ಲೇಡಿ ಸೂಪರ್ಸ್ಟಾರ್ ನಯನತಾರಾ ಅವರು ಪತಿ ಮತ್ತು ಚಲನಚಿತ್ರ ನಿರ್ಮಾಪಕ ವಿಘ್ನೇಶ್ ಶಿವನ್ ಹಾಗೂ ಅವಳಿ ಮಕ್ಕಳಾದ ಉಯಿರ್ ಮತ್ತು ಉಲಗಮ್ ಜೊತೆ ಪ್ರವಾಸದಲ್ಲಿದ್ದಾರೆ. ಇತ್ತೀಚೆಗೆ ಸ್ಟಾರ್ ದಂಪತಿ ತಮ್ಮ ಮಕ್ಕಳ ಹುಟ್ಟುಹಬ್ಬವನ್ನು ಮಲೇಷ್ಯಾದಲ್ಲಿ ಆಚರಿಸಿದ್ದರು. ಇನ್ನು ಭಾರತಕ್ಕೆ ಹಿಂತಿರುಗದ ಈ ಬ್ಯೂಟಿಫುಲ್ ಫ್ಯಾಮಿಲಿ ವಿದೇಶದಲ್ಲೇ ತಮ್ಮ ರಜಾ ದಿನಗಳನ್ನು ಎಂಜಾಯ್ ಮಾಡುತ್ತಿದೆ. ಇಂದು ವಿಘ್ನೇಶ್ ಶಿವನ್ ಪತ್ನಿಯ ಜೊತೆಗಿನ ಫೋಟೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಫೋಟೋಗಳನ್ನು ಶೇರ್ ಮಾಡಿರುವ ವಿಘ್ನೇಶ್ ಶಿವನ್ ತಮಿಳು ಭಾಷೆಯಲ್ಲಿ ಸುಂದರ ಶೀರ್ಷಿಕೆಯನ್ನು ನೀಡಿದ್ದಾರೆ. "ಅವಳಲ್ಲಿರುವ ಒಂದು ಬಗೆಯ ಸ್ನೇಹಿತ ನಾನು (avalodirukkum Oru vidha snehithan aanaaen)" ಎಂದು ಬರೆದಿದ್ದಾರೆ. 'ಕಾತುವಾಕುಲ ರೆಂಡು ಕಾದಲ್' ಎಂಬ ರೊಮ್ಯಾಂಟಿಕ್ ಹಾಸ್ಯ ಸಿನಿಮಾದ 'ನಾನ್ ಪಿಜೈ' ಶೀರ್ಷಿಕೆಯ ಹಾಡಿನ ಸಾಹಿತ್ಯದಿಂದ ಅವರು ಈ ಸಾಲುಗಳನ್ನು ತಮ್ಮ ಹೆಂಡತಿಗಾಗಿ ಅರ್ಪಿಸಿದ್ದಾರೆ.
ಫೋಟೋದಲ್ಲಿ ವಿಘ್ನೇಶ್ ಶಿವನ್ ಮತ್ತು ನಯನತಾರಾ ಕ್ಯಾಶುವಲ್ ದಿರಿಸಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಮಲೇಷ್ಯಾದ ಬೀದಿಯಲ್ಲಿ ನಿಂತು ಸಂತೋಷದಿಂದ ಕ್ಯಾಮರಾಗೆ ಪೋಸ್ ನೀಡಿದ್ದಾರೆ. ನಯನತಾರಾ ಗ್ರೀನ್ ಸ್ವೇಟ್ ಶರ್ಟ್ ಮತ್ತು ಗ್ರೀನ್ ಪ್ಯಾಂಟ್ ಧರಿಸಿದ್ದರು. ಬಿಳಿ ಶೂನೊಂದಿಗೆ ತಮ್ಮ ನೋಟವನ್ನು ಪೂರ್ಣಗೊಳಿಸಿದರು. ವಿಘ್ನೇಶ್ ಶಿವನ್ ವೈಟ್ ಶರ್ಟ್, ಬ್ಲ್ಯಾಕ್ ಪ್ಯಾಂಟ್ ಮತ್ತು ಬ್ಲ್ಯಾಕ್ ಶೂ ಧರಿಸಿದ್ದರು.
ಅಭಿಮಾನಿಗಳ ಪ್ರತಿಕ್ರಿಯೆ.. ವಿಘ್ನೇಶ್ ಶಿವನ್ ಪೋಸ್ಟ್ ಹಂಚಿಕೊಂಡ ಕೂಡಲೇ ಸ್ಟಾರ್ ದಂಪತಿಯ ಅಭಿಮಾನಿಗಳು ಕಮೆಂಟ್ ವಿಭಾಗವನ್ನು ತುಂಬಿದರು. 'ಒಳ್ಳೆಯ ಫೋಟೋ', 'ಸ್ಟನ್ನಿಂಗ್ ಮತ್ತು ಸ್ಟೈಲಿಶ್ ಜೋಡಿ. ಜೊತೆಯಾಗಿ ಸಂತೋಷವಾಗಿ ಮತ್ತು ಸುಂದರವಾಗಿ ಕಾಣುತ್ತಿದ್ದಾರೆ', 'ನಯನ್ ವಿಕಿ.. ನನ್ನ ನೆಚ್ಚಿನ ಸೆಲೆಬ್ರಿಟಿ ಜೋಡಿ', 'ರಾಜ ಮತ್ತು ರಾಣಿ' ಎಂದೆಲ್ಲ ಪ್ರತಿಕ್ರಿಯಿಸಿದ್ದಾರೆ.
ಮಾದರಿ ದಂಪತಿ.. 2015ರಲ್ಲಿ ವಿಜಯ್ ಸೇತುಪತಿ ನಟನೆಯ 'ನಾನುಂ ರೌಡಿ ದಾನ್' ಎಂಬ ಚಿತ್ರವನ್ನು ವಿಘ್ನೇಶ್ ನಿರ್ದೇಶಿಸಿದ್ದು, ನಯನತಾರಾ ನಟಿಸಿದ್ದರು. ಈ ಸಂದರ್ಭದಲ್ಲಿ ಇಬ್ಬರ ನಡುವೆ ಪ್ರೇಮಾಂಕುರವಾಗಿತ್ತು. ಸುಮಾರು ಏಳು ವರ್ಷಗಳಿಂದ ಪ್ರೀತಿಸುತ್ತಿದ್ದ ನಯನತಾರಾ ಮತ್ತು ವಿಘ್ನೇಶ್ ಶಿವನ್ 2022 ರ ಜೂನ್ 9 ರಂದು ಮದುವೆಯಾಗಿದ್ದರು. ಬಳಿಕ ಬಾಡಿಗೆ ತಾಯ್ತನದ ಮೂಲಕ ಅಕ್ಟೋಬರ್ 9 ರಂದು ಇಬ್ಬರು ಗಂಡು ಮಕ್ಕಳನ್ನು ಸ್ವಾಗತಿಸಿದರು.
ಸಿನಿಮಾ ವಿಚಾರವಾಗಿ ನೋಡುವುದಾದರೆ, ನಟಿ ನಯನತಾರಾ ಪ್ರಸ್ತುತ ಶಾರುಖ್ ಖಾನ್ ಜೊತೆ ನಟಿಸಿದ 'ಜವಾನ್' ಸಿನಿಮಾದ ಯಶ್ಸಸ್ಸಿನಲ್ಲಿ ಮುಳುಗಿದ್ದಾರೆ. ಅವರ ಮುಂದಿನ ಚಿತ್ರ ಮನ್ನಂಗಟ್ಟಿ: ಸಿನ್ಸ್ 1960 ಸಿನಿಮಾವನ್ನು ಡ್ಯೂಡ್ ವಿಕ್ಕಿ ಬರೆದು ನಿರ್ದೇಶಿಸಿದ್ದಾರೆ. ಶೀಘ್ರದಲ್ಲೇ ಚಿತ್ರ ತೆರೆಗೆ ಬರುವ ನಿರೀಕ್ಷೆಯಿದೆ. ಆದರೆ, ಬಿಡುಗಡೆ ದಿನಾಂಕ ಇನ್ನೂ ಫಿಕ್ಸ್ ಆಗಿಲ್ಲ. ಇದು ನಯನತಾರಾ ಅವರ 75ನೇ ಸಿನಿಮಾ. ವಿಘ್ನೇಶ್ ಪ್ರಸ್ತುತ ತಮ್ಮ ಮುಂಬರುವ ಪ್ರಾಜೆಕ್ಟ್‌ನ ಪ್ರಿ-ಪ್ರೊಡಕ್ಷನ್ ಕೆಲಸದಲ್ಲಿ ನಿರತರಾಗಿದ್ದಾರೆ. ಇದರಲ್ಲಿ ನಟ, ನಿರ್ದೇಶಕ ಪ್ರದೀಪ್ ಆಂಟೋನಿ ಮುಖ್ಯ ಪಾತ್ರದಲ್ಲಿ ನಟಿಸಲಿದ್ದಾರೆ.
ಇದನ್ನೂ ಓದಿ: ನಯನತಾರಾ-ವಿಘ್ನೇಶ್ ಶಿವನ್ ಅವಳಿ ಮಕ್ಕಳ ಮೊದಲ ವರ್ಷದ ಜನ್ಮದಿನ: ಫೋಟೋ ಹಂಚಿಕೊಂಡ ಸ್ಟಾರ್ ಕಪಲ್
