ನವದೆಹಲಿ: ನಿಮ್ಮ ಫೀಡ್‌ನಲ್ಲಿರುವ ವಿಡಿಯೋಗಳಿಗೆ ಕಂಪನಿಯು ಸ್ವಯಂ - ರಚಿತ ಶೀರ್ಷಿಕೆಗಳನ್ನು ಸೇರಿಸುತ್ತಿದೆ ಎಂದು ಇನ್ಸ್ಟಾಗ್ರಾಮ್ ಮುಖ್ಯಸ್ಥ ಆಡಮ್ ಮೊಸ್ಸೆರಿ ಮಂಗಳವಾರ ಹೇಳಿದ್ದಾರೆ.
ಟಿಕ್‌ಟಾಕ್ ಕಳೆದ ಏಪ್ರಿಲ್‌ನಲ್ಲಿ ಸ್ವಯಂ-ಶೀರ್ಷಿಕೆಗಳನ್ನು ಪರಿಚಯಿಸಿತ್ತು. ಇದೀಗ ಸಾಮಾಜಿಕ ಜಾಲತಾಣವಾದ ಇನ್ಸ್ಟಾಗ್ರಾಮ್ ಕೂಡ ಈ ರೀತಿಯ ಫೀಚರ್ ಪರಿಚಯಿಸಿದ್ದು, ಶೀರ್ಷಿಕೆಗಳು ಡೀಫಾಲ್ಟ್ ಆಗಿ ಆನ್ ಆಗುತ್ತವೆ. ಪ್ರಾರಂಭದಲ್ಲಿ ಈ ಶೀರ್ಷಿಕೆಗಳು ಆಯ್ಕೆಯ ಭಾಷೆಗಳಲ್ಲಿ ಮಾತ್ರ ಲಭ್ಯವಿದ್ದು, ಮುಂಬರುವ ತಿಂಗಳುಗಳಲ್ಲಿ ಹೆಚ್ಚಿನ ಭಾಷೆಗಳಿಗೆ ಶೀರ್ಷಿಕೆಗಳನ್ನು ವಿಸ್ತರಿಸಲಾಗುತ್ತದೆ ಎಂದು ಮೊಸ್ಸೆರಿ ತಿಳಿಸಿದ್ದಾರೆ.
ಕಳೆದ ತಿಂಗಳು ಇನ್ಸ್ಟಾಗ್ರಾಮ್ ಪ್ರೈವೇಟ್ ಸ್ಟೋರಿ ಲೈಕ್ಸ್ ಎಂಬ ಹೊಸ ವೈಶಿಷ್ಟ್ಯವನ್ನು ಬಿಡುಗಡೆ ಮಾಡಿದೆ. ಇದು ಬಳಕೆದಾರರಿಗೆ ಡಿಎಂ ಕಳುಹಿಸದೆಯೇ ಇನ್‌ಸ್ಟಾ ಸ್ಟೋರಿಯನ್ನು ಲೈಕ್ ಮಾಡಲು ಅನುವು ಮಾಡಿಕೊಡುತ್ತದೆ.
ಇದನ್ನೂ ಓದಿ: ಅಮರಾವತಿಯೇ ಆಂಧ್ರಪ್ರದೇಶದ ರಾಜಧಾನಿ: ಹೈಕೋರ್ಟ್
