗಳನ್ನು ಕೇಳಿದ್ರೆ ಅವರಿಂದ ಬರುವ ಉತ್ತರ ತುಂಬಾ ಸೊಗಸಾಗಿರುತ್ತದೆ.
ಬಹುತೇಕ ನಟರು ಈ ಬಗ್ಗೆ ಸರಿಯಾಗಿ ಪ್ರತಿಕ್ರಿಯೆ ನೀಡುತ್ತಾರೋ, ಇಲ್ವೊ ಗೊತ್ತಿಲ್ಲ. ಆದ್ರೆ ಬಿಗ್ ಬಿ ಅಮಿತಾಬ್ ಬಚ್ಚನ್ ಮಾತ್ರ ತಾನು ಸಿನಿಮಾ ನಟನಾಗದಿದ್ದರೆ ಟ್ಯಾಕ್ಸಿ ಡ್ರೈವರ್ ಆಗುತ್ತಿದ್ದೆ ಎಂದು ಹೇಳಿದ್ದಾರೆ.
ಇತ್ತೀಚೆಗೆ ನಡೆದ ಕೌನ್ ಬನೇಗ ಕರೋಡ್ ಪತಿ ಕಾರ್ಯಕ್ರಮದಲ್ಲಿ ಈ ವಿಷಯ ತಿಳಿಸಿರುವ ಅವರು ನಾನು ಸಿನಿಮಾಕ್ಕೆ ಚಾನ್ಸ್ ಕೇಳಿಕೊಂಡು ಮುಂಬೈಗೆ ಹೋಗುವಾಗ ನನ್ನ ಜೊತೆ ನನ್ನ ಡ್ರೈವಿಂಗ್ ಲೈಸೆನ್ಸ್ ಕೂಡ ಒಯ್ದಿದ್ದೆ. ಅಕಸ್ಮಾತ್ ಅವಕಾಶ ಸಿಗದಿದ್ದರೆ ನಾನು ಟ್ಯಾಕ್ಸಿ ಡ್ರೈವರ್ ಆಗುತ್ತಿದ್ದೆ ಎಂದಿದ್ದಾರೆ.
