ಮುಂಬೈ: ಕೊರೊನಾ ಸೋಂಕಿಗೆ ಒಳಗಾಗಿದ್ದ ಬಾಲಿವುಡ್ ಹಿರಿಯ ನಟ ಕಿರಣ್ ಕುಮಾರ್ ವರದಿ ಇದೀಗ ನೆಗೆಟಿವ್ ಬಂದಿದೆ.
ಮೇ 14 ರಂದು ನಡೆಸಿದ್ದ ನನ್ನ ಕೋವಿಡ್-19 ಪರೀಕ್ಷಾ ವರದಿ ಪಾಸಿಟಿವ್ ಬಂದಿತ್ತು. ಆದರೆ, ಕಳೆದ ಹತ್ತು ದಿನಗಳಿಂದ ಜ್ವರ, ಕೆಮ್ಮು, ಶೀತದಂತಹ ರೋಗದ ಯಾವುದೇ ಲಕ್ಷಣಗಳು ಕಂಡುಬಂದಿಲ್ಲ. ನಾನು ಮತ್ತು ನನ್ನ ಕುಟುಂಬದವರು ಸೆಲ್ಫ್ ಕ್ವಾರಂಟೈನ್ನಲ್ಲಿದ್ದೇವೆ ಎಂದು ಕಿರಣ್ ಕುಮಾರ್ ಮೇ 24 ರಂದು ಸ್ವತಃ ತಾವೇ ಹೇಳಿಕೊಂಡಿದ್ದರು.
ಇದೀಗ ಮೂರನೇ ಬಾರಿ ನಡೆಸಿರುವ ಪರೀಕ್ಷೆಯ ವರದಿ ನೆಗೆಟಿವ್ ಬಂದಿದೆ. ಸದ್ಯ ನಾನು ಆರೋಗ್ಯವಾಗಿದ್ದೇನೆ. ಆದರೂ ಕುಟುಂಬದ ಸದಸ್ಯರು ಸೆಲ್ಫ್ ಕ್ವಾರಂಟೈನ್ ಮುಂದುವರೆಸಿದ್ದಾರೆ ಎಂದು ಕಿರಣ್ ಕುಮಾರ್ ತಿಳಿಸಿದ್ದಾರೆ.
ದಡಕನ್, ಮುಜ್ಸೆ ದೋಸ್ತಿ ಕರೋಗೆ, ಪತ್ತರ್ ಕೆ ಫೂಲ್ ಚಿತ್ರಗಳಲ್ಲಿ ನಟಿಸಿರುವ ಕಿರಣ್ ಕುಮಾರ್, ಬಾಲಿವುಡ್ನ ಖ್ಯಾತ ನಟ ಜೀವನ್ ಅವರ ಮಗನಾಗಿದ್ದಾರೆ.
