ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರ ಮುಂಬರುವ ಚಿತ್ರ 'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್'ನ 'ಜೀ ರಹೇ ಥಾ ಹಮ್' (Jee rahe the hum) ಎಂಬ ಲವ್ ಸಾಂಗ್ ರಿಲಿಸ್ ಅಗಿದೆ. ಸಲ್ಮಾನ್ ಖಾನ್ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಪೇಜ್ನಲ್ಲಿ ಈ ರೊಮ್ಯಾಂಟಿಕ್ ಹಾಡನ್ನು ಬಿಡುಗಡೆ ಮಾಡುವ ಮೂಲಕ ತಮ್ಮ ಅಭಿಮಾನಿಗಳಿಗೆ ಸರ್ಪ್ರೈಸ್ ಕೊಟ್ಟಿದ್ದಾರೆ. ಸಹ ನಟರಾದ ಪೂಜಾ ಹೆಗ್ಡೆ, ರಾಘವ್ ಜುಯಲ್, ಜಸ್ಸಿ ಗಿಲ್ ಮತ್ತು ಸಿದ್ಧಾರ್ಥ್ ನಿಗಮ್ ಅವರೊಂದಿಗೆ ಸಲ್ಮಾನ್ ಖಾನ್ ಬಹಳ ಸಂತೋಷವಾಗಿ ಕಾಣಿಸಿಕೊಂಡಿದ್ದಾರೆ.
ಈ ಹಾಡಿನಲ್ಲಿ ನಟ ಸಲ್ಮಾನ್ ಖಾನ್ ಉದ್ದ ಕೂದಲು ಬಿಟ್ಟಿದ್ದಾರೆ. ಪೂಜಾ ಹೆಗ್ಡೆ ಅವರನ್ನು ಮೆಚ್ಚಿಸುವ ಹಾಡಿದು. ಈ ಹಾಡಿನಲ್ಲಿ ನಟ ನಟಿಗಾಗಿ ನೃತ್ಯ ಮಾಡುತ್ತಾನೆ. ಸಲ್ಮಾನ್ ಮತ್ತು ಪೂಜಾ ರೊಮ್ಯಾಂಟಿಕ್ ಡೇಟ್ ಮಾಡುತ್ತಿರುವುದು ಹಾಡಿನಲ್ಲಿ ಕಂಡುಬರುತ್ತದೆ
ಸಲ್ಮಾನ್ ಖಾನ್ ಸ್ವತಃ ಈ ಹಾಡನ್ನು ಹಾಡಿದ್ದು, ಅಮಲ್ ಮಲಿಕ್ ಸಂಗೀತ ರಚಿಸಿದ್ದು, ಶಬ್ಬೀರ್ ಅಹಮದ್ ಅವರ ಸಾಹಿತ್ಯವಿದೆ. ಈ ಹಾಡು ಸಲ್ಮಾನ್ ಅಭಿಮಾನಿಗಳಿಗೆ ಹ್ಯಾಂಗೋವರ್ ಹಾಡಿನ ನೆನಪನ್ನು ತಂದುಕೊಟ್ಟಿದೆ. ಕಿಸಿ ಕಾ ಭಾಯಿ ಕಿಸಿ ಕಿ ಜಾನ್‌ನ ಹಾಡುಗಳು ಚಿತ್ರದ ಹಿಟ್‌ನ ಸುಳಿವು ನೀಡಿದೆ.
ಈಗಾಗಲೇ ಅತ್ಯಂತ ಜನಪ್ರಿ ಆಗಿರುವ ನೈಯೋ ಲಗ್ದಾ ಮತ್ತು ಬಿಲ್ಲಿ ಬಿಲ್ಲಿ ಹಾಡಿನ ನಂತರ ಬಿಡುಗಡೆ ಆದ ಹಾಡಿದು. ಜೀ ರಹೇ ಥಾ ಹಮ್ (ಪ್ರೀತಿಯಲ್ಲಿ ಬೀಳುವುದು) ಕಿಸಿ ಕಾ ಭಾಯಿ ಕಿಸಿ ಕಿ ಜಾನ್ ಸಿನಿಮಾದ ಮೂರನೇ ಹಾಡು. ಈ ಚಿತ್ರವನ್ನು ಫರ್ಹಾದ್ ಸಾಮ್ಜಿ ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿ ಸಲ್ಮಾನ್ ಖಾನ್, ಪೂಜಾ ಹೆಗ್ಡೆ ಅಲ್ಲದೇ ವೆಂಕಟೇಶ್ ದಗ್ಗುಬಾಟಿ, ಜಗಪತಿ ಬಾಬು, ಭೂಮಿಕಾ ಚಾವ್ಲಾ, ವಿಜೇಂದರ್ ಸಿಂಗ್, ಅಭಿಮನ್ಯು ಸಿಂಗ್, ರಾಘವ್ ಜುಯಲ್, ಸಿದ್ಧಾರ್ಥ್ ನಿಗಮ್, ಜಸ್ಸಿ ಗಿಲ್, ಶೆಹನಾಜ್ ಗಿಲ್, ಪಲಕ್ ತಿವಾರಿ ಮತ್ತು ವಿನಾಲಿ ಭಟ್ನಾಗರ್ ಸೇರಿದಂತೆ ತಾರಾಗಣವಿದೆ. ಈ ಚಲನಚಿತ್ರವು ಇದೇ ಈದ್‌ ಸಂದರ್ಭ ಥಿಯೇಟರ್ಗಳಲ್ಲಿ ತೆರೆ ಕಾಣಲಿದೆ.
- " class="align-text-top noRightClick twitterSection" data="
">
ಇನ್ನೂ ಸಲ್ಮಾನ್ ಖಾನ್ ಅವರ ಮುಂಬರುವ ಚಿತ್ರ "ಟೈಗರ್ 3". ಈ ಬಹು ನಿರೀಕ್ಷಿತ ಚಿತ್ರದಲ್ಲಿ ಕತ್ರಿನಾ ಕೈಫ್ ಮತ್ತು ಇಮ್ರಾನ್ ಹಶ್ಮಿ ಸಹ ಮುಖ್ಯ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ಅಲ್ಲದೇ ಪಠಾಣ್ ನಟ ಶಾರುಖ್ ಖಾನ್ ಟೈಗರ್ 3ನಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇತ್ತೀಚೆಗೆ ತೆರೆಕಂಡು ಧೂಳೆಬ್ಬಿಸಿರುವ ಪಠಾಣ್ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಅತಿಥಿ ಪಾತ್ರ ನಿರ್ವಹಿಸಿದ್ದರು. ಟೈಗರ್ 3 ಇದೇ ನವೆಂಬರ್ನಲ್ಲಿ ಬಿಡುಗಡೆಯಾಗಲು ಸಿದ್ಧತೆ ನಡೆಸುತ್ತಿದೆ.
ಇದನ್ನೂ ಓದಿ: ನಟ ಚೇತನ್‌ಗೆ 14 ದಿನ ನ್ಯಾಯಾಂಗ ಬಂಧನ
ಬಾಲಿವುಡ್ ಬಹುನಿರೀಕ್ಷಿತ ಸಿನಿಮಾಗೆ ಮನೀಶ್ ಶರ್ಮಾ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಯಶ್ ರಾಜ್ ಫಿಲ್ಮ್ಸ್‌ ಈ ಚಿತ್ರವನ್ನು ನಿರ್ಮಿಸಿದೆ. 'ಟೈಗರ್ 3' ಅನ್ನು ಭಾರತ ಮತ್ತು ಹೊರಗಿನ ಹಲವಾರು ರಮಣೀಯ ಸ್ಥಳಗಳಲ್ಲಿ ಚಿತ್ರೀಕರಿಸಲಾಗಿದೆ.
ಇದನ್ನೂ ಓದಿ: RRR ನಾಟು ನಾಟು ಕ್ರೇಜ್: ಮಸ್ಕ್ ಮೆಚ್ಚುಗೆ, ನೂರಾರು ಟೆಸ್ಲಾ ಕಾರುಗಳಲ್ಲಿ ಲೈಟ್ ಶೋ
'ಟೈಗರ್ 3' ನಟ ಸಲ್ಮಾನ್ ಖಾನ್ ನಟಿ ಕತ್ರಿನಾ ಕೈಫ್ ಮುಖ್ಯಭೂಮಿಕೆಯ ಸ್ಪೈ ಥ್ರಿಲ್ಲರ್ ಫ್ರಾಂಚೈಸಿ ಮೂರನೇ ಭಾಗವಾಗಿದೆ. 2012ರಲ್ಲಿ 'ಏಕ್ ಥಾ ಟೈಗರ್' ಬಿಡುಗಡೆ ಆಗಿತ್ತು, ಈ ಸಿನಿಮಾವನ್ನು ಕಬೀರ್ ಖಾನ್ ನಿರ್ದೇಶಿಸಿದ್ದರು. ಅದರ ಮುಂದುವರಿದ ಭಾಗ ಟೈಗರ್ ಜಿಂದಾ ಹೈ 2017ರಲ್ಲಿ ತೆರೆಕಂಡಿದ್ದು, ಇದನ್ನು ಅಲಿ ಅಬ್ಬಾಸ್ ಜಾಫರ್ ನಿರ್ದೇಶಿಸಿದ್ದರು. ಇದೀಗ 'ಟೈಗರ್ 3' ಬಿಡುಗಡೆ ಹೊಸ್ತಿಲಲ್ಲಿದೆ.
