ಸ್ಮಿತ್ಸ್‌ಬರ್ಗ್ (ಅಮೆರಿಕ): ಹಲವು ಪ್ರಕರಣದಲ್ಲಿ ಬೇಕಾಗಿದ್ದ ಮಾಜಿ ಪೊಲೀಸ್ ಅಧಿಕಾರಿ ಮತ್ತು ಆತನ ಇಬ್ಬರು ಹೆಣ್ಮಕ್ಕಳು ಹಾಗೂ ಇತ್ತಿಚೇಗೆ ಅಮಾನತುಗೊಂಡಿದ್ದ ಮಹಿಳಾ ಪೊಲೀಸ್ ಅಧಿಕಾರಿ ಕಾರಿನಲ್ಲಿ ಪರಾರಿಯಾಗುತ್ತಿದ್ದರು. ಕಾರು ಬೆನ್ನಟ್ಟಿದ ಪೊಲೀಸರು ಮೇರಿಲ್ಯಾಂಡ್-ಪೆನ್ಸಿಲ್ವೇನಿಯಾ ಲೈನ್ ಬಳಿ ಚೇಸಿಂಗ್ ವೇಳೆ ಗುಂಡಿನ ದಾಳಿ ನಡೆಸಿದ್ದರು. ಈ ದಾಳಿಯಲ್ಲಿ ಮಾಜಿ ಪೊಲೀಸ್ ಅಧಿಕಾರಿ ಮತ್ತು ಆತನ ಇಬ್ಬರು ಹೆಣ್ಮಕ್ಕಳು ಹಾಗೂ ಅಮಾನತುಗೊಂಡ ಮಹಿಳಾ ಪೊಲೀಸ್ ಅಧಿಕಾರಿ ಸಾವನ್ನಪ್ಪಿದ್ದಾರೆ.
ನಡೆದ ಗುಂಡಿನ ದಾಳಿಯಲ್ಲಿ ಎರಡೂ ರಾಜ್ಯಗಳಲ್ಲಿ ಅಪರಾಧಗಳಿಗೆ ಬೇಕಾಗಿರುವ ಮಾಜಿ ಬಾಲ್ಟಿಮೋರ್ ಕೌಂಟಿ ಪೊಲೀಸ್ ಅಧಿಕಾರಿ ರಾಬರ್ಟ್ ವಿಕೋಸಾ (41) ಪರಾರಿಯಾಗಿದ್ದರು. ಗುರುವಾರ ಫೋರ್ಡ್ ಎಡ್ಜ್ ಕಾರಿನ ಹಿಂದಿನ ಸೀಟಿನಲ್ಲಿ 6 ಮತ್ತು 7 ವರ್ಷದ ತನ್ನಿಬ್ಬರು ಹೆಣ್ಣುಮಕ್ಕಳೊಂದಿಗೆ ರಾಬರ್ಟ್ ಶವವಾಗಿ ಪತ್ತೆಯಾಗಿದ್ದಾರೆ ಎಂದು ಪೊಲೀಸರು ಪ್ರಕಟಣೆ ಮೂಲಕ ತಿಳಿಸಿದ್ದಾರೆ.
ಗುಂಡಿನ ದಾಳಿಯಲ್ಲ ಬಾಲಕಿಗೆ ಗಾಯ
ಚಾಲಕನ ಸೀಟಿನಲ್ಲಿ ಶವವಾಗಿ ಪತ್ತೆಯಾದ ಮಹಿಳೆ ಅಮಾನತುಗೊಂಡ ಕೌಂಟಿ ಪೊಲೀಸ್ ಅಧಿಕಾರಿ ತಿಯಾ ಬೈನಮ್ (35) ಎಂದು ಗುರುತಿಸಲಾಗಿದೆ. ಈ ಗುಂಡಿನ ದಾಳಿಯಲ್ಲಿ ಬಾಲಕಿಯೊಬ್ಬಳು ತೀವ್ರ ಗಾಯಗಳಿಂದ ಬಳಲುತ್ತಿದ್ದು, ಕೂಡಲೇ ಆಕೆಯನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಅಷ್ಟೊತ್ತಿಗಾಗಲೇ ಆ ಬಾಲಕಿ ಸಾವನ್ನಪ್ಪಿದ್ದಾಳೆ ಎಂದು ವೈದ್ಯರು ಘೋಷಿಸಿದರು. ಉಳಿದ ಮೂವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಗಂಡ ಹೆಂಡತಿ ನಡುವಣ ಜಗಳ.. ಇಷ್ಟಕ್ಕೆಲ್ಲ ಕಾರಣ
ರಾಬರ್ಟ್ ಮತ್ತು ಆತನ ಪತ್ನಿ ಕೌಟುಂಬಿಕ ಕಲಹದಿಂದ ದೂರವಾಗಿದ್ದರು. ಶುಕ್ರವಾರದಂದು ರಾಬರ್ಟ್ ವಿಕೋಸಾ ಅವರ ಪತ್ನಿಯ ಜನ್ಮದಿನ. ಹೀಗಾಗಿ ನಿನ್ನ ಜನ್ಮದಿನವನ್ನು ಮಕ್ಕಳೊಂದಿಗೆ ಆಚರಿಸೋಣಾ ಬಾ ಎಂದು ಪತ್ನಿಯನ್ನು ರಾಬರ್ಟ್ ಮನೆಗೆ ಕರೆದಿದ್ದಾನೆ. ಅದರಂತೆ ಆಕೆ ರಾಬರ್ಟ್ ಮನೆಗೆ ತೆರಳಿ ಜನ್ಮದಿನ ಆಚರಿಸಿದ್ದಾರೆ.
ಬಳಿಕ ಮಕ್ಕಳು ಮಲಗಲು ತೆರಳಿದ್ದರು. ಮಹಿಳೆಯೂ ಸಹ ತನ್ನ ಮನೆಗೆ ಹೋಗಲು ಸಿದ್ಧವಿದ್ದಳು. ಅಷ್ಟರಲ್ಲೇ ರಾಬರ್ಟ್ ಮತ್ತು ಆತನ ಪತ್ನಿ ಮಧ್ಯೆ ಜಗಳ ಶುರುವಾಗಿದೆ. ಜಗಳ ವಿಕೋಪಕ್ಕೆ ತಿರುಗಿದೆ. ಈ ವೇಳೆ ರಾಬರ್ಟ್ ಗನ್ ಪಾಯಿಂಟ್ನಲ್ಲಿ ತನ್ನ ಪತ್ನಿಯನ್ನು ಮನೆಯ ಮಾಳಿಗೆಯ ಕೊಠಡಿವೊಂದಕ್ಕ ಕರೆದೊಯ್ದು ಹಗ್ಗದಿಂದ ಕಟ್ಟಿ ಹಾಕಿದ್ದಾನೆ.
ತನ್ನ ಪತಿಯಿಂದ ತಪ್ಪಿಸಿಕೊಂಡ ಮಹಿಳೆ ನೇರ 911ಗೆ ಕರೆ ಮಾಡಿ ನಡೆದ ಘಟನೆ ಬಗ್ಗೆ ವಿವರಿಸಿದ್ದಾರೆ. ಸರ್ಚ್ ವಾರೆಂಟ್ ತೆಗೆದುಕೊಂಡ ಪೊಲೀಸರು ರಾಬರ್ಟ್ ವಿಕೋಸಾ ಮನೆಗೆ ತೆರಳಿದ್ದಾರೆ. ಆದರೆ ರಾಬರ್ಟ್ ಮನೆಯಲ್ಲಿ ಯಾರೂ ಇಲ್ಲದ ಕಾರಣ ಗ್ಲಾಸ್ನ ಬಾಗಿಲು ಮುರಿದು ಪೊಲೀಸರು ಒಳ ನಡೆದಿದ್ದಾರೆ. ಸಂಪೂರ್ಣವನ್ನು ಮನೆಯನ್ನು ಪೊಲೀಸರು ಪರಿಶಿಲನೆ ನಡೆಸಿದ್ದಾರೆ. ಆದ್ರೆ ರಾಬರ್ಟನ ಸುಳಿವು ಮಾತ್ರ ಪೊಲೀಸರಿಗೆ ಸಿಕ್ಕಿರಲಿಲ್ಲ.
ಪೊಲೀಸರು ಚೇಜ್ ಮಾಡಿದ್ದೇಕೆ?
ರಾಬರ್ಟ್ ತನ್ನಿಬ್ಬರ ಹೆಣ್ಮಕ್ಕಳನ್ನು ಕರೆದುಕೊಂಡು ಹೋಗಿರುವ ಅನುಮಾನದ ಮೇಲೆ ಕೌಂಟಿ ಪೊಲೀಸ್ ಅಧಿಕಾರಿ ತಿಯಾ ಬೈನಮ್ ಮನೆಗೆ ತೆರಳಿದ್ದಾರೆ. ಫೋರ್ಡ್ ಎಡ್ಜ್ ಕಾರನ್ನು ಅಪಹರಿಸಿ ಬೈನಮ್, ರಾಬರ್ಟ್ ಮತ್ತು ಆತನ ಇಬ್ಬರು ಮಕ್ಕಳು ಪೆನ್ಸಿಲ್ವೇನಿಯಾ ಸ್ಟೇಟ್ ಕಡೆ ಪ್ರಯಾಣ ಬೆಳೆಸಿದ್ದರು.
ಈ ವೇಳೆ ಅಲ್ಲಿನ ಪೊಲೀಸರು ಮೇರಿಲ್ಯಾಂಡ್ ಸ್ಟೇಟ್ ಪೊಲೀಸರಿಗೆ ತಿಳಿಸಿದ್ದಾರೆ. ಬಳಿಕ ಚೇಸಿಂಗ್ ಮಾಡಿದ್ದ ಪೊಲೀಸರು ಕಾರಿನ ಮೇಲೆ ಗುಂಡಿನ ದಾಳಿ ನಡೆಸಿದ್ದಾರೆ. ಈ ದಾಳಿಯಲ್ಲಿ ನಾಲ್ವರು ಸಾವಪ್ಪಿದ್ದಾರೆ. ಈ ಘಟನೆ ಕುರಿತು ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
