'ಪೈಲ್ವಾನ್' ಹಾಡಿಗೆ ತಲೆದೂಗಿದ ನಟಿ ಆಕಾಂಕ್ಷ ಸಿಂಗ್‌; ಹಾಡಿನೊಂದಿಗೆ ಜಾಲಿ ರೈಡ್

ನಟಿ ಆಕಾಂಕ್ಷ ಸಿಂಗ್ 'ಪೈಲ್ವಾನ್' ಚಿತ್ರದ 'ಕಣ್ಣು ಮಣಿಯೇ...ಕಣ್ಣು ಹೊಡಿಯೇ..' ಹಾಡಿಗೆ ಫಿದಾ ಆಗಿದ್ದು ತಾವು ಹಾಡು ಕೇಳುತ್ತಾ ಜಾಲಿ ರೈಡ್ ಮಾಡುತ್ತಿರುವ ವಿಡಿಯೋವನ್ನು ತಮ್ಮ ಫೇಸ್​​​ಬುಕ್​​ನಲ್ಲಿ ಷೇರ್ ಮಾಡಿದ್ದಾರೆ.

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ 'ಪೈಲ್ವಾನ್' ಸದ್ಯಕ್ಕೆ ರಿಲೀಸ್​​​ಗೆ ರೆಡಿಯಾಗಿದೆ. ಅಲ್ಲದೆ ಇತ್ತೀಚಿಗಷ್ಟೇ 'ಪೈಲ್ವಾನ್' ಚಿತ್ರದ 'ಕಣ್ಣು ಮಣಿಯೇ...ಕಣ್ಣು ಹೊಡಿಯೇ..' ಲಿರಿಕಲ್ ವಿಡಿಯೋ ಕೂಡಾ ರಿಲೀಸ್ ಆಗಿ ಹಿಟ್ ಆಗಿದೆ.

• " class="align-text-top noRightClick twitterSection" data="">

ಸಂಜಿತ್​​​​​​​​​​​ ಹೆಗಡೆ ಹಾಡಿರುವ ಈ ಹಾಡು ಸಖತ್ ವೈರಲ್ ಆಗಿದ್ದು ಯೂಟ್ಯೂಬ್​​​​​​​​ನಲ್ಲಿ ಮಿಲಿಯನ್​​​​​​​​​ಗೂ(10 ಲಕ್ಷಕ್ಕೂ)ಅಧಿಕ ಮಂದಿ ಈ ಹಾಡನ್ನು ವೀಕ್ಷಿಸಿದ್ದಾರೆ. ಹಾಡಿನಲ್ಲಿ ಕಿಚ್ಚನ‌ ಜೊತೆ ಬಾಂಬೆ ಬೆಡಗಿ ನಟಿ ಆಕಾಂಕ್ಷ ಸಿಂಗ್ ಡ್ಯೂಯೆಟ್​ ಹಾಡಿದ್ದಾರೆ. ಈ ಹಾಡಿಗೆ ಸಾಮಾನ್ಯ ಪ್ರೇಕ್ಷಕರು ಮಾತ್ರವಲ್ಲ, ಆಕಾಂಕ್ಷ ಸಿಂಗ್​​​ ಕೂಡಾ ಫಿದಾ ಆಗಿದ್ದಾರೆ. ಹಾಡು ಅವರಿಗೆ ಎಷ್ಟು ‌ಕಿಕ್ ಕೊಟ್ಟಿದೆ ಅಂದ್ರೆ, ಹಾಡಿನ ಜೊತೆಗೆ ಕಾರ್​​​​​​​​​​​ನಲ್ಲಿ ಜಾಲಿ ರೈಡ್ ಹೋಗಿದ್ದಾರೆ. ಈ ವಿಡಿಯೋವನ್ನು ಪೈಲ್ವಾನ್ ಬೆಡಗಿ ತಮ್ಮ ಫೇಸ್​​​​​​​​​​​​​​​​​​​ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ‌. ಚಿತ್ರವನ್ನು 'ಹೆಬ್ಬುಲಿ' ಕೃಷ್ಣ ನಿರ್ದೇಶಿಸಿದ್ದು ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. ವಿ. ನಾಗೇಂದ್ರ ಪ್ರಸಾದ್ ಚಿತ್ರದ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ಆಗಸ್ಟ್​​​ 29 ರಂದು ಚಿತ್ರವನ್ನು ರಿಲೀಸ್ ಮಾಡಲು ಚಿತ್ರತಂಡ ಪ್ಲ್ಯಾನ್ ಮಾಡಿಕೊಂಡಿದೆ.