ಕೀವ್: ರಷ್ಯಾ ಮತ್ತು ಉಕ್ರೇನ್ ನಡುವಿನ ಕಾದಾಟ ಭೀಕರತೆ ಪಡೆಯುತ್ತಿದೆ. ಈ ಮಧ್ಯೆಯೇ ರಷ್ಯಾದ ಯುದ್ಧ ಟ್ಯಾಂಕರ್ಗಳ ಮೇಲೆ ಇರುವ 'Z' ಎಂಬ ಅಕ್ಷರ ಕುತೂಹಲ ಕೆರಳಿಸಿದೆ. ರಷ್ಯಾ ಆಪರೇಷನ್ 'ಝಡ್' ಹೆಸರಿನಲ್ಲಿ ಯುದ್ಧ ಸಾರಿದೆ ಎಂದು ಹೇಳಲಾಗಿದೆ. Z ಎಂಬುದು ಉಕ್ರೇನ್ ಅಧ್ಯಕ್ಷ ಜೆಲೆನ್ಸ್ಕಿ ಅವರ ಹೆಸರಿನ ಮೊದಲ ಅಕ್ಷರವಾಗಿದೆ. ಅವರೇ ಈ ಯುದ್ಧದ ಮೊದಲ ಟಾರ್ಗೆಟ್ ಆಗಿದ್ದಾರಾ ಎಂಬುದು ಅನುಮಾನ ಮೂಡಿಸಿದೆ.
ಈ ಬಗ್ಗೆ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಜೆಲೆನ್ಸ್ಕಿ ಕೂಡ ಶಂಕಿಸಿದ್ದು, ನಾನೇ ಅವರ ನಂಬರ್ ಒನ್ ಶತ್ರುವಾದ ಕಾರಣ ರಷ್ಯಾ ತನ್ನ ದೇಶದ ಮೇಲೆ ದಾಳಿ ಮಾಡಿದೆ. ಬಳಿಕ ನನ್ನ ಕುಟುಂಬ ಅವರ ಎರಡನೇ ಗುರಿಯಾಗಿದೆ ಎಂದು ಹೇಳಿಕೆ ನೀಡಿದ್ದಾರೆ.
ರಾಷ್ಟ್ರದ ಮುಖ್ಯಸ್ಥನನ್ನು ಮೊದಲು ನಾಶ ಮಾಡಿ, ಬಳಿಕ ದೇಶದ ಆಡಳಿತ ವ್ಯವಸ್ಥೆಯನ್ನು ನಿರ್ನಾಮ ಮಾಡುವುದು ರಷ್ಯಾದ ಪ್ರಬಲ ಗುರಿಯಾಗಿದೆ ಎಂದು ಅವರು ಹೇಳಿದ್ದಾರೆ. ಹೀಗಾಗಿ ರಷ್ಯಾ ಯುದ್ಧ ಟ್ಯಾಂಕರ್ಗಳ ಮೇಲೆ 'ಝಡ್' ಎಂದು ನಮೂದಿಸಿ ಆಪರೇಷನ್ Z ಹೆಸರಿನಲ್ಲಿ ಉಕ್ರೇನ್ ಮೇಲೆ ಯುದ್ಧ ಸಾರಿದೆ ಎಂದು ಶಂಕಿಸಲಾಗಿದೆ.
ನಾನು ರಾಜಧಾನಿ ಕೀವ್ನಲ್ಲೇ ಇದ್ದೇವೆ. ನನ್ನ ಕುಟುಂಬವೂ ಉಕ್ರೇನ್‌ನಲ್ಲಿದೆ. ಉಕ್ರೇನ್ನಲ್ಲಿರುವ ರಷ್ಯಾದ ನಾಗರಿಕರ ರಕ್ಷಣೆ ಉದ್ದೇಶದಿಂದ ಅದು ಈ ಯುದ್ಧ ಸಾರಿಲ್ಲ. ರಷ್ಯಾದ ಈ ಹೇಳಿಕೆ ಆಧಾರರಹಿತ ಎಂದು ವೊಲೊಡಿಮಿರ್ ಜೆಲೆನ್ಸ್ಕಿ ಹೇಳಿದ್ದಾರೆ.
ಓದಿ: ಉಕ್ರೇನ್ನಲ್ಲಿ ಕರ್ನಾಟಕದ 281 ಎಂಬಿಬಿಎಸ್‌ ವಿದ್ಯಾರ್ಥಿಗಳು: ವಿದೇಶಾಂಗ ಸಚಿವಾಲಯಕ್ಕೆ ಮಾಹಿತಿ ರವಾನೆ
