ಪ್ರವೀರ್ ಶೆಟ್ಟಿ ಅಭಿನಯದ ಸೈರನ್ ಸಿನಿಮಾಗೆ ಧ್ವನಿ ನೀಡಿದ ಗಾಯಕಿ ಮಂಗ್ಲಿ

ಪ್ರವೀರ್ ಶೆಟ್ಟಿ ಅಭಿನಯದ ಸೈರನ್ ಸಿನಿಮಾ - ಚಿತ್ರಕ್ಕೆ ಧ್ವನಿ ನೀಡಿದ ಗಾಯಕಿ ಮಂಗ್ಲಿ - ಫೆಬ್ರವರಿಯಲ್ಲಿ ಬಿಡುಗಡೆ ಆಗಲಿದೆ ಸೈರನ್.

ಕರ್ನಾಟಕ ರಕ್ಷಣಾ ವೇದಿಕೆಯ ಪ್ರವೀಣ್ ಶೆಟ್ಟಿ ಅವರ ಪುತ್ರ ಪ್ರವೀರ್ ಶೆಟ್ಟಿ ಸೈರನ್ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಡಲು ಸಜ್ಜಾಗಿದ್ದಾರೆ. ಸದ್ಯ ಟೀಸರ್​ನಿಂದಲೇ ಸ್ಯಾಂಡಲ್​ವುಡ್​ನಲ್ಲಿ ಕುತೂಹಲ ಹುಟ್ಟಿಸಿರೋ ಸೈರನ್ ಸಿನಿಮಾ ಪ್ರವೀರ್ ಶೆಟ್ಟಿ ಅವರಿಗೆ ಯಶಸ್ಸು ತಂದುಕೊಡುವ ಸೂಚನೆ ಕೊಟ್ಟಿದೆ. ಇದೀಗ ತೆಲುಗು ಹಾಗು ಕನ್ನಡದ ಸೆನ್ಸೇಷನಲ್ ಸಿಂಗರ್ ಮಂಗ್ಲಿ ಸೈರನ್ ಚಿತ್ರದ ಸ್ಪೆಷಲ್ ಹಾಡಿಗೆ ಧ್ವನಿ ಕೊಟ್ಟಿದ್ದಾರೆ‌.

ಗಾಯಕಿ ಮಂಗ್ಲಿ ಹಾಡು: ಗೀತ ರಚನೆಕಾರ ಚಿನ್ಮಯ್ ಬಾವಿಕೆರೆ ಬರೆದಿರುವ 'ಎಣ್ಣೆ ಹೊಡೆಯೋ ಟೈಮಲ್ಲಿ ನನ್ನ ಸ್ವಲ್ಪ ನೆನಪಿಸಿಕೊಳ್ಳಿ' ಎಂಬ ಹಾಡನ್ನು ಗಾಯಕಿ ಮಂಗ್ಲಿ ಹಾಡಿದ್ದಾರೆ. ಈ ಹಾಡಿನ ಲಿರಿಕಲ್ ವಿಡಿಯೋ ಜನವರಿ 24ರಂದು ಲಹರಿ ಮ್ಯೂಸಿಕ್ ಮೂಲಕ ಬಿಡುಗಡೆ ಆಗಲಿದೆ. ಭಾರದ್ವಾಜ್ ಸಂಗೀತ ನೀಡಿದ್ದಾರೆ.

ಸೈರನ್ ಸಿನಿಮಾ: ಸಸ್ಪೆನ್ಸ್ ಥ್ರಿಲ್ಲರ್ ಕಥೆ ಆಧರಿಸಿರೋ ಸೈರನ್‌ ಚಿತ್ರದಲ್ಲಿ ಪ್ರವೀರ್ ಶೆಟ್ಟಿ ಪೊಲೀಸ್ ಆಗಿ ಕಾಣಿಸಿಕೊಂಡಿದ್ದಾರೆ. ಪ್ರವೀರ್ ಶೆಟ್ಟಿ ಜೋಡಿಯಾಗಿ ಲಾಸ್ಯ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ಪ್ರವೀರ್ ಶೆಟ್ಟಿ ಹಾಗು ಲಾಸ್ಯ ಅಲ್ಲದೇ ಶರತ್ ಲೋಹಿತಾಶ್ವ, ಅಚ್ಯುತ್ ಕುಮಾರ್, ಪವಿತ್ರ ಲೋಕೇಶ್, ಸ್ಪರ್ಶ ರೇಖ, ಸಾಯಿ ಧೀನ ಸೇರದಂತೆ ಮುಂತಾದವರು ಚಿತ್ರದ ತಾರಾ ಬಳಗದಲ್ಲಿದ್ದಾರೆ.

ಗಾಯಕಿ ಮಂಗ್ಲಿ

ಸೈರನ್ ಚಿತ್ರತಂಡ: ಸೈರನ್‌ ಚಿತ್ರಕ್ಕೆ ರಾಜ ವೆಂಕಯ್ಯ ಅವರ ನಿರ್ದೇಶನ ಇದ್ದು, ನಾಗೇಶ್ ವಿ ಆಚಾರ್ಯ ಛಾಯಾಗ್ರಹಣ, ವಾಲಿ ಕುಲೇಸ್ ಸಂಕಲನ, ಚಂದ್ರು ಬಂಡೆ, ನರಸಿಂಹ ಸಾಹಸ ನಿರ್ದೇಶನ ಹಾಗೂ ಕಲೈ ಅವರ ನೃತ್ಯ ನಿರ್ದೇಶನ ಇದೆ. ಸೈರನ್ ಚಿತ್ರದ ಸಹ ನಿರ್ಮಾಪಕರು ಜುನಿ ಜೋಸೆಫ್ ಮತ್ತು ಕೆ. ರಮೇಶ್. ಡೆಕ್ಕನ್ ಕಿಂಗ್ ಮೂವಿ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಬಿಜು ಶಿವಾನಂದ್ ಈ ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ‌.

ಇದನ್ನೂ ಓದಿ: ದಿ. ನಟ ಸುಶಾಂತ್​ ಸಿಂಗ್ ರಜ್​ಪೂತ್​ ಜನ್ಮದಿನಕ್ಕೆ ಶುಭ ಕೋರಿದ ರಿಯಾ ಚಕ್ರವರ್ತಿ

ಸದ್ಯ ಈ ಚಿತ್ರದ ಸ್ಪೆಷಲ್ ಹಾಡಿಗೆ ಮಂಗ್ಲಿ ದನಿ ನೀಡಿದ್ದು, ಈ ಚಿತ್ರಕ್ಕೆ ಪ್ಲೆಸ್ ಪಾಯಿಂಟ್ ಆಗಲಿದೆ. ಇನ್ನು ಏಕ್ ಲವ್ ಯಾ, ವೇದ ಅಂತಹ ಸಿನಿಮಾಗಳಿಗೂ ಮಂಗ್ಲಿ ದನಿ ನೀಡಿದ್ದಾರೆ. ಇದರ ಜೊತೆಗೆ ನಾಗಶೇಖರ್ ಅಭಿನಯದ ಪಾದರಾಯ ಸಿನಿಮಾಗೆ ನಾಯಕಿ‌ ಆಗುವ ಮೂಲಕ ಮಂಗ್ಲಿ ಹೀರೋಯಿನ್ ಆಗಲು ರೆಡಿ ಆಗಿದ್ದಾರೆ. ಟೀಸರ್​ನಿಂದ‌ ಗಮನ ಸೆಳೆಯುತ್ತಿರೋ ಸೈರನ್ ಚಿತ್ರ ಫೆಬ್ರವರಿ ತಿಂಗಳಲ್ಲಿ ಬಿಡುಗಡೆ ಆಗಲು ಸಜ್ಜಾಗಿದೆ.

ನಾಗಶೇಖರ್ ಜೋಡಿಯಾಗಿ ಗಾಯಕಿ ಮಂಗ್ಲಿ: ತೆಲುಗು, ಕನ್ನಡ ಭಾಷೆಗಳಲ್ಲಿ ಸೂಪರ್ ಹಿಟ್ ಹಾಡುಗಳನ್ನು ನೀಡಿರುವ ಗಾಯಕಿ ಮಂಗ್ಲಿ ಅವರು ಪಾದರಾಯ ಎನ್ನುವ ಸಿನಿಮಾದಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳಿದ್ದಾರೆ. ಗಾಯಕಿಯಾಗಿ ಸ್ಯಾಂಡಲ್​ವುಡ್​ಗೆ ಎಂಟ್ರಿ ಕೊಟ್ಟಿರುವ ಅವರು ಮೊದಲ ಬಾರಿಗೆ ನಟಿಯಾಗಿ ಚಿತ್ರರಂಗಕ್ಕೆ ಪ್ರವೇಶ ಮಾಡಲು ಸಜ್ಜಾಗಿದ್ದಾರೆ. ನಿರ್ದೇಶಕ ಚಕ್ರವರ್ತಿ ಚಂದ್ರಚೂಡ್ ನಿರ್ದೇಶನದ ಈ ಸಿನಿಮಾಗೆ ನಟ ನಾಗಶೇಖರ್ ಹೀರೋ, ನಾಗಶೇಖರ್ ಜೋಡಿಯಾಗಿ ಗಾಯಕಿ ಮಂಗ್ಲಿ ಜೊತೆ ಮಿಂಚಲಿದ್ದಾರೆ.

ಇದನ್ನೂ ಓದಿ: ಪಾದರಾಯ ಸಿನಿಮಾ: ನಾಗಶೇಖರ್ ಜೋಡಿಯಾಗಿ ಗಾಯಕಿ ಮಂಗ್ಲಿ