ಝೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ನಾಗಿಣಿ ಧಾರವಾಹಿ ಮನೆ ಮಾತಾಗಿರುವಂಥದ್ದು. ಈ ಸೀರಿಯಲ್ನಲ್ಲಿ ಅಮೃತಾಳ ಪಾತ್ರ ಮಾಡುತ್ತಿದ್ದ ದೀಪಿಕಾ ದಾಸ್ ಬಿಗ್‌ಬಾಸ್ಗೆ ಆಯ್ಕೆಯಾಗಿ ದೊಡ್ಡಮನೆ ಸೇರಿದ್ದಾರೆ.
ದೀಪಿಕಾ ದಾಸ್ ಬಿಗ್‌ಬಾಸ್ ಮನೆ ಹೊಕ್ತಿದ್ದಂತೆ ಕೆಲವು ಗಾಸಿಪ್ ಸುದ್ದಿಗಳು ಹರಿದಾಡುತ್ತಿದ್ದು, ನಾಗಿಣಿ ಸೀರಿಯಲ್ ಇನ್ಮೇಲೆ ಪ್ರಸಾರ ಆಗಲ್ಲ ಎಂಬ ಮಾಹಿತಿಯೂ ಇದೆ. ಈಕೆ ನಟಿಸಿದ ಮೊದಲ ಧಾರಾವಾಹಿಯಲ್ಲೇ ಇನ್ನೊಂದು ಗಾಸಿಪ್ ಜೋರಾಗಿದೆ.
ಲೇಟೆಸ್ಟ್‌ ವಿಷ್ಯ ಏನಪ್ಪ ಅಂದ್ರೆ, ದೀಪಿಕಾ, ರಾಕಿಂಗ್ ಸ್ಟಾರ್ ಯಶ್ ಅವರ ಸಂಬಂಧಿಯಂತೆ. ಆದ್ರೆ, ಬಣ್ಣದ ಲೋಕಕ್ಕೆ ದೀಪಿಕಾ ಬಂದು ಇಷ್ಟು ವರ್ಷಗಳಾದರೂ ಯಶ್ ಮತ್ತು ದೀಪಿಕಾ ಸಂಬಂಧಿಕರು ಎಂಬ ಕುತೂಹಲಕಾರಿ ವಿಚಾರ ಯಾರಿಗೂ ಗೊತ್ತಿಲ್ಲ. ದೀಪಿಕಾ ಅವರ ತಾಯಿಯ ಕಡೆಯಿಂದ ಯಶ್ ತುಂಬಾ ಹತ್ತಿರದ ಸಂಬಂಧಿಯಂತೆ. ದೀಪಿಕಾದಾಸ್ ಯಶ್ ಚಿಕ್ಕಮ್ಮನ ಮಗಳು ಎಂದು ಹೇಳಲಾಗುತ್ತಿದೆ. ಆದರೆ ದೀಪಿಕಾ ಅವರಾಗಲೀ, ಯಶ್ ಆಗಲಿ ಈ ಬಗ್ಗೆ ಎಲ್ಲಿಯೂ ಹೇಳಲೇ ಇಲ್ಲ. ಆದ್ರೆ ಈ ಗಾಸಿಪ್ ಸುದ್ದಿಗಳಿಗೆ ತೆರೆ ಬೀಳಬೇಕೆಂದರೆ ದೀಪಕಾ ಅಥವಾ ರಾಕಿಂಗ್ ಸ್ಟಾರ್ ತಮ್ಮ ಸಂಬಂಧದ ಬಗ್ಗೆ ಹೇಳಿಕೊಳ್ಳಬೇಕು ಅನ್ನೋದು ಅಭಿಮಾನಿಗಳ ಪಿಸುಮಾತು.
ಒಟ್ಟಾರೆ ತಮ್ಮ ಮನೋಜ್ಞ ಅಭಿನಯದ ಮೂಲಕ ನಟನಾ ಕ್ಷೇತ್ರದಲ್ಲಿ ತಮ್ಮದೇ ಆದ ಛಾಪು ಮೂಡಿಸುತ್ತಿರುವ ಯಶ್ ಮತ್ತು ದೀಪಿಕಾ ದಾಸ್ ಅಪಾರ ಅಭಿಮಾನಿಗಳನ್ನು ಗಳಿಸಿದ್ದಾರೆ.
