ಎಲೋನ್ ಮಸ್ಕ್ ಭರವಸೆಯ ಟೆಸ್ಲಾ ಸೈಬರ್‌ಟ್ರಕ್​: ಮಾರುಕಟ್ಟೆಗೆ ಬಂದ ಸ್ಟೇನ್‌ಲೆಸ್ ಸ್ಟೀಲ್ ಪಿಕಪ್‌

ಟೆಸ್ಲಾ ಗುರುವಾರ ತನ್ನ ಫ್ಯೂಚರಿಸ್ಟಿಕ್ ಸೈಬರ್‌ಟ್ರಕ್ ಪಿಕಪ್‌ಗಳನ್ನು ಗ್ರಾಹಕರಿಗೆ ತಲುಪಿಸಿದ್ದು, ಸಂಪೂರ್ಣ ಚಾರ್ಜ್ ಆದಲ್ಲಿ 400 ರಿಂದ 550 ಕಿ.ಮೀ ಸಂಚರಿಸುತ್ತದೆ.

ವಿದ್ಯುತ್​ ಚಾಲಿತ ಕಾರುಗಳ ಉತ್ಪಾದನೆಯಲ್ಲಿ ಟೆಸ್ಲಾ ಮಾರುಕಟ್ಟೆಯಲ್ಲಿ ಈಗಾಗಲೇ ತನ್ನದೇ ಆದ ಸ್ಥಾನವನ್ನು ಪಡೆದುಕೊಂಡಿದೆ. ಈಗ ಮಾರುಕಟ್ಟೆಗೆ ಮತ್ತೊಂದು ದೈತ್ಯವಾಹನ ಕಾಲಿಟ್ಟಿದ್ದು, ಪಿಕಪ್​ ವಾಹನಗಳಿಗೆ ಟಕ್ಕರ್​ ಕೊಡಲು ಸಿದ್ಧವಾಗಿದೆ. 12ಕ್ಕೂ ಹೆಚ್ಚು ವಾಹನಗಳು ಸದ್ಯ ಗ್ರಾಹಕರ ಕೈ ಸೇರಿದ್ದು, ಇವುಗಳಲ್ಲಿ ಸಮಸ್ಯೆ ಕಂಡುಬಂದಲ್ಲಿ ತ್ವರಿತ ಪ್ರತಕ್ರಿಯೆಗೆ ಟೆಸ್ಲಾ ಸಿದ್ಧವಾಗಿದೆ. ಸಿಇಒ ಎಲೋನ್ ಮಸ್ಕ್​​ ಈ ಭರವಸೆಯನ್ನು ವಾಹನ ಗ್ರಾಹಕರ ಕೈ ಸೇರಿದ ಕೂಡಲೇ ನೀಡಿದ್ದಾರೆ.

• Beats a Porsche 911 while towing a 911
  pic.twitter.com/4YdS1tKQse

  — Elon Musk (@elonmusk) November 30, 2023 " class="align-text-top noRightClick twitterSection" data="

  Beats a Porsche 911 while towing a 911
  pic.twitter.com/4YdS1tKQse

  — Elon Musk (@elonmusk) November 30, 2023

  ">

  Beats a Porsche 911 while towing a 911
  pic.twitter.com/4YdS1tKQse

  — Elon Musk (@elonmusk) November 30, 2023

ಈ ವಾಹನದ ಬಗ್ಗೆ 3 ವರ್ಷದ ಹಿಂದೆ ಮಸ್ಕ್​ ತಿಳಿಸಿದ್ದರು. ಆದರಂತೆ ಇದು 2023ರ ವೇಳೆಗೆ ಗ್ರಾಹಕರಿಗೆ ಲಭ್ಯವಾಗಿದೆ. ಇದನ್ನು ಬಿಡುಗಡೆ ಮಾಡಿದ ಮಸ್ಕ್​​ "ಇದು ರಸ್ತೆಯಲ್ಲಿ ಅತ್ಯಂತ ವಿಶಿಷ್ಟವಾದ ವಿಷಯವಾಗಿರಲಿದೆ, ಭವಿಷ್ಯವು ಇದರಿಂದ ಕಾಣುತ್ತಿದೆ" ಎಂದಿದ್ದಾರೆ.

ಈಗಾಗಲೇ ಅಮೆರಿಕದ ರಸ್ತೆಗಳಲ್ಲಿ ಫೋರ್ಡ್, ಜನರಲ್ ಮೋಟಾರ್ಸ್ (ಜಿಎಮ್​) ಮತ್ತು ರಾಮ್ ಟ್ರಕ್​ಗಳು ಓಡಾಡುತ್ತಿವೆ. ಆಟೋ ಮೊಬೈಲ್​ ಮಾರುಕಟ್ಟೆಯ ಬಹುಪಾಲುನ್ನು ಈ ಸಂಸ್ಥೆಗಳು ತಮ್ಮ ವಶಕ್ಕೆ ಪಡೆದುಕೊಂಡಿವೆ. ಮಸ್ಕ್ ಇದನ್ನು ಅನಾವರಣಗೊಳಿಸಿದಾಗಿನಿಂದ, ವಾಹನ ತಯಾರಕರು ತಮ್ಮದೇ ಆದ ವಿದ್ಯುತ್ ಟ್ರಕ್‌ಗಳನ್ನು ತಯಾರಿಸಿದ್ದಾರೆ. ಫೋರ್ಡ್, ಜಿಎಮ್​ ಮತ್ತು ಅಪ್‌ಸ್ಟಾರ್ಟ್ ರಿವಿಯನ್ ಈಗಾಗಲೇ ವಿದ್ಯುತ್​ ಚಾಲಿತ ಟ್ರಕ್‌ಗಳನ್ನು ಮಾರಾಟ ಮಾಡುತ್ತಿವೆ ಮತ್ತು ರಾಮ್ ಮುಂದಿನ ವರ್ಷದ ಆರಂಭದಲ್ಲಿ ಎಲೆಕ್ಟ್ರಿಕ್​​ ಟ್ರಕ್​ ಬಿಡುಗಡೆಮಾಡಲಿದೆ. ಫೋರ್ಡ್‌ನ ಎಫ್-ಸಿರೀಸ್ ಪಿಕಪ್‌ಗಳು ರಾಷ್ಟ್ರದಲ್ಲಿ ಹೆಚ್ಚು ಮಾರಾಟವಾಗುವ ವಾಹನಗಳಾಗಿವೆ, ನಂತರ ಜಿಎಮ್​ನ ಷೆವರ್ಲೆ ಸಿಲ್ವೆರಾಡೊ ಮತ್ತು ಸ್ಟೆಲ್ಲಂಟಿಸ್ ರಾಮ್ ಪಿಕಪ್ ಇದೆ.

ಸೈಬರ್‌ಟ್ರಕ್‌ನ ದೇಹವು ಟೆಸ್ಲಾ ಅಭಿವೃದ್ಧಿಪಡಿಸಿದ ಸ್ಟೇನ್‌ಲೆಸ್ ಸ್ಟೀಲ್ ಮಿಶ್ರಲೋಹದಿಂದ ಮಾಡಲ್ಪಟ್ಟಿದೆ. ಸ್ಟೇನ್‌ಲೆಸ್ ಸ್ಟೀಲ್‌ಗೆ ಯಾವುದೇ ತುಕ್ಕು ಹಿಡಿಯುವುದಿಲ್ಲ ಮತ್ತು ಬಣ್ಣ ಅಗತ್ಯವಿಲ್ಲ, ಅದರ ಆಯಸ್ಸು ಹೆಚ್ಚಿನ ಕಾಲ ಇರುತ್ತದೆ ಎಂದು ಮಸ್ಕ್ ಹೇಳಿದ್ದಾರೆ.

ಟ್ರಕ್​ ವಿಶೇಷತೆ: ಟ್ರಕ್ ರಸ್ತೆಯಿಂದ 17 ಇಂಚುಗಳ (43 ಸೆಂಟಿಮೀಟರ್) ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ ಮತ್ತು ಇದು 2.6 ಸೆಕೆಂಡುಗಳಲ್ಲಿ ಸೊನ್ನೆಯಿಂದ 60 mph (ಗಂಟೆಗೆ 97 ಕಿಲೋಮೀಟರ್) ವೇಗವನ್ನು ತೆಗೆದುಕೊಳ್ಳುತ್ತದೆ. ಇದು ಫೋರ್​ ವೀಲ್​ ವಾಹನ ಆಗಿದ್ದು, ಟ್ರಕ್‌ನ ವೇಗವನ್ನು ಆಧರಿಸಿ ಸ್ಟೀರಿಂಗ್ ಮೋಡ್​ ಬದಲಾಗುತ್ತದೆ. ಒಂದಕ್ಕಿಂತ ಹೆಚ್ಚು ಟನ್‌ಗಳನ್ನು ಒಯ್ಯಬಲ್ಲದು ಮತ್ತು 11,000 ಪೌಂಡ್‌ಗಳಷ್ಟು (5,000 ಕಿಲೋಗ್ರಾಂಗಳಷ್ಟು) ಎಳೆದುಕೊಂಡು ಹೋಗಬಲ್ಲ ಸಾಮರ್ಥ್ಯ ಹೊಂದಿದೆ ಎಂದು ಮಸ್ಕ್ ತಿಳಿಸಿದರು.

"ನಾವು 1 ಮಿಲಿಯನ್‌ಗಿಂತಲೂ ಹೆಚ್ಚು ಭರವಸೆಯ ಗ್ರಾಹಕರನ್ನು ಹೊಂದಿದ್ದೇವೆ. ಆದ್ದರಿಂದ ಬೇಡಿಕೆಯ ಸಮಸ್ಯೆಯಲ್ಲ. ಆದರೆ ನಾವು ಅದನ್ನು ತಯಾರಿಸಬೇಕು ಮತ್ತು ಜನರು ಕೊಳ್ಳಬಲ್ಲ ಬೆಲೆಗೆ ಮಾರುಕಟ್ಟೆಗೆ ತರುವುದು ನಿಜವಾದ ಸವಾಲು" ಎಂದು ಮಸ್ಕ್​ ವಿವರಿಸಿದ್ದಾರೆ.

• Doors are bulletproof to .45” & 9mm
  pic.twitter.com/alTYkDcsIz

  — Elon Musk (@elonmusk) November 30, 2023 " class="align-text-top noRightClick twitterSection" data="

  Doors are bulletproof to .45” & 9mm
  pic.twitter.com/alTYkDcsIz

  — Elon Musk (@elonmusk) November 30, 2023

  ">

  Doors are bulletproof to .45” & 9mm
  pic.twitter.com/alTYkDcsIz

  — Elon Musk (@elonmusk) November 30, 2023

ಬೆಲೆ ಮತ್ತು ಸಾಮರ್ಥ್ಯ: 2019 ರಲ್ಲಿ ಟ್ರಕ್ ಅನ್ನು ಅನಾವರಣಗೊಳಿಸಿದಾಗ, ಟೆಸ್ಲಾ ಮೂಲ ಆವೃತ್ತಿಯು 39,900 ಡಾಲರ್​ನಿಂದ ಪ್ರಾರಂಭವಾಗಲಿದೆ ಎಂದು ಹೇಳಿದ್ದರು, ಆದರೆ ಬೆಲೆ 69,900 ಆಗಿದೆ. ಟ್ರಕ್ ಪ್ರತಿ ಪೂರ್ತಿ ವಿದ್ಯುತ್ ಚಾರ್ಜ್‌ಗೆ 250 ರಿಂದ 500 ಮೈಲುಗಳ (400 ರಿಂದ 800 ಕಿಲೋಮೀಟರ್) ವ್ಯಾಪ್ತಿಯನ್ನು ಕ್ರಮಿಸುತ್ತದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಗ್ಯಾಸ್ - ಡೀಸೆಲ್​ಗಿಂತ ಎಲೆಕ್ಟ್ರಿಕ್ ವಾಹನಗಳ ನಿರ್ವಹಣಾ ವೆಚ್ಚ ಅಧಿಕ: ಸಂಶೋಧನಾ ವರದಿ