ಭಾರತೀಯ ಚಿತ್ರರಂಗದ ಪ್ರತಿಭಾವಂತ ನಿರ್ದೇಶಕರ ಸಾಲಿನಲ್ಲಿ ಅಟ್ಲೀ ಕೂಡ ಒಬ್ಬರು. ತಮಿಳು ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದ ಇವರು ಬಾಲಿವುಡ್ ಸೂಪರ್ಸ್ಟಾರ್ ಶಾರುಖ್ ಖಾನ್ ಜೊತೆ 'ಜವಾನ್' ಸಿನಿಮಾ ಮಾಡಿ ವಿಶ್ವಾದ್ಯಂತ ಕ್ರೇಜ್ ಗಳಿಸಿದ್ದಾರೆ. ನಯನತಾರಾ, ದೀಪಿಕಾ ಪಡುಕೋಣೆ ಮುಖ್ಯಭೂಮಿಕೆಯಲ್ಲಿದ್ದ ಈ ಚಿತ್ರ ಸೆಪ್ಟೆಂಬರ್ 7ರಂದು ಬಿಡುಗಡೆಯಾಗಿ ಬಾಕ್ಸ್ ಆಫೀಸ್ನಲ್ಲಿ 1,000 ಕೋಟಿ ರೂಪಾಯಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ.
-
Director @Atlee_dir : I love Ajith sir very much!, definitely want to work with him. If he says yes, I will definitely do it. so definitely got a killer script 😎🔥
— Worldwide Thala Fans (@WorldwideThala) November 15, 2023 " class="align-text-top noRightClick twitterSection" data="
Latest Interview 💥#AK64 #VidaaMuyarchi #AjithKumar pic.twitter.com/32sm1gdBWX
">Director @Atlee_dir : I love Ajith sir very much!, definitely want to work with him. If he says yes, I will definitely do it. so definitely got a killer script 😎🔥
— Worldwide Thala Fans (@WorldwideThala) November 15, 2023
Latest Interview 💥#AK64 #VidaaMuyarchi #AjithKumar pic.twitter.com/32sm1gdBWXDirector @Atlee_dir : I love Ajith sir very much!, definitely want to work with him. If he says yes, I will definitely do it. so definitely got a killer script 😎🔥
— Worldwide Thala Fans (@WorldwideThala) November 15, 2023
Latest Interview 💥#AK64 #VidaaMuyarchi #AjithKumar pic.twitter.com/32sm1gdBWX
ಈ ಸಿನಿಮಾ ನಂತರ ಅಟ್ಲೀ ಅವರ ಮುಂದಿನ ನಿರ್ದೇಶನದ ಮೇಲೆ ಅಭಿಮಾನಿಗಳಿಗೆ ಕುತೂಹಲ ಹೆಚ್ಚಿದೆ. ಸಿನಿ ಪ್ರೇಮಿಗಳು ಅವರ ಮುಂದಿನ ಪ್ರಾಜೆಕ್ಟ್ ಬಗ್ಗೆ ಕಾತರದಿಂದ ಕಾಯುತ್ತಿದ್ದಾರೆ. ಹಲವಾರು ಸಂದರ್ಶನಗಳಲ್ಲಿ ತಮ್ಮ ಹೊಸ ಯೋಜನೆಗಳ ಕುರಿತಾಗಿ ಅಟ್ಲೀ ಮಾತನಾಡಿದ್ದಾರೆ. ಇತ್ತೀಚೆಗೆ ಶಾರುಖ್ ಖಾನ್ ಮತ್ತು ವಿಜಯ್ ಜೊತೆ ಸಿನಿಮಾ ಮಾಡುವುದಾಗಿ ಹೇಳಿದ್ದ ಅಟ್ಲೀ ಇದೀಗ ಮತ್ತೊಬ್ಬ ಸ್ಟಾರ್ ತಮಿಳು ನಟ ಅಜಿತ್ ಕುಮಾರ್ ಜೊತೆ ಕೆಲಸ ಮಾಡಲು ರೆಡಿಯಾಗಿದ್ದಾರೆ.
'ನಾನು ಅಜಿತ್ ಕುಮಾರ್ ಜೊತೆ ಶೀಘ್ರದಲ್ಲೇ ಸಿನಿಮಾ ಮಾಡುವ ದಿನಕ್ಕಾಗಿ ಎದುರು ನೋಡುತ್ತಿದ್ದೇನೆ. ಅವರಿಗೆ ಕಥೆಯೂ ಸಿದ್ಧವಾಗಿದೆ' ಎಂದು ಅಟ್ಲೀ ಹೇಳಿದ್ದಾರೆ. "ಅಜಿತ್ ಕುಮಾರ್ ಅವರಿಗೆ ಸೂಕ್ತವಾದ ಕಥೆ ನನ್ನ ಬಳಿ ಇದೆ. ಅದರ ಮೇಲೆ ಇನ್ನೂ ಕೆಲಸ ಮಾಡಬೇಕಾಗಿದೆ. ಅವರಲ್ಲಿ ಕಥೆಯ ಬಗ್ಗೆ ಹೇಳಲು ಪ್ರಯತ್ನಿಸಿದೆ. ಆದರೆ ಸಾಧ್ಯವಾಗಲಿಲ್ಲ. ಅಜಿತ್ ನನ್ನ ಕಥೆಯನ್ನು ಒಪ್ಪಿಕೊಂಡರೆ, ಸೂಪರ್ ಹಿಟ್ ಚಿತ್ರವೊಂದು ಮೂಡಿ ಬರಲಿದೆ. ಅವರು ನನ್ನನ್ನು ಕರೆಯುವುದಕ್ಕೆ ಕಾಯುತ್ತಿದ್ದೇನೆ. ಕರೆದ ಕೂಡಲೇ ಹೋಗಿ ಕಥೆ ಹೇಳುತ್ತೇನೆ. ಅವರು ತುಂಬಾ ಒಳ್ಳೆಯ ಮನುಷ್ಯ. ನಾನು ಕಷ್ಟದಲ್ಲಿದ್ದಾಗ ಕರೆದು ಸಾಂತ್ವನ ಹೇಳಿದ್ದರು" ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಬಾಲಿವುಡ್ ಆಯ್ತು, ಟಾಲಿವುಡ್ಗೂ ಅಟ್ಲೀ ಜಂಪ್; 'ದೇವರ ಆಶೀರ್ವಾದ'ದ ಜೊತೆ ಅಲ್ಲುಗೆ ಆ್ಯಕ್ಷನ್ ಕಟ್
ನಿರ್ದೇಶಕ ಅಟ್ಲೀ ಇತ್ತೀಚೆಗಷ್ಟೇ ಬಹುತಾರಾಗಣದ ಸಿನಿಮಾ ಘೋಷಣೆ ಮಾಡಿರುವುದು ಗೊತ್ತೇ ಇದೆ. ಶಾರುಖ್ ಖಾನ್ ಮತ್ತು ವಿಜಯ್ ಜೊತೆಗಿನ ಈ ಚಿತ್ರ ಖಂಡಿತ 3,000 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಈ ಸಿನಿಮಾವನ್ನು ಕಮಲ್ ಹಾಸನ್ ನಿರ್ಮಾಣ ಮಾಡಲಿದ್ದಾರೆ ಎಂದು ವರದಿಗಳಿವೆ. ಇದರ ಜೊತೆಗೆ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಜೊತೆಯೂ ಅಟ್ಲೀ ಸಿನಿಮಾ ಮಾಡಲಿದ್ದಾರೆ ಎಂಬ ಮಾತುಗಳು ಕೂಡ ಕೇಳಿ ಬರುತ್ತಿವೆ.
ಈಗಾಗಲೇ ಅಲ್ಲು ಅರ್ಜುನ್ ಜೊತೆ ಅಟ್ಲೀ ಚಿತ್ರ ಕಥೆಯ ಬಗ್ಗೆ ಚರ್ಚೆಯನ್ನೂ ನಡೆಸಿದ್ದಾರೆ. ಇವರಿಬ್ಬರು ಮುಂಬೈನಲ್ಲಿ ಭೇಟಿಯಾದ ವಿಡಿಯೋಗಳು ಇತ್ತೀಚೆಗೆ ವೈರಲ್ ಆಗುತ್ತಿದೆ. ಇದರೊಂದಿಗೆ ಈ ಸಿನಿಮಾವು ಬಹುತೇಕ ಖಚಿತಗೊಂಡಿದೆ ಎಂದು ಅಭಿಮಾನಿಗಳು ಭಾವಿಸಿದ್ದಾರೆ. ಸದ್ಯದಲ್ಲೇ ಅಧಿಕೃತ ಘೋಷಣೆಯೂ ಬರಲಿದೆ ಎಂಬ ಮಾತು ಕೇಳಿಬರುತ್ತಿದೆ. ಹೀಗಾಗಿ ಅಟ್ಲೀ ಮುಂದಿನ ಸಿನಿಮಾಗಳನ್ನು ಸ್ಟಾರ್ ನಟರ ಜೊತೆಯೇ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಮುಂಬೈನಲ್ಲಿ ಅಟ್ಲೀ - ಅಲ್ಲು ಅರ್ಜುನ್ ಭೇಟಿ: ಇವರಿಬ್ಬರ ಕಾಂಬೋದಲ್ಲಿ ಬರಲಿದೆಯಾ ಸಿನಿಮಾ?!
