ಸಿಯೋಲ್ (ದಕ್ಷಿಣ ಕೊರಿಯಾ): ಖಾಲಿಯಿದ್ದ ಪ್ರೇಕ್ಷಕರ ಗ್ಯಾಲರಿಯಲ್ಲಿ ಸೆಕ್ಸ್ ಡಾಲ್ಗಳನ್ನು ತುಂಬಿದ್ದ ಸಿಯೋಲ್ ಫುಟ್ಬಾಲ್ ಕ್ಲಬ್ಗೆ ಕೆಲೀಗ್ ಮಂಡಳಿಯು 10 ಲಕ್ಷ ಡಾಲರ್ ದಂಡ ವಿಧಿಸಲಾಗಿದೆ. ಸಿಯೋಲ್ ಫುಟ್ಬಾಲ್ ಕ್ಲಬ್ ನ ಈ ನಡೆ ಮೂಲಕ ಮಹಿಳೆಯರು ಹಾಗೂ ಅಪಾರ ಕುಟುಂಬಗಳಿಗೆ ಅಪಮಾನವಾಗಿದೆ ಎಂದು ಆರೋಪಿಸಲಾಗಿದೆ.
ಕೊರೊನಾ ಲಾಕ್ಡೌನ್ ನಂತರ ಜನರು ಈಗ ಸಾಮಾನ್ಯ ಸ್ಥಿತಿಗೆ ಮರಳುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿಯೇ ಸೋಂಕಿನ ಮುನ್ನೆಚ್ಚರಿಕಾ ಕ್ರಮಗಳನ್ನು ಅನುಸರಿಸಿಕೊಂಡು ಒಳಾಂಗಣ ಫುಟ್ಬಾಲ್ ಪಂದ್ಯಗಳನ್ನು ಆಯೋಜನೆ ಮಾಡಲಾಗುತ್ತಿದೆ.
ಗ್ವಾಂಗ್ಜು ವಿರುದ್ಧ ಎಫ್‌ಸಿ ಸಿಯೋಲ್‌ನ ಪಂದ್ಯದ ವೇಳೆ ಲೈಂಗಿಕ ಗೊಂಬೆಗಳನ್ನು ಬಳಕೆ ಮಾಡಿಕೊಳ್ಳಲಾಗಿದೆ. 30 ಗೊಂಬೆಗಳನ್ನು ಬಳಕೆ ಮಾಡಲಾಗಿದ್ದು, ಇದರಲ್ಲಿ 28 ಹೆಣ್ಣು ಎರಡು ಪುರುಷ ಗೊಂಬೆಗಳಿವೆ.
ಇದರ ಗಂಭೀರತೆಯನ್ನು ಪರಿಗಣಿಸಿ ಶಿಸ್ತು ಸಮಿತಿಯು ಕ್ರಮ ಕೈಗೊಳ್ಳಲು ನಿರ್ಧರಿಸಿದೆ. ಇದು ಸ್ತ್ರೀ ಮತ್ತು ಕುಟುಂಬಸ್ಥರನ್ನು ಅವಮಾನಿಸಿದೆ ಎಂದಿರುವ ಸಂಸ್ಥೆ ಮುಂದೆ ಹೀಗಾಗಂತೆ ನೋಡಿಕೊಳ್ಳಲಾಗುವುದು ಎಂದು ತಿಳಿಸಿದೆ.
