2023ರ ಬಹುನಿರೀಕ್ಷಿತ ಚಿತ್ರ 'ಜವಾನ್'. ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ನಟನೆಯ ಈ ಸಿನಿಮಾದ ಪ್ರಿವ್ಯೂ ಮತ್ತು ಪೋಸ್ಟರ್ಗಳು ಈಗಾಗಲೇ ಬಿಡುಗಡೆಯಾಗಿ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಕಿಂಗ್ ಖಾನ್ ಮತ್ತು ನಯನತಾರಾ ಲುಕ್ಗಳು ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ನಿನ್ನೆಯಷ್ಟೇ ಮತ್ತೊಂದು ಪೋಸ್ಟರ್ ರಿಲೀಸ್ ಆಗಿತ್ತು. ಕೇವಲ ಕಣ್ಣನ್ನು ಕೇಂದ್ರವಾಗಿರಿಸಿ, ಸಸ್ಪೆನ್ಸ್ ಆಗಿರುವಂತೆ ತೋರಿಸಲಾಗಿತ್ತು. ಇದೀಗ ವಿಜಯ್ ಸೇತುಪತಿ ಫಸ್ಟ್ ಲುಕ್ ಬಿಡುಗಡೆಯಾಗಿದೆ.
ಹೊಸ ಪೋಸ್ಟರ್ನಲ್ಲಿ ವಿಜಯ್ ಅವರನ್ನು ಖಳನಾಯಕನಂತೆ ಬಿಂಬಿಸಲಾಗಿದೆ. ಭಯಾನಕ ಲುಕ್ನಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ. ಶಾರುಖ್ ಖಾನ್ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಈ ಪೋಸ್ಟ್ ಅನ್ನು ಕೈ ಬಿಟ್ಟಿದ್ದಾರೆ. "ಅವನನ್ನು ತಡೆಯುವವರು ಯಾರೂ ಇಲ್ಲ.. ಅಥವಾ ಇದ್ದಾರೆಯೇ? ಜಾಗರೂಕರಾಗಿರಿ" ಎಂಬ ಕ್ಯಾಪ್ಶನ್ ಜೊತೆ ಪೋಸ್ಟರ್ ಹಂಚಿಕೊಳ್ಳಲಾಗಿದೆ. ನಟ ಪೋಸ್ಟರ್ ಹಂಚಿಕೊಳ್ಳುತ್ತಿದ್ದಂತೆ ಅಭಿಮಾನಿಗಳು, ಅವರ ಸಹದ್ಯೋಗಿಗಳು ಕಮೆಂಟ್ ವಿಭಾಗವನ್ನು ತುಂಬಿಸಿದ್ದಾರೆ.
ನಟಿ ಭೂಮಿ ಪಡ್ನೇಕರ್, "ಉತ್ಸಾಹದ ಮಟ್ಟ 100%" ಎಂದು ಹೇಳಿದ್ದಾರೆ. ನೆಟ್ಟಿಗರೊಬ್ಬರು, "ನಿಮ್ಮಿಬ್ಬರನ್ನೂ ಒಟ್ಟಿಗೆ ನೋಡಲು ಕಾಯಲು ಸಾಧ್ಯವಿಲ್ಲ!" ಎಂದಿದ್ದಾರೆ. ವಿಜಯ್ ಸೇತುಪತಿ ಪೋಸ್ಟರ್ ಅಭಿಮಾನಿಗಳ ನಿರೀಕ್ಷೆಯನ್ನು ಮತ್ತೊಂದು ಹಂತಕ್ಕೆ ಕೊಂಡೊಯ್ದಿದೆ. ಪ್ರಿವ್ಯೂನಲ್ಲಿ ನಯನತಾರಾ ಹಾಗೂ ವಿಜಯ್ ಸೇತುಪತಿ ಅವರನ್ನು ಒಮ್ಮೆ ಮಾತ್ರ ತೋರಿಸಲಾಗಿತ್ತು. ಇದೀಗ ಇವರಿಬ್ಬರ ಪೋಸ್ಟರ್ ಕೂಡ ಬಿಡುಗಡೆ ಮಾಡಲಾಗಿದ್ದು, ಸಿನಿ ಪ್ರೇಕ್ಷಕರ ಉತ್ಸಾಹದ ಮಟ್ಟ ಹೆಚ್ಚಿಸಿದೆ.
ಇದನ್ನೂ ಓದಿ: 'ಅವಳು ಚಂಡಮಾರುತದ ಮೊದಲು ಬರುವ ಗುಡುಗು': 'ಜವಾನ್'ನಲ್ಲಿ ನಯನತಾರಾ ಲುಕ್ ಹೀಗಿದೆ ನೋಡಿ..
ಬಿಗ್ ಬಜೆಟ್ ಸಿನಿಮಾ: ಜವಾನ್ ಪ್ರಿವ್ಯೂ ಮತ್ತು ಇತ್ತೀಚಿನ ಪೋಸ್ಟರ್ನಲ್ಲಿ ನೋಡಿದಂತೆ, ಈ ಆ್ಯಕ್ಷನ್ ಥ್ರಿಲ್ಲರ್‌ನಲ್ಲಿ ನಯನತಾರಾ ಪೊಲೀಸ್ ಅಧಿಕಾರಿಯಾಗಿ ನಟಿಸಿದ್ದಾರೆ. ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ, ವಿಜಯ್ ಸೇತುಪತಿ ಕೂಡ ಚಿತ್ರಕ್ಕೆ ಸ್ಟಾರ್ ಪವರ್ ಅನ್ನು ಸೇರಿಸಿದ್ದಾರೆ. ಇಂದು ಬಿಡುಗಡೆಯಾದ ಪೋಸ್ಟರ್ ಪ್ರಕಾರ ಖಳನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಕಿಂಗ್ ಖಾನ್ ಅವರ ಜವಾನ್ ಸಿನಿಮಾ ಸೆಪ್ಟೆಂಬರ್ 7 ರಂದು ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ವಿಶ್ವದಾದ್ಯಂತ ಅದ್ಧೂರಿಯಾಗಿ ಬಿಡುಗಡೆ ಆಗಲಿದೆ.
ಸೂಪರ್ ಹಿಟ್ ಪಠಾಣ್ ಬಳಿಕ ಈ ಸಾಲಿನಲ್ಲೇ ಬಿಡುಗಡೆ ಆಗುತ್ತಿರುವ ಶಾರುಖ್ ಅವರ ಮತ್ತೊಂದು ಬಿಗ್ ಬಜೆಟ್ ಚಿತ್ರವಿದು. ಕಂಪ್ಲೀಟ್ ಆ್ಯಕ್ಷನ್ ಎಂಟರ್‌ಟೈನ್ ಸಿನಿಮಾ ಇದಾಗಿದೆ. ಶಾರುಖ್ ಖಾನ್ ಅವರ ಪ್ರೊಡಕ್ಷನ್ ಬ್ಯಾನರ್ ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್‌ ಈ ಸಿನಿಮಾ ನಿರ್ಮಿಸಿದ್ದು, ಸೌತ್ ಸ್ಟಾರ್ ಡೈರೆಕ್ಟರ್ ಅಟ್ಲೀ ನಿರ್ದೇಶಿಸಿದ್ದಾರೆ. ಈ ಸಿನಿಮಾದ ಬಗ್ಗೆ ಪ್ರೇಕ್ಷಕರಲ್ಲಿ ನಿರೀಕ್ಷೆ ಹೆಚ್ಚಿದೆ.
ಇದನ್ನೂ ಓದಿ: Jawan Prevue: 'ಜವಾನ್' ಪ್ರಿವ್ಯೂ ರಿಲೀಸ್; ಕಿಂಗ್ ಖಾನ್ ಹೊಸ ಅವತಾರಕ್ಕೆ ಫ್ಯಾನ್ಸ್ ಫಿದಾ!
