ಮುಂಬೈ (ಮಹಾರಾಷ್ಟ್ರ): ಬಾಲಿವುಡ್ನ ನಟಿ ಕತ್ರಿನಾ ಕೈಫ್‌ ಮತ್ತು ನಟ ವಿಕ್ಕಿ ಕೌಶಲ್ ಡೇಟಿಂಗ್ ವಿಚಾರ ಎಲ್ಲರಿಗೂ ಗೊತ್ತಿರುವ ವಿಚಾರ. ಸದ್ಯ ಅವರಿಬ್ಬರು ಮದುವೆ ಆಗಲಿದ್ದಾರೆ ಎನ್ನಲಾಗುತ್ತಿದ್ದು,ಇದಕ್ಕಾಗೇ ಭರ್ಜರಿ ತಯಾರಿ ಮಾಡಿಕೊಂಡಿದ್ದಾರೆ.
ಹಸೆಮಣೆ ಏರುವ ತುದಿಗಾಲ ಮೇಲೆ ನಿಂತಿರುವ ಕತ್ರಿನಾ ಕೈಫ್‌ ಮತ್ತು ವಿಕ್ಕಿ ಕೌಶಲ್ ಸದ್ಯ ರಾಜಸ್ಥಾನದಲ್ಲಿದ್ದು, ತಮ್ಮ ಮದುವೆಗಾಗಿ ಇಲ್ಲಿನ ಹಲವು ಐಷಾರಾಮಿ ಹೋಟೆಲ್ಗಳನ್ನು ಬುಕ್ ಮಾಡಿದ್ದಾರೆ ಎನ್ನಲಾಗುತ್ತಿದೆ.
ಡಿಸೆಂಬರ್ 7ರಿಂದ 9ವರೆಗೆ ಈ ತಾರಾ ಜೋಡಿಯ ಮದುವೆ ನಡೆಯಲಿದ್ದು, ಇಲ್ಲಿನ ಸಿಕ್ಸ್ ಸೆನ್ಸ್ ಫೋರ್ಟ್ ಬರ್ವಾರಾ ಸೇರಿದಂತೆ ಐಷಾರಾಮಿ ಹೋಟೆಲ್ಗಳನ್ನು ಸಂಪೂರ್ಣವಾಗಿ ಕಾಯ್ದಿರಿಸಿದ್ದಾರಂತೆ. ಹೈಪ್ರೊಫೈಲ್ ಮದುವೆ ಆಗಿದ್ದರಿಂದ ಮುಂಚಿತವಾಗಿಯೇ ಬುಕ್ ಮಾಡಲಾಗಿದೆಯಂತೆ.
ಆದರೆ, ಮದುವೆಗಾಗಿ ಸಕಲ ಸಿದ್ಧತೆ ನಡೆಯುತ್ತಿದ್ದರೂ ವಿಕ್ಕಿ ಮತ್ತು ಕತ್ರಿನಾ ಮಾತ್ರ ಯಾವುದೇ ಮಾಹಿತಿ ಹಂಚಿಕೊಂಡಿಲ್ಲ. ಈ ಸಿದ್ಧತೆಯಿಂದ ಅವರು ಹಸೆಮಣೆ ಏರುವುದು ಪಕ್ಕಾ ಎಂದು ಜಾಲತಾಣದಲ್ಲಿ ಸುದ್ದಿ ಜೋರಾಗಿದೆ.
ಕೊಠಡಿಗಳ ಲಭ್ಯತೆಯ ಬಗ್ಗೆ ಮಾಧ್ಯಮಗಳು ವಿಚಾರಿಸಿದಾಗ 'ನಾವು ಡಿಸೆಂಬರ್ 5 ರಿಂದ ಡಿಸೆಂಬರ್ 11 ರವರೆಗೆ ಸಂಪೂರ್ಣವಾಗಿ ಕಾಯ್ದಿರಿಸಿದ್ದೇವೆ. ಡಿಸೆಂಬರ್ 12 ರ ನಂತರ ಕೊಠಡಿಗಳನ್ನು ಬುಕ್ ಮಾಡಬಹುದು' ಎಂದು ಹೋಟೆಲ್‌ನ ಸಿಬ್ಬಂದಿಯೊಬ್ಬರು ತಿಳಿಸಿದ್ದಾರೆ.
ಇದನ್ನೂ ಓದಿ: ಕುಟುಂಬದಿಂದ, ಪತಿಯಿಂದ ದೂರವಿರುವುದು ಬಹಳ ಕಠಿಣ.. ನಟಿ ಪ್ರಿಯಾಂಕಾ ಚೋಪ್ರಾ
