ವೀಕೆಂಡ್ ಬಂತೆಂದರೆ ಸಾಕು, ಬಿಗ್ ಬಾಸ್ ವೀಕ್ಷಕರ ಸಂಖ್ಯೆಯೂ ಏರುತ್ತದೆ. ಏಕೆಂದರೆ, ವಾರದ ಕೊನೆಯ ಸಂಚಿಕೆಗೆ ಸಪರೇಟ್ ಫ್ಯಾನ್ಸ್ ಬೇಸ್ ಇದೆ. ಶನಿವಾರ ಮತ್ತು ಭಾನುವಾರ ಕಿಚ್ಚ ಸುದೀಪ್ ಕಾರ್ಯಕ್ರಮ ನಡೆಸಿಕೊಟ್ಟು, ಒಬ್ಬರನ್ನು ಎಲಿಮಿನೇಟ್ ಮಾಡುತ್ತಾರೆ. ಅತಿ ಹೆಚ್ಚು ಮತಗಳನ್ನು ಪಡೆದವರು ಮುಂದಿನ ವಾರಕ್ಕೆ ಪ್ರವೇಶ ಪಡೆದು, ಕಡಿಮೆ ಮತ ಗಳಿಸಿದವರು ಮನೆಯಿಂದ ಹೊರಬರುತ್ತಾರೆ. ಈ ವಾರದ ಶನಿವಾರದ ಪಂಚಾಯ್ತಿ ಮುಗಿದಿದ್ದು, ಇಂದು 'ಸೂಪರ್ ಸಂಡೇ ವಿತ್ ಸುದೀಪ' ಪ್ರಸಾರಗೊಳ್ಳಲಿದೆ.
ಈ ವಾರ ಸ್ಪರ್ಧಿಗಳಿಗೆ ರಾಕ್ಷಸರು ಮತ್ತು ಗಂಧರ್ವರು ಎಂಬ ವಿಶೇಷ ಟಾಸ್ಕ್ವೊಂದನ್ನು ನೀಡಲಾಗಿತ್ತು. ಇದನ್ನು ಆಟವೆಂದು ಪರಿಗಣಿಸಿದ ಮನೆ ಮಂದಿ ವೈಯಕ್ತಿಕವಾಗಿ ಟಾರ್ಗೆಟ್ ಮಾಡಿ ಆಡಿದ್ದರು. ಕೊನೆ ಕೊನೆಗೆ ಆಟವು ಆಜ್ಞೆಗಳ ಬದಲಾಗಿ ಶಿಕ್ಷೆಯ ರೂಪ ಪಡೆದುಕೊಂಡಿತ್ತು. ಸಂಗೀತಾ ಶೃಂಗೇರಿ ಹಾಗೂ ಪ್ರತಾಪ್ ಗಾಯಗೊಂಡು ಆಸ್ಪತ್ರೆ ಸೇರಿದ್ದರು. ಈ ಬಗ್ಗೆ ಸುದೀಪ್ ಯಾವ ರೀತಿಯಾಗಿ ಮನೆ ಮಂದಿಗೆ ಕ್ಲಾಸ್ ತೆಗೆದುಕೊಳ್ಳುತ್ತಾರೆ ಎಂದು ನೋಡಲು ಜನರು ಕೂಡ ಕಾಯುತ್ತಿದ್ದರು.
ಅದರಂತೆ, ಶನಿವಾರದ ಕಿಚ್ಚನ ಪಂಚಾಯ್ತಿಯಲ್ಲಿ ಬಾರಿ ದೊಡ್ಡ ಚರ್ಚೆಯೇ ನಡೆಯಿತು. ಈ ವಾರದ ಕ್ಯಾಪ್ಟನ್ ಆಗಿದ್ದ ಸ್ನೇಹಿತ್ ತಮ್ಮ ಜವಾಬ್ದಾರಿಯನ್ನು ಮರೆತು ಆಡಿದ್ದರು. ಜಗಳ ಆಗುತ್ತಿರುವಾಗ, ಆಜ್ಞೆಗಳು ಶಿಕ್ಷೆಗಳಾಗಿ ಬದಲಾದಾಗ ಸುಮ್ಮನೆ ಕುಳಿತಿದ್ದ ಅವರನ್ನು ಕಿಚ್ಚ ಸುದೀಪ್ ತಮ್ಮ ಮಾತುಗಳಿಂದಲೇ ತಿವಿದರು. ಕ್ಯಾಪ್ಟನ್ ಆಗುವುದಕ್ಕೆ ನೀವು ಅರ್ಹರೇ? ಎಂದು ಪ್ರಶ್ನಿಸಿದರು. ಅಲ್ಲದೇ, ಮನೆ ಮಂದಿಗೆಲ್ಲಾ ಬುದ್ಧಿವಾದದ ಮಾತುಗಳನ್ನು ಹೇಳಿದರು. ಟಾಸ್ಕನ್ನು ಕ್ರಿಯೇಟಿವ್ ಆಗಿ ಆಡಬಹುದಿತ್ತಲ್ಲವೇ? ಎಂದು ಪ್ರಶ್ನಿಸಿ, ಸ್ಪರ್ಧಿಗಳಿಗೆ ತಮ್ಮ ಮೇಲೆಯೇ ಪಶ್ಚಾತ್ತಾಪ ಮೂಡುವಂತೆ ಮಾಡಿದರು. ಕೊನೆಗೆ ಈ ವಾರ ನಾಮಿನೇಟ್ ಆಗಿದ್ದ ಸಂಗೀತಾ ಮತ್ತು ಪ್ರತಾಪ್ ಅವರನ್ನು ಜನರ ಮತಗಳನುಸಾರ ಸೇಫ್ ಮಾಡಿದರು.
-
ಗೆಳೆಯರ ನಡುವೆ ಮತ್ತೆ ಅರಳಿದೆ ಸ್ನೇಹದ ಹೂ!
— Colors Kannada (@ColorsKannada) December 10, 2023 " class="align-text-top noRightClick twitterSection" data="
Super Sunday with ಸುದೀಪ | ಇಂದು ರಾತ್ರಿ 9 #BBK10 #HappyBiggBoss #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/Fj56IemyBt
">ಗೆಳೆಯರ ನಡುವೆ ಮತ್ತೆ ಅರಳಿದೆ ಸ್ನೇಹದ ಹೂ!
— Colors Kannada (@ColorsKannada) December 10, 2023
Super Sunday with ಸುದೀಪ | ಇಂದು ರಾತ್ರಿ 9 #BBK10 #HappyBiggBoss #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/Fj56IemyBt
ಗೆಳೆಯರ ನಡುವೆ ಮತ್ತೆ ಅರಳಿದೆ ಸ್ನೇಹದ ಹೂ!
Super Sunday with ಸುದೀಪ | ಇಂದು ರಾತ್ರಿ 9 #BBK10 #HappyBiggBoss #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/Fj56IemyBt
ಇಂದು 'ಸೂಪರ್ ಸಂಡೇ ವಿತ್ ಸುದೀಪ' ಸಂಚಿಕೆ ನಡೆಯಲಿದೆ. ಇದರಲ್ಲಿ ಈ ವಾರ ಯಾರು ಮನೆಗೆ ಹೋಗ್ತಾರೆ? ಅನ್ನೋದು ನಿರ್ಧಾರವಾಗಲಿದೆ. ಸಂಚಿಕೆಯ ಕೊನೆಯಲ್ಲಿ ಸುದೀಪ್ ಅವರು ಅತ್ಯಂತ ಕಡಿಮೆ ಮತ ಪಡೆದ ಒಬ್ಬರನ್ನು ಎಲಿಮಿನೇಟ್ ಮಾಡುತ್ತಾರೆ. ಅದಕ್ಕೂ ಮುನ್ನ, ಮನೆ ಮಂದಿಗೆ ಸುದೀಪ್ ಚಿಕ್ಕ ಆಟ ಕೂಡ ಆಡಿಸುತ್ತಾರೆ. ಅದರ ಒಂದು ತುಣುಕನ್ನು ಕಲರ್ಸ್ ಕನ್ನಡ ವಾಹಿನಿ ಹಂಚಿಕೊಂಡಿದೆ. 'ಗೆಳೆಯರ ನಡುವೆ ಮತ್ತೆ ಅರಳಿದೆ ಸ್ನೇಹದ ಹೂ' ಎಂಬ ಕ್ಯಾಪ್ಶನ್ನೊಂದಿಗೆ ಪ್ರೋಮೋ ಬಿಡುಗಡೆಯಾಗಿದೆ.
ಈ ವಾರ ಜಗಳ, ಕಿತ್ತಾಟದಲ್ಲಿ ಮುನಿಸಿಕೊಂಡಿದ್ದ ಸ್ಪರ್ಧಿಗಳನ್ನು ಕಿಚ್ಚ ಸುದೀಪ್ ಮತ್ತೆ ಒಂದು ಮಾಡಿದ್ದಾರೆ. ಬಿಳಿ ಗುಲಾಬಿಯನ್ನು ಸ್ಪರ್ಧಿಗಳ ಕೈಗೆ ಕೊಟ್ಟು, ನಿಮ್ಮಿಂದ ಆದ ತಪ್ಪನ್ನು ಈ ಮೂಲಕ ಸರಿಪಡಿಸಿಕೊಳ್ಳಿ ಎಂದು ಹೇಳುತ್ತಿರುವುದು ಪ್ರೋಮೋದಲ್ಲಿ ಕಾಣಬಹುದು. ಅದರಂತೆ, ವರ್ತೂರು ಅವರು ಪ್ರತಾಪ್ ಬಳಿ ಹೋಗಿ, ತಾವು ಟಾಸ್ಕ್ನಲ್ಲಿ ನೀರು ಎರೆಚಿದಕ್ಕಾಗಿ ಕ್ಷಮೆಯಾಚಿಸಿ, ಮತ್ತೆ ಮೊದಲಿನಂತೆ ಇರೋಣ ಎಂದು ಹೇಳುತ್ತಾರೆ. ಇದಕ್ಕೆ ಒಪ್ಪಿದ ಪ್ರತಾಪ್, ವರ್ತೂರುರನ್ನು ಅಪ್ಪಿಕೊಂಡಿದ್ದಾರೆ. ಮತ್ತೊಂದೆಡೆ, ಬದ್ಧ ವೈರಿಗಳಂತಿದ್ದ ಕಾರ್ತಿಕ್ ಮತ್ತು ವಿನಯ್ ಕೂಡ ತಮ್ಮ ಮೊದಲ ಗೆಳತನವನ್ನು ಮತ್ತೆ ಮುಂದುವರೆಸಲು ಜೈ ಅಂದಿದ್ದಾರೆ.
ಒಟ್ಟಿನಲ್ಲಿ ಮನೆ ಮಂದಿ ನಡುವೆ ಇದ್ದ ಮುನಿಸನ್ನು ಸುದೀಪ್ ಅವರು ಈ ರೀತಿಯಾಗಿ ಬಗೆ ಹರಿಸಿದ್ದಾರೆ. ಆದರೆ, ಈ ಸ್ನೇಹವನ್ನು ಸ್ಪರ್ಧಿಗಳು ಕೊನೆಯವರೆಗೂ ಉಳಿಸಿಕೊಳ್ಳುತ್ತಾರಾ? ಅಥವಾ ಮತ್ತೊಮ್ಮೆ ಜಗಳ ಮಾಡಿಕೊಳ್ಳುತ್ತಾರಾ? ಈ ವಾರ ಮನೆಯಿಂದ ಎಲಿಮಿನೇಟ್ ಆಗೋರ್ಯಾರು? ಕಳೆದ ವಾರ ಯಾರನ್ನು ಮನೆಯಿಂದ ಹೊರ ಕಳುಹಿಸಿರಲಿಲ್ಲ. ಹೀಗಾಗಿ ಈ ವಾರ ಎರಡು ಎಲಿಮಿನೇಷನ್ ನಡೆಯುತ್ತಾ? ಈ ಎಲ್ಲಾ ಕುತೂಹಲ ಪ್ರಶ್ನೆಗಳ ಉತ್ತರಕ್ಕಾಗಿ ಬಿಗ್ ಬಾಸ್ ಕನ್ನಡ 24 ಗಂಟೆಯ ನೇರಪ್ರಸಾರವನ್ನು ಜಿಯೋ ಸಿನಿಮಾದಲ್ಲಿ ಉಚಿತವಾಗಿ ನೋಡಬಹುದಾಗಿದೆ. ಪ್ರತಿದಿನದ ಎಪಿಸೋಡ್‌ಗಳು ರಾತ್ರಿ 9.30ಕ್ಕೆ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದೆ.
ಇದನ್ನೂ ಓದಿ: ಬಿಗ್ ಬಾಸ್: ಕಿಚ್ಚನ ಪಂಚಾಯಿತಿಯಲ್ಲಿ ಸುಂಟರಗಾಳಿ, ಮನೆಗೆ ವಾಪಸಾದ್ರು ಸಂಗೀತಾ - ಪ್ರತಾಪ್
