ಮುಂಬೈ: ಬಾಲಿವುಡ್ ಸ್ಟಾರ್ ಸಲ್ಮಾನ್ ಖಾನ್ ನಡೆಸಿಕೊಡುತ್ತಿರುವ ಬಿಗ್ ಬಾಸ್ 16ರ ಮುಂದಿನ ಸಂಚಿಕೆಯಲ್ಲಿ ವಿಶೇಷ ಪುಟ್ಟ ಅತಿಥಿ ಕಾರ್ಯಕ್ರಮದ ಆಕರ್ಷಣೆಯ ಕೇಂದ್ರ ಬಿಂದುವಾಗಿದೆ. ಕಿರುತೆರೆ ಖ್ಯಾತ ಆ್ಯಂಕರ್, ಕಾಮಿಡಿಯನ್ ಆಗಿರುವ ಭಾರ್ತಿ ಸಿಂಗ್ ಮತ್ತು ಆಕೆಯ ಪತಿ ಹರ್ಷ ಲಿಂಬಚಿಯಾ ತಮ್ಮ ಮುದ್ದು ಮಗನೊಂದಿಗೆ ಈ ಬಾರಿ ವೇದಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದೇ ಮೊದಲ ಬಾರಿ ಭಾರ್ತಿ ಸಿಂಗ್ ಮಗ ಲಕ್ಷ್ ಲಿಂಬಚಿಯಾ ಬಿಗ್ಬಾಸ್ ವೇದಿಕೆಯಲ್ಲಿ ಮಿಂಚಲಿದ್ದು, ಪುಟ್ಟ ಅತಿಥಿ ಆಗಮನ ಅಭಿಮಾನಿಗಳ ಮನಸೊರೆಗೊಂಡಿದೆ.
- " class="align-text-top noRightClick twitterSection" data="
">
ಇನ್ನು ಈ ಸಂಚಿಕೆಯ ತುಣುಕಿನಲ್ಲಿ ಈ ಹಿಂದೆ ಬಿಗ್ ಬಾಸ್ ಮನೆಯಲ್ಲಿ ಸಲ್ಮಾನ್ ಖಾನ್ ನೀಡಿದ ಭರವಸೆಯೊಂದನ್ನು ಭಾರ್ತಿ ನೆನಪಿಸಿದ್ದಾರೆ. ನನಗೆ ಇನ್ನು ನೆನಪಿದೆ ಸಲ್ಮಾನ್ ಖಾನ್ ನನ್ನ ಮಗುವನ್ನು ಚಿತ್ರೋದ್ಯಮಕ್ಕೆ ಪರಿಚಯಿಸುವುದಾಗಿ ತಿಳಿಸಿದ್ದರು ಎಂದಿದ್ದಾರೆ. ಅಲ್ಲದೇ ವೇದಿಕೆಯಲ್ಲಿ ಮಗನೊಂದಿಗೆ ಸಲ್ಮಾನ್ ಭೇಟಿಯಾದ ಭಾರ್ತಿ, ಲಕ್ಷ್ನನ್ನು ಕೆಲವು ಕಾಲ ಹಿಡಿದುಕೊಳ್ಳುವಂತೆ ಮನವಿ ಮಾಡಿರುವುದು ಕಾಣಬಹುದಾಗಿದೆ.
ಉಡುಗೊರೆ ಕೊಟ್ಟ ಸಲ್ಮಾನ್: ಇದೇ ವೇಳೆ, ನಟ ಸಲ್ಮಾನ್ ಲಾಹೋರಿ ಹಬ್ಬದ ಉಡುಗೊರೆಯಾಗಿ ತಮ್ಮ ಕೈಯಲ್ಲಿನ ಟ್ರೇಡ್ ಮಾರ್ಕ್ ಆಗಿರುವ ಬೆಳ್ಳಿ ಬ್ರೆಸ್ಲೆಟ್ ಅನ್ನು ಹರ್ಷ್ಗೆ ವಿಶೇಷ ಉಡುಗೊರೆಯಾಗಿ ನೀಡಿದ್ದಾರೆ. ಇದಕ್ಕೆ ಪ್ರತಿಯಾಗಿ ಜೋಕ್ ಮಾಡಿರುವ ಭಾರ್ತಿ ಸಲ್ಮಾನ್ಗೆ ಇಷ್ಟೋಂದು ಸಹಾನುಭೂತಿ ಇದ್ದರೆ ಅವರ ಫಾರ್ಮ್ ಹೌಸ್ ಅನ್ನು ಮಗ ಲಕ್ಷ್ಗೆ ವರ್ಗಾಯಿಸುವಂತೆ ತಿಳಿಸಿದ್ದಾರೆ. ಇದಕ್ಕೆ ನಟ ಸಲ್ಮಾನ್ ಸೇರಿದಂತೆ ಸೆಟ್ ಮಂದಿ ನಕ್ಕಿದ್ದಾರೆ.
ಮಗ ಲಕ್ಷ್ನನ್ನು ಬಿಟ್ಟು ಭಾರ್ತಿ ಹಾಗೂ ಹರ್ಷ್ ಬಿಗ್ ಬಾಸ್ 16ರ ಮನೆ ಪ್ರವೇಶಿಸಿ, ಅಭ್ಯರ್ಥಿಗಳನ್ನು ಭೇಟಿಯಾಗಿದ್ದಾರೆ. ಈ ವೇಳೆ, ಅಭ್ಯರ್ಥಿಗಳಾದ ಸಜೀದ್ ಖಾನ್ ಮತ್ತು ಅಬ್ದು ರೊಸಿಕಾ ಸಂಬಂಧದ ಬಗ್ಗೆ ಮನೆ ಹೊರಗೆ ಸಾಕಷ್ಟು ಗೊಂದಲಗಳು ಇದೆ ಎಂದು ಭಾರ್ತಿ ತಿಳಿಸಿದ್ದಾರೆ. ಸಜೀದ್ ಅವರು ಅಬ್ದು ಅವರ ತಾಯಿ ಎಂದಿರುವ ಭಾರ್ತಿ ಬಳಿಕ ತಮ್ಮ ಗೆಳತಿ ಟೀನಾ ದತ್ತಾ ಜೊತೆ ಕೂಡ ಬಿಗ್ ಬಾಸ್ ಮನೆಯಲ್ಲಿ ಹರಟಿದ್ದಾರೆ. ಟೀನಾ ತಾಯಿಯ ರೀತಿ ಅನುಕರಿಸಿದ ಅರ್ಚನಾಗೆ ಅಪ್ಪುಗೆಯನ್ನು ನೀಡಿದ್ದಾರೆ ಭಾರ್ತಿ.
ಕಾಮಿಡಿಯನ್ ಭಾರ್ತಿ ಮತ್ತು ಹರ್ಷಾ ಕಳೆದ ವರ್ಷ ತಮ್ಮ ಮೊದಲ ಮಗುವಿನ ಆಗಮನ ಮಾಡಿಕೊಂಡಿದ್ದರು. ಲಕ್ಷ್ಗೆ ಈಗ 9 ತಿಂಗಳಾಗಿದೆ. ಕಾರ್ಯಕ್ರಮದಲ್ಲಿ ಭಾರ್ತಿ ಗುಲಾಬಿ ಬಣ್ಣದ ಎಥ್ನಿಕ್ ಡ್ರೆಸ್ನಲ್ಲಿ ಮಿಂಚಿದ್ದರೆ, ಹರ್ಷ್ ಗೋಲ್ಡನ್ ಜಾಕೆಟ್ ಕಪ್ಪು ಶರ್ಟ್, ಪ್ಯಾಂಟ್ನಲ್ಲಿ ಕಂಡಿದ್ದಾರೆ. ಇನ್ನು ತಮ್ಮ ಮುದ್ದು ಕಂದನಿಗೆ ಆರೆಂಜ್ ಬಣ್ಣದ ಜಾಕೆಟ್ ನೊಂದಿಗೆ ನೀಲಿ ಬಣ್ಣದ ಉಡುಗೆ ಹಾಕಿದ್ದಾರೆ. ಸಲ್ಮಾನ್ ಕೈಯಲ್ಲಿ ಭಾರ್ತಿ ಮಗುವನ್ನು ಇಟ್ಟಿರುವ ದೃಶ್ಯಕ್ಕೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಪ್ರೀತಿಯ ಎಮೋಜಿಗಳನ್ನು ಹಾಕಿದ್ದಾರೆ.
ಬಿಗ್ ಬಾಸ್ 16: ಹಿಂದಿಯಲ್ಲಿ ಬಹು ಬೇಡಿಕೆ ಹೊಂದಿರುವ ಬಿಗ್ ಬಾಸ್ 16ರ ಜನಪ್ರಿಯತೆ ಹಿನ್ನಲೆ ಕಾರ್ಯಕ್ರಮವನ್ನು ಮತ್ತೆ ಐದು ವಾರಗಳ ಕಾಲ ಮುಂದೂರಲಾಗಿದೆ. ಫೆಬ್ರವರಿಯಲ್ಲಿ ಈ ಸೀಸನ್ ಅಂತ್ಯವಾಗುವ ಸಾಧ್ಯತೆ ಇದೆ.
ಇದನ್ನೂ ಓದಿ: ಮಗಳ ಜೊತೆ ರಣಬೀರ್ - ಆಲಿಯಾ ಔಟಿಂಗ್; ಮೊಮ್ಮಗಳಿಗೆ ಲಹೋರಿ ಶುಭ ಕೋರಿದ ನೀತು ಕಪೂರ್
