ರಿಯಾದ್(ಸೌದಿ ಅರೇಬಿಯಾ): ಸೌದಿ ಅರೇಬಿಯಾ ರಾಜ ಸಲ್ಮಾನ್ ಇಂದು ಕೊರೊನಾ ವೈರಸ್ ಲಸಿಕೆಯ ಮೊದಲ ಚುಚ್ಚುಮದ್ದು ಪಡೆದುಕೊಂಡಿದ್ದು, ಈ ಮೂಲಕ ಎಲ್ಲರಿಗೂ ಮಾದರಿಯಾಗಿದ್ದಾರೆ.
85 ವರ್ಷದ ಸಲ್ಮಾನ್ ಕೊರೊನಾ ವೈರಸ್ನ ಮೊದಲ ಚುಚ್ಚುಮದ್ದು ಪಡೆದುಕೊಂಡಿದ್ದಾಗಿ ಅಲ್ಲಿನ ಸುದ್ದಿವಾಹಿನಿ ಮಾಹಿತಿ ಪ್ರಕಟಿಸಿದ್ದು, ಇದಕ್ಕೆ ಅಲ್ಲಿನ ಆರೋಗ್ಯ ಇಲಾಖೆ ದನ್ಯವಾದ ತಿಳಿಸಿದೆ. ಅಮೆರಿಕದಿಂದ ಸಿದ್ದಗೊಂಡಿರುವ ಫೈಜರ್ ಚುಚ್ಚುಮದ್ದು ಸೌದಿ ಅರೇಬಿಯಾದಲ್ಲಿ ನೀಡಲಾಗುತ್ತಿದೆ.
ಓದಿ: ಕೋವಿಡ್ ವ್ಯಾಕ್ಸಿನ್ ಹಾಕಿಸಿಕೊಂಡ ಮೊದಲ ಭಾರತೀಯ ನಟಿ ಶಿಲ್ಪಾ.. ಹೇಳಿದ್ದೇನು!?
ಸೌದಿ ಅರೇಬಿಯಾ ದೊರೆ ಸಲ್ಮಾನ್ ಜತೆಗೆ ಆತನ ಸಹೋದರ ಫ್ರಿನ್ಸ್ ಖಾಲೀದ್ ಬಿಲ್ ಸಲ್ಮಾನ್ ಹಾಗೂ ಸೌದಿ ಸರ್ಕಾರದ ಅನೇಕ ಅಧಿಕಾರಿಗಳು ಈ ಚುಚ್ಚುಮದ್ದು ಪಡೆದುಕೊಂಡಿದ್ದಾರೆ. ಇನ್ನು ಸಿಂಗಪೂರ್ ಪ್ರಧಾನಿ ಲೀ ಹ್ಸೀನ್ ಲೂಂಗ್ ನಿನ್ನೆ ಸರ್ಕಾರಿ ಆಸ್ಪತ್ರೆಯಲ್ಲಿ ಕೋವಿಡ್ ವ್ಯಾಕ್ಸಿನ್ ಫೈಜರ್ ಚುಚ್ಚುಮದ್ದು ತೆಗೆದುಕೊಂಡಿದ್ದಾರೆ.
