ಬೀಜಿಂಗ್: ಚೀನಾದಲ್ಲಿ ಕೊರೋನಾ ವೈರಸ್ ಸೋಂಕಿನಿಂದಾಗಿ ಮತ್ತೆ 44 ಮಂದಿ ಸಾವಿಗೀಡಾಗಿದ್ದು, 327 ಹೊಸ ಪ್ರಕರಣಗಳು ದಾಖಲಾಗಿವೆ. ಇದು ಈ ತಿಂಗಳಲ್ಲಿ ದಾಖಲಾದ ಅತಿ ಕಡಿಮೆ ಅಂಕಿ ಅಂಶ.
ರಾಷ್ಟ್ರೀಯ ಆರೋಗ್ಯ ಆಯೋಗದ ಪ್ರಕಾರ ಚೀನಾದಲ್ಲಿ ಕೊರೋನಾ ವೈರಸ್ಗೆ ಬಲಿಯಾದವರ ಸಂಖ್ಯೆ 2788 ತಲುಪಿದೆ. ಬೀಜಿಂಗ್ನಲ್ಲಿ ಎರಡು, ಹುಬೈನಲ್ಲಿ 29 ಸಾವಿನ ಸಂಖ್ಯೆ ವರದಿಯಾಗಿದೆ.
78,824 ಜನರು ಈಗ ಮುಖ್ಯವಾಗಿ ಕೋವಿಡ್-19 ಸೋಂಕಿಗೆ ಒಳಗಾಗಿದ್ದು, 259 ಮಂದಿಗೆ ಸೋಂಕು ತಗುಲಿದೆ. ಜನವರಿ 24 ರಿಂದ ಇಲ್ಲಿಯವರೆಗೆ ಹೋಲಿಕೆ ಮಾಡಿ ನೋಡಿದರೆ, ಶುಕ್ರವಾರದ ಸೋಂಕಿತರ ಸಾವಿನ ಪ್ರಮಾಣ, ಸೋಂಕು ಕಾಣಿಸಿಕೊಂಡವರು ಕಡಿಮೆಯಾಗಿದ್ದಾರೆ.
ಚೀನಾದಲ್ಲಿ ಕಾಣಿಸಿಕೊಂಡ ಕೊರೋನಾ ವೈರಸ್ ಅತಿ ಬೇಗನೆ ಬೇರೆ ದೇಶಗಳಿಗೂ ಹಬ್ಬಿದ್ದು, ಕೊರೋನಾ ವೈರಸ್ ಸಾಂಕ್ರಾಮಿಕ ರೋಗವು ನಿರ್ಣಾಯಕ ಹಂತದಲ್ಲಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.
