ಸಿನಿಮಾ ಸೆಲಬ್ರಿಟಿಗಳು ಎಂದ ಮೇಲೆ ಚಿತ್ರೀಕರಣಕ್ಕಾಗಿ ಆಗ್ಗಾಗ್ಗೆ ಇತರ ಸ್ಥಳಗಳಿಗೆ ಪ್ರಯಾಣಿಸುತ್ತಿರುತ್ತಾರೆ. ಸಾರ್ವಜನಿಕವಾಗಿ ಹೆಚ್ಚಾಗಿ ಕಾಣಿಸಿಕೊಳ್ಳದಿದ್ದರೂ ಜಿಮ್, ಖಾಸಗಿ ಕಾರ್ಯಕ್ರಮ, ವಿದೇಶಿ ಪ್ರಯಾಣ ಮಾಡುವ ವೇಳೆ ಜನಸಾಮಾನ್ಯರಿಗೆ ಸೆಲಬ್ರಿಟಿಗಳು ದರ್ಶನ ನೀಡುತ್ತಾರೆ. ಈ ಸಮಯದಲ್ಲಿ ಪಾಪರಾಜಿಗಳು ಕೂಡಾ ಸೆಲಬ್ರಿಟಿಗಳ ಫೋಟೋ ತೆಗೆಯಲು ಕಾಯುತ್ತಿರುತ್ತಾರೆ.
ಇತ್ತೀಚೆಗೆ ಕೆಲವು ಸಿನಿಮಾ ತಾರೆಯರು ಕ್ಯಾಮರಾಗೆ ಸೆರೆಯಾಗಿದ್ದಾರೆ. ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಜುಹು ಪ್ರದೇಶದಲ್ಲಿ ಕ್ಯಾಮರಾ ಕಣ್ಣಿಗೆ ಬಿದ್ದಿದ್ದಾರೆ. ಪಾಪಾರಾಜಿಗಳನ್ನು ನೋಡಿದ ಕೂಡಲೇ ಕ್ಯಾಮರಾ ಪೋಸ್ ನೀಡಿ ಅಲ್ಲಿಂದ ಹೊರಟಿದ್ದಾರೆ ಮಿಲ್ಕಿ ಬ್ಯೂಟಿ. ಮುಂಬೈ ಏರ್ಪೋರ್ಟ್ನಲ್ಲಿ 'ಧಡಕ್' ನಟಿ ಜಾಹ್ನವಿ ಕಪೂರ್ ಕೂಡಾ ಕ್ಯಾಮರಾಗೆ ಸೆರೆ ಆಗಿದ್ದಾರೆ. ಬ್ಲಾಕ್ ಜೀನ್ಸ್ ಹಾಗೂ ಪುಲ್ಓವರ್ ಸ್ವೆಟ್ಶರ್ಟ್ ಧರಿಸಿ ಏರ್ಪೋರ್ಟ್ನಿಂದ ಬರುತ್ತಿರುವ ಜಾಹ್ನವಿ ಫೋಟೋ ಹಾಗೂ ವಿಡಿಯೋಗಳನ್ನು ಪಾಪಾರಾಜಿಗಳು ಕ್ಲಿಕ್ ಮಾಡಿದ್ದಾರೆ. ಜಾಹ್ನವಿ ಅಭಿನಯದ ಹಾರರ್ ಕಾಮಿಡಿ 'ರೂಹಿ' ಇದೇ ಮಾರ್ಚ್ 11 ರಂದು ಬಿಡುಗಡೆಯಾಗುತ್ತಿದೆ.
ಇದನ್ನೂ ಓದಿ: ದೊಡ್ಡ ಪರದೆಯ ಮೇಲೆ ಪ್ರಭಾಸ್ ಜೊತೆ ನಟಿಸಲಿದ್ದಾರೆ ಬಾಲಿವುಡ್ನ ಸೂಪರ್ ಸ್ಟಾರ್ಗಳು !
ಇನ್ನು ಸುಶಾಂತ್ ಸಿಂಗ್ ರಜಪೂತ್ ಪ್ರಕರಣದಲ್ಲಿ ವಿಚಾರಣೆ ಎದುರಿಸುತ್ತಿರುವ ರಿಯಾ ಚಕ್ರವರ್ತಿ ಕೂಡಾ ಸಹೋದರ ಹಾಗೂ ತಂದೆಯೊಂದಿಗೆ ಏರ್ಪೋರ್ಟ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರೊಂದಿಗೆ ದಿವ್ಯ ಖೋಸ್ಲ ಕುಮಾರ್ ಹಾಗೂ ಪತಿ ಭೂಷಣ್ ಕುಮಾರ್ ಜುಹು ರೆಸ್ಟೋರೆಂಟ್ನಲ್ಲಿ, ಮುಂಬೈ ಏರ್ ಪೋರ್ಟ್ನಲ್ಲಿ ವರುಣ್ ಧವನ್ ಹಾಗೂ ತನ್ನ ಬಾಯ್ ಫ್ರೆಂಡ್ ಸಂತನು ಹಜಾರಿಕ ಜೊತೆ ಶೃತಿ ಹಾಸನ್ ಏರ್ಪೋರ್ಟ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
