ಬಾಲಿವುಡ್ ನಟ ಟೈಗರ್ ಶ್ರಾಫ್ ನಟನೆಯ ಮುಂಬರುವ ಬಹುನಿರೀಕ್ಷಿತ ಸಿನಿಮಾ 'ಗಣಪತ್- ಭಾಗ 1'. ಕ್ವೀನ್ ಖ್ಯಾತಿಯ ನಿರ್ದೇಶಕ ವಿಕಾಸ್ ಬಹ್ಲ್ ಆ್ಯಕ್ಷನ್ ಕಟ್ ಹೇಳಿರುವ ಈ ಚಿತ್ರದಲ್ಲಿ ಕೃತಿ ಸನೋನ್ ನಾಯಕಿಯಾಗಿ ನಟಿಸಿದ್ದಾರೆ. ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಚಿತ್ರವು ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ರಿಲೀಸ್ ಡೇಟ್ ಹತ್ತಿರವಾಗುತ್ತಿದ್ದಂತೆ ಪ್ರಚಾರ ಕಾರ್ಯಗಳನ್ನು ಚುರುಕುಗೊಳಿಸಿರುವ ಚಿತ್ರತಂಡ ಇದೀಗ ಸಿನಿಮಾದ ಟೀಸರ್ ಅನ್ನು ಬಿಡುಗಡೆ ಮಾಡಿದೆ.
- " class="align-text-top noRightClick twitterSection" data="">
ಹಾಲಿವುಡ್ ರೇಂಜ್ನಲ್ಲಿದೆ ಟೀಸರ್: 'ಗಣಪತ್- ಭಾಗ 1' ಈ ವರ್ಷದ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದು. ಇಂದು ಬಿಡುಗಡೆಯಾಗಿರುವ ಟೀಸರ್ ಹಾಲಿವುಡ್ ರೇಂಜ್ನಲ್ಲಿದೆ. ಸಾಮಾನ್ಯವಾಗಿ ಟೈಗರ್ ಶ್ರಾಫ್ ಸಿನಿಮಾಗಳೆಂದರೆ ಅಲ್ಲಿ ಆ್ಯಕ್ಷನ್ ಸೀನ್ಗಳಿಗೆ ಹೆಚ್ಚು ಪ್ರಾಮುಖ್ಯತೆ ನೀಡಿರುತ್ತಾರೆ. 'ಗಣಪತ್- ಭಾಗ 1' ಕೂಡ ಅದೇ ಹಾದಿಯಲ್ಲಿ ಸಾಗಿದೆ. ಚಿತ್ರದಲ್ಲಿನ ಆಕ್ಷನ್ ಸೀನ್ಗಳನ್ನು ಕೇವಲ ಟೀಸರ್ ಮೂಲಕವೇ ಸವಿಯುವಂತೆ ಮಾಡಿದೆ ಚಿತ್ರತಂಡ. ಅಷ್ಟೊಂದು ಅದ್ಭುತವಾಗಿ ಟೀಸರ್ ಮೂಡಿ ಬಂದಿದೆ.
ತುಣುಕು ನೋಟದ ಪ್ರತಿ ಫ್ರೇಮ್ ಕೂಡ ಆ್ಯಕ್ಷನ್ನಿಂದ ಕೂಡಿದೆ. 2070 AD ಎಂಬ ಬರಹದೊಂದಿಗೆ ಟೀಸರ್ ಪ್ರಾರಂಭವಾಗುತ್ತದೆ. ಟೈಗರ್ ಶ್ರಾಫ್ ಮತ್ತು ಕೃತಿ ಸನೋನ್ ಆಕ್ಷನ್ ದೃಶ್ಯದೊಂದಿಗೆ ಪ್ರೇಕ್ಷಕರ ಮುಂದೆ ಪ್ರತ್ಯಕ್ಷರಾಗಿದ್ದಾರೆ. ಅಮಿತಾಭ್ ಬಚ್ಚನ್ ಅವರನ್ನು ಗುರುಗಳಾಗಿ ತೋರಿಸಲಾಗಿದೆ. ಇಡೀ ಟೀಸರ್ ಹೊಚ್ಚ ಹೊಸದಾಗಿದೆ. ಇದನ್ನು ನೋಡಿದ ಮೇಲೆ ಸಿನಿಮಾ ಹೊಚ್ಚ ಹೊಸ ಕಾನ್ಸೆಪ್ಟ್ನೊಂದಿಗೆ ಬರುವುದಂತೂ ಕನ್ಫರ್ಮ್ ಆಗಿದೆ. ಇದು ಆಕ್ಷನ್ ಸಿನಿಮಾ ಪ್ರಿಯರಿಗೆ ಇಷ್ಟವಾಗುವುದಂತೂ ಪಕ್ಕಾ.
ಇದನ್ನೂ ಓದಿ: ಗಣಪತ್ ಸಿನಿಮಾ ಚಿತ್ರೀಕರಣದಲ್ಲಿ ಟೈಗರ್ ಶ್ರಾಫ್ಗೆ ಗಾಯ.. ವಿಡಿಯೋ ಹರಿಬಿಟ್ಟ ನಟ
ಬಾಕ್ಸ್ ಆಫೀಸ್ನಲ್ಲಿ ಕ್ಲ್ಯಾಶ್: ಈ ಚಿತ್ರದಲ್ಲಿ ಟೈಗರ್ ಶ್ರಾಫ್, ಕೃತಿ ಸನೋನ್ ಮತ್ತು ಅಮಿತಾಭ್ ಬಚ್ಚನ್ ಮುಖ್ಯಭೂಮಿಕೆಯಲ್ಲಿದ್ದಾರೆ. ಗಣಪತ್- ಭಾಗ 1 ಅಕ್ಟೋಬರ್ 20 ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಈ ಸಮಯದಲ್ಲಿ ಅನೇಕ ಸಿನಿಮಾಗಳು ತೆರೆ ಕಾಣಲು ಸಜ್ಜಾಗಿದೆ. ಈಗಾಗಲೇ ಕನ್ನಡ ಸೇರಿದಂತೆ ಇತರ ಭಾಷೆಯ ಸಿನಿಮಾಗಳು ದಸರಾ ಬಾಕ್ಸ್ ಆಫೀಸ್ನಲ್ಲಿ ತಮ್ಮ ಸ್ಥಾನವನ್ನು ಖಚಿತಪಡಿಸಿವೆ.
ಹ್ಯಾಟ್ರಿಕ್ ಹೀರೋ ಶಿವ ರಾಜ್ಕುಮಾರ್ 'ಘೋಸ್ಟ್' (ಕನ್ನಡ), ನಂದಮೂರಿ ಬಾಲಕೃಷ್ಣ 'ಭಗವಂತ ಕೇಸರಿ' (ತೆಲುಗು), ಮಾಸ್ ಮಹಾರಾಜ ರವಿತೇಜ 'ಟೈಗರ್ ನಾಗೇಶ್ವರ ರಾವ್' (ತೆಲುಗು), ದಳಪತಿ ವಿಜಯ್ 'ಲಿಯೋ' (ತಮಿಳು), ಕಂಗನಾ ರಣಾವತ್ 'ತೇಜಸ್' (ಹಿಂದಿ), 'ಯಾರಿಯನ್ 2', 'ಕಿಲ್ಲರ್ಸ್ ಆಫ್ ದಿ ಫ್ಲವರ್ ಮೂನ್' ಚಿತ್ರಗಳು ಒಮ್ಮೆಲೇ ತೆರೆ ಕಾಣಲಿವೆ. ಇವೆಲ್ಲಾ ಸಿನಿಮಾಗಳ ಜೊತೆಗೆ 'ಗಣಪತ್- ಭಾಗ 1' ಕೂಡ ಸೇರಿಕೊಂಡಿದೆ.
ಇದನ್ನೂ ಓದಿ: ಕಂಗನಾ ರಣಾವತ್ 'ತೇಜಸ್', ಟೈಗರ್ ಶ್ರಾಫ್ 'ಗಣಪತ್ ಭಾಗ-1' ಸಿನಿಮಾ ಒಂದೇ ದಿನ ತೆರೆಗೆ
