ಯುಎಸ್‌ನಲ್ಲಿ ನಡೆದ ಎಂಟರ್‌ಟೈನರ್ ಟೂರ್‌ನಲ್ಲಿ (Entertainer's Tour) ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಅವರೊಂದಿಗೆ ಮಾಡಿದ ಸ್ಟಂಟ್ ಪ್ರದರ್ಶನದ ಕಿರು ವಿಡಿಯೋವನ್ನು ನಟಿ ಮೌನಿ ರಾಯ್ ಹಂಚಿಕೊಂಡಿದ್ದಾರೆ. ''ಸ್ಟೇಜ್, ಹುಚ್ಚು, ಸಂಗೀತ, ದೀಪಗಳು, ಎಲ್ಲವೂ ಮ್ಯಾಜಿಕ್, ನಾನು ಎಲ್ಲವನ್ನೂ ಪ್ರೀತಿಸುತ್ತೇನೆ, ಪ್ರೀತಿಗಾಗಿ ಒರ್ಲ್ಯಾಂಡೊಗೆ ಧನ್ಯವಾದಗಳು. ನನ್ನ ಮೇಲೆ ಇಟ್ಟಿರುವ ಪ್ರೀತಿ, ನಂಬಿಕೆ ಮತ್ತು ಕಠಿಣ ಪರಿಶ್ರಮಕ್ಕಾಗಿ ನನ್ನ ತಂಡಕ್ಕೆ ಯಾವಾಗಲೂ ಕೃತಜ್ಞರಾಗಿರುತ್ತೇನೆ. ಸದ್ಯ ಸ್ನೇಹಿತರಾಗುತ್ತಿರುವ ನನ್ನ ಸಹ ಕಲಾವಿದರಿಗೆ ಧನ್ಯವಾದಗಳು. ನಾನು ಈ ಸಮಯವನ್ನು ಎಂದಿಗೂ ಪ್ರೀತಿಸುತ್ತೇನೆ, ಪ್ರೀತಿ ಮಾತ್ರ" ಎಂದು ಮೌನಿ ರಾಯ್ ಬರೆದುಕೊಂಡಿದ್ದಾರೆ.
- " class="align-text-top noRightClick twitterSection" data="
">
ವಿಡಿಯೋ ಕ್ಲಿಪ್‌ನಲ್ಲಿ, ಅಕ್ಷಯ್ ಕುಮಾರ್ ತಲೆಕೆಳಗಾಗಿ ನೇತಾಡುತ್ತಿರುವುದನ್ನು ಕಾಣಬಹುದು. ಆದರೆ ಮೌನಿ ರಾಯ್ ಪ್ರೇಕ್ಷಕರಿಂದ ಅಭಿಮಾನಿಗಳಿಂದ ಸುತ್ತುವರೆದಿದ್ದರು. ಅಕ್ಷಯ್ ಮೌನಿಯವರ ಕೈಗಳನ್ನು ಹಿಡಿದು ಗಾಳಿಯಲ್ಲಿ ಎಳೆದಿದ್ದಾರೆ. ನಟಿ ಅಕ್ಷಯ್ ಅವರನ್ನು ಸೇರಿಕೊಂಡರು, ನಂತರ ವೇದಿಕೆಗೆ ಬಂದಿಳಿದರು. ಅವರ ಸಾಹಸಕ್ಕೆ ಪ್ರೇಕ್ಷಕರು ಚಪ್ಪಾಳೆ ತಟ್ಟಿ ಪ್ರೋತ್ಸಾಹಿಸಿದರು. ಈ ಸ್ಟಂಟ್ ವಿಡಿಯೋ ಎಂಥಹವರನ್ನೂ ದಿಗ್ಭ್ರಮೆಗೊಳಿಸುವಂತಿದೆ.
ನಾಗಿನ್ ನಟಿ ಹಂಚಿಕೊಂಡ ವಿಡಿಯೋ ತುಣುಕಿನಲ್ಲಿ, ಅಕ್ಷಯ್ ಬ್ಲ್ಯಾಕ್ ಸ್ಲೀವ್ ಲೆಸ್ ಟೀ ಶರ್ಟ್ ಮತ್ತು ಬ್ಲ್ಯಾಕ್ ಜೀನ್ಸ್‌ ಧರಿಸಿದ್ದಾರೆ. ಮತ್ತೊಂದೆಡೆ, ಬಹುಕಾಂತೀಯ ಬ್ಯೂಟಿ ಮೌನಿ ರಾಯ್ ಗೋಲ್ಡನ್ ಶೈನಿಂಗ್ ಶಾರ್ಟ್ ಡ್ರೆಸ್ ಧರಿಸಿ ಕಂಗೊಳಿಸುತ್ತಿದ್ದರು. ಗೋಲ್ಡನ್ ಶೂ, ಕರ್ಲಿ ಹೇರ್ ನಟಿಯ ಅಂದವನ್ನು ಹೆಚ್ಚಿಸಿತು.
- " class="align-text-top noRightClick twitterSection" data="
">
ನಟ ನಟಿಯ ಅಭಿಮಾನಿಗಳಿಗೆ ತಮ್ಮ ಉತ್ಸಾಹ ತಡೆಯಲು ಸಾಧ್ಯವಾಗಿಲ್ಲ, ನಟಿಯ ಈ ಪೋಸ್ಟ್ಗೆ ಕಾಮೆಂಟ್ ಮೂಲಕ ತಮ್ಮ ಪ್ರೀತಿ ವ್ಯಕ್ತಪಡಿಸುತ್ತಿದ್ದಾರೆ. "ನೀವು ಬಾಲಿವುಡ್‌ನ ಫಿಟ್‌ ಹೀರೋಯಿನ್‌", "ನನ್ನ ನೆಚ್ಚಿನ ಮೋನಿ" ಎಂದೆಲ್ಲಾ ಕಾಮೆಂಟ್ ಮಾಡುತ್ತಿದ್ದಾರೆ. ನಟಿಯ ಇನ್ಸ್ಟಾ ಫೋಸ್ಟ್ನ ಕಾಮೆಂಟ್ ವಿಭಾಗ ಫೈಯರ್, ರೆಡ್ ಹಾರ್ಟ್ ಎಮೋಜಿಗಳಿಂದ ತುಂಬಿದೆ.
ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಅವರು ಮೌನಿ ರಾಯ್ ಅಲ್ಲದೇ ಬಾಲಿವುಡ್ ಬೋಲ್ಡ್ ಬ್ಯೂಟಿ ದಿಶಾ ಪಟಾನಿ ಮತ್ತು ಸೋನಮ್ ಬಾಜ್ವಾ ಅವರೊಂದಿಗೆ ಮಾರ್ಚ್ 1ರಂದು ದಿ ಎಂಟರ್ಟೈನರ್ಸ್ ಕಾರ್ಯಕ್ರಮಕ್ಕಾಗಿ ಅಮೆರಿಕಕ್ಕೆ ಹಾರಿದ್ದಾರೆ. ಇವರೊಂದಿಗೆ ನೋರಾ ಫತೇಹಿ ಮತ್ತು ಅಪರಶಕ್ತಿ ಖುರಾನಾ ಸಹ ಇದ್ದಾರೆ.
ಇದನ್ನೂ ಓದಿ: 'ಮಾಹಿತಿಯಿಲ್ಲದೇ ಮಾತನಾಡಬಾರದು': ಮಿಥುನ್ ರೈಗೆ ಪರೋಕ್ಷ ಟಾಂಗ್ ಕೊಟ್ಟ ರಕ್ಷಿತ್ ಶೆಟ್ಟಿ
ಈ ಹಿಂದೆ ಅಕ್ಷಯ್ ಕುಮಾರ್ ಮತ್ತು ನೋರಾ ಫತೇಹಿ ಜೊತೆಯಾಗಿ ಡ್ಯಾನ್ಸ್ ಮಾಡಿದ್ದ ದೃಶ್ಯವೂ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ನೋರಾ ರೆಡ್ ಶೈನಿಂಗ್ ಡ್ರೆಸ್ ಧರಿಸಿದ್ದು, ಅಕ್ಷಯ್ ರೆಡ್ ಲೆಹಂಗಾದಲ್ಲಿ ಕಾಣಿಸಿಕೊಂಡಿದ್ದರು. ಅಮೆರಿಕದಲ್ಲಿ ಅಕ್ಷಯ್ ಕುಮಾರ್ ಅವರ ಮೊದಲ ಶೋ ಪ್ರೇಕ್ಷಕರನ್ನು ರೋಮಾಂಚನಗೊಳಿಸಿತಾದರೂ ಅವರ ವೇಷಭೂಷಣ ಸಾಮಾಜಿಕ ಜಾಲತಾಣ ಬಳಕೆದಾರರಿಂದ ಮಿಶ್ರ ಪ್ರತಿಕ್ರಿಯೆ ಪಡೆದಿತ್ತು..
ಇದನ್ನೂ ಓದಿ: ಲೆಹಂಗಾ ಧರಿಸಿ ಡ್ಯಾನ್ಸ್ ಮಾಡಿದ ಬಾಲಿವುಡ್ ಕಿಲಾಡಿ.. ಅಮೆರಿಕದ ಪ್ರೇಕ್ಷಕರು ಫಿದಾ!
ಸೌಂದರ್ಯದಿಂದಲೇ ಸುದ್ದಿ ಮಾಡಿರುವ ನಟಿ ಮೌನಿ ರಾಯ್. ಸಂಗೀತಕ್ಕೆ ತಕ್ಕಂತೆ ಮೈಬಳುಕಿಸುವ ತಾರೆ ಇವರು. ಸಿನಿಮಾಗಳಿಗಿಂತ ಹೆಚ್ಚಾಗಿ ಅಂದ ಚೆಂದದಿಂದಲೇ ಅಭಿಮಾನಿಗಳನ್ನು ಗಳಿಸಿರುವ ಈ ಬೋಲ್ಡ್ ಬ್ಯೂಟಿ ಅಮೆರಿಕದಲ್ಲಿ ಸದ್ದು ಮಾಡಿದ್ದು ಫ್ಯಾನ್ಸ್ ಫಿದಾ ಆಗಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ಸದ್ದು ಮಾಡುತ್ತಿದ್ದು ನಟಿಗೆ ಮೆಚ್ಚುಗೆಯ ಮಹಾಪೂರವೇ ಹರಿದು ಬರುತ್ತಿದೆ.
