ಜರ್ಮನಿ: ಬಾಯ್ಫ್ರೆಂಡ್ ಜೊತೆ ದೈಹಿಕ ಸಂಪರ್ಕ ನಡೆಸುತ್ತಿದ್ದ ವೇಳೆ ಆತನಿಗೆ ಗೊತ್ತಾಗದ ರೀತಿಯಲ್ಲಿ ಕಾಂಡೋಮ್ಗೆ ರಂಧ್ರ ಮಾಡಿ, ಯುವತಿಯೋರ್ವಳು ಸಂಕಷ್ಟಕ್ಕೆ ಸಿಲುಕಿದ್ದಾಳೆ. ಪಶ್ಚಿಮ ಜರ್ಮನಿಯಲ್ಲಿ ಘಟನೆ ನಡೆದಿದೆ. ಈ ಕಾರಣದಿಂದಾಗಿ ಆಕೆ ಜೈಲು ಸೇರಿದ್ದಾಳೆ.
ಆನ್ಲೈನ್ ಮೂಲಕ ಪರಿಚಯವಾದ 39 ವರ್ಷದ ಯುವತಿ 42 ವರ್ಷದ ಪುರುಷನೊಂದಿಗೆ ವಾಸವಾಗಿದ್ದು, ಇಬ್ಬರ ನಡುವೆ ಪ್ರೀತಿ ಚಿಗುರಿದೆ. ಈ ವೇಳೆ ದೈಹಿಕ ಸಂಪರ್ಕವೂ ನಡೆದಿದೆ. ಆತನನ್ನು ವಿಪರೀತ ಹಚ್ಚಿಕೊಂಡ ಯುವತಿ ಮದುವೆ ಮಾಡಿಕೊಳ್ಳುವಂತೆ ತಿಳಿಸಿದ್ದಾಳೆ. ಆದರೆ, ಇದಕ್ಕೆ ಆತ ಒಪ್ಪಲಿಲ್ಲ.
ಕಾಂಡೋಮ್ಗೆ ರಂಧ್ರ: ತಾನು ಗರ್ಭಿಣಿಯಾದರೆ ಆತ ತನ್ನೊಂದಿಗೆ ಮದುವೆಯಾಗುತ್ತಾನೆಂದು ಯೋಚಿಸಿದ್ದಾಳೆ. ದೈಹಿಕ ಸಂಬಂಧದ ಗೊತ್ತಾಗದ ರೀತಿಯಲ್ಲಿ ಕಾಂಡೋಮ್ಗೆ ರಂಧ್ರ ಮಾಡಿದ್ದಾಳೆ. ಇದಾದ ಬಳಿಕ ಮೆಸೇಜ್ ಮಾಡಿದ್ದು, ನಾನು ಗರ್ಭಿಣಿಯಾಗಿದ್ದೇನೆಂದು ಅನಿಸುತ್ತದೆ ಎಂದು ಹೇಳಿದ್ದಾಳೆ. ಜೊತೆಗೆ ಕೃತ್ಯವನ್ನೂ ಒಪ್ಪಿಕೊಂಡಿದ್ದಾಳೆ. ಇದರ ಬೆನ್ನಲ್ಲೇ ಆತ ಕ್ರಿಮಿನಲ್ ದೂರು ದಾಖಲು ಮಾಡಿದ್ದಾನೆ.
ಇದನ್ನೂ ಓದಿ: ಮಕ್ಕಳಿಗೆ ವಿಷವುಣಿಸಿ, ಆತ್ಮಹತ್ಯೆಗೆ ಶರಣಾದ ದಂಪತಿ; ಲಾಡ್ಜ್ನಲ್ಲಿ ನಾಲ್ವರ ಶವ ಪತ್ತೆ
ಕೋರ್ಟ್ ಮೊರೆ ಹೋದ ವ್ಯಕ್ತಿ: ದೈಹಿಕ ಸಂಬಂಧದ ವೇಳೆ ತನಗೆ ಗೊತ್ತಿಲ್ಲದ ರೀತಿಯಲ್ಲಿ ಕಾಂಡೋಮ್ಗೆ ರಂಧ್ರ ಮಾಡಿದ್ದು, ಇದೊಂದು ಕ್ರಿಮಿನಲ್ ಕೇಸ್ ಆಗಿದೆ ಎಂದು ಕೋರ್ಟ್ ಮೊರೆ ಹೋಗಿದ್ದಾನೆ. ಪಾಲುದಾರನಿಗೆ ಅರಿವಿಲ್ಲದ ರೀತಿಯಲ್ಲಿ ಉದ್ದೇಶಪೂರ್ವಕವಾಗಿ ಕಾಂಡೋಮ್ಗೆ ರಂಧ್ರ ಮಾಡಿದ್ದಕ್ಕಾಗಿ ಆಕೆಗೆ ಆರು ತಿಂಗಳ ಜೈಲು ಸಜೆ ವಿಧಿಸಲಾಗಿದೆ ಎಂದು ಅಲ್ಲಿನ ಸುದ್ದಿಸಂಸ್ಥೆಯೊಂದು ವರದಿ ಮಾಡಿದೆ.
