ರೋಮಾಂಚಕ ಸಿನಿಮಾ ಅವತಾರ್​-2 ಈಗ ಒಟಿಟಿಯಲ್ಲಿ ಲಭ್ಯ: ಯಾವುದರಲ್ಲಿದೆ ಗೊತ್ತಾ?

ವಿಶ್ವಾದ್ಯಂತ ಚಿತ್ರಮಂದಿರಗಳಲ್ಲಿ ಸದ್ದು ಮಾಡಿದ್ದ ಅವತಾರ್​-2 ಸಿನಿಮಾ ಈಗ ಓಟಿಟಿಗೆ ಬಂದಿದೆ. ಮೂರು ವೇದಿಕೆಗಳಿಗೆ ಕಾಲಿಟ್ಟಿರುವ ಚಿತ್ರವನ್ನೀಗ ಮನೆಯಲ್ಲೇ ಕುಳಿತು ವೀಕ್ಷಿಸಬಹುದು.

ಅಪ್ರತಿಮ ನಿರ್ದೇಶಕ ಜೇಮ್ಸ್​ ಕ್ಯಾಮರೂನ್​ ಕಲ್ಪನೆಯಲ್ಲಿ ಮೂಡಿಬಂದ ಅವತಾರ್​: ದಿ ವೇ ಆಫ್​ ವಾಟರ್​ ಸಿನಿಮಾ ವಿಶ್ವ ಸಿನಿರಸಿಕರ ಮನಸೂರೆಗೊಂಡಿದೆ. 3 ಡಿಯಲ್ಲಿ ಬಿಡುಗಡೆಯಾಗಿ ಕೋಟ್ಯಂತರ ರೂಪಾಯಿ ಗಳಿಸಿದ್ದ ಚಿತ್ರ ಇದೀಗ ಒಟಿಟಿಗೂ(OTT) ಕಾಲಿಟ್ಟಿದೆ.

ಜಾಗತಿಕವಾಗಿ ಧೂಳೆಬ್ಬಿಸಿದ್ದ ಅವತಾರ್​-2 ಸಿನಿಮಾ ಚಿತ್ರಮಂದಿರಗಳಲ್ಲಿ 3ಡಿ ಯಲ್ಲಿ ಬಿಡುಗಡೆಯಾಗಿತ್ತು. ಆಕರ್ಷಕ ಕ್ಯಾಮರಾ, ಸ್ಕ್ರೀನ್​ಪ್ಲೇ ಚಿತ್ರವನ್ನು ಶ್ರೀಮಂತಗೊಳಿಸಿದೆ. ಕಣ್ಣಿಗೆ ಕಟ್ಟುವಂತೆ ದೃಶ್ಯಗಳನ್ನು ಹಾಲಿವುಡ್​ ನಿರ್ದೇಶಕ ಕ್ಯಾಮರೂನ್​ ಚಿತ್ರಿಸಿದ್ದಾರೆ. ಯಶಸ್ವಿ ಸಿನಿಮಾವೀಗ ಒಟಿಟಿ ವೇದಿಕೆಗೆ ಲಗ್ಗೆ ಇಟ್ಟಿದ್ದು, ಜನರು ಈಗ ಮನೆಯಲ್ಲೇ ಕುಳಿತು ವೀಕ್ಷಿಸಬಹುದು.

• Return to Pandora whenever you want at home, only on Digital March 28. Get access to over three hours of never-before-seen extras when you add #AvatarTheWayOfWater to your movie collection. pic.twitter.com/4dOhyjMU9l

  — Avatar (@officialavatar) March 7, 2023 " class="align-text-top noRightClick twitterSection" data="

  Return to Pandora whenever you want at home, only on Digital March 28. Get access to over three hours of never-before-seen extras when you add #AvatarTheWayOfWater to your movie collection. pic.twitter.com/4dOhyjMU9l

  — Avatar (@officialavatar) March 7, 2023

  ">

  Return to Pandora whenever you want at home, only on Digital March 28. Get access to over three hours of never-before-seen extras when you add #AvatarTheWayOfWater to your movie collection. pic.twitter.com/4dOhyjMU9l

  — Avatar (@officialavatar) March 7, 2023

ಅವತಾರ್​: ದಿ ವೇ ಆಫ್​ ವಾಟರ್​ ಸಿನಿಮಾ ಮಾರ್ಚ್​ 28 ರಿಂದ ಒಟಿಟಿ ಚರಣ ಆರಂಭಿಸಿದೆ. ಕೇವಲ ಒಂದೇ ಓಟಿಟಿಯಲ್ಲಿ ಸ್ಟ್ರೀಮಿಂಗ್​ ಆಗುವ ಬದಲಿಗೆ ಇದು, ಅಮೆಜಾನ್​ ಪ್ರೈಮ್​ ವಿಡಿಯೋ, ಆ್ಯಪಲ್​ ಟಿವಿ, ವುಡು(ಅಮೆರಿಕದ ಜನಪ್ರಿಯ ಸ್ಟ್ರೀಮಿಂಗ್​ ಆ್ಯಪ್​) ಮತ್ತು ಮೂವಿಸ್​ ಎನಿವೇರ್​ ಒಟಿಟಿಯಲ್ಲಿ ಸಿನಿಮಾ ಲಭ್ಯವಿದೆ. ಈ ನಾಲ್ಕು ಒಟಿಟಿ ವೇದಿಕೆಗಳು ಸಿನಿಮಾದ ಪ್ರಸಾರ ಹಕ್ಕನ್ನು ಖರೀದಿ ಮಾಡಿವೆ. ವಿಶೇಷ ಅಂದರೆ ಈ ಸಿನಿಮಾ 4ಕೆ ಅಲ್ಟ್ರಾ ಎಚ್​ಡಿ ಗುಣಮಟ್ಟದಲ್ಲಿ ಡಾಲ್ಬಿ ಆಡಿಯೋದಲ್ಲಿ ಲಭ್ಯವಿದೆ.

ಅಮೆಜಾನ್​ನಲ್ಲಿ ನೋಡಬಹುದೇ?: ಅಮೆಜಾನ್​ ಪ್ರೈಮ್​ನಲ್ಲಿ ಸಿನಿಮಾ ಸ್ಟ್ರೀಮಿಂಗ್​ಗೆ ಲಭ್ಯವಿದ್ದರೂ, ಅದು ಸಾಮಾನ್ಯ ಚಂದಾದಾರಿಕೆಗೆ ಸಿಗುವುದಿಲ್ಲ. ನೀವು ಪ್ರೈಮ್​ ಚಂದಾದಾರರಾಗಿದ್ದರೆ, ಈ ಸಿನಿಮಾವನ್ನು ಅಲ್ಲಿ ನೋಡಲು ಆಗಲ್ಲ. ಕಾರಣ ಇದಕ್ಕೆ ಹಣ ಪಾವತಿ ಮಾಡಬೇಕಿದೆ. ರೆಂಟಲ್​ ನೀಡಿದ್ದರೆ ಮಾತ್ರ ಸಿನಿಮಾ ನೋಡಲು ಸಿಗುತ್ತದೆ. ಸದ್ಯಕ್ಕೆ ಸಿನಿಮಾ ಉಚಿತವಾಗಿ ಲಭ್ಯವಿಲ್ಲ.

ಭಾರತದಲ್ಲಿ ಅವತಾರ್​: ಹಾಲಿವುಡ್​ ಸಿನಿಮಾ ಅವತಾರ್​: ದಿ ವೇ ಆಫ್​ ವಾಟರ್​ ಸಿನಿಮಾ ಇಂಗ್ಲಿಷ್​ ಮಾತ್ರವಲ್ಲದೇ ಭಾರತದ ಹಲವು ಭಾಷೆಗಳಲ್ಲಿ ಅದು ಡಬ್​ ಆಗಿ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಂಡಿತ್ತು. ದೇಶದಲ್ಲಿಯೇ ನೂರಾರು ಕೋಟಿ ರೂಪಾಯಿ ವ್ಯವಹಾರ ನಡೆಸಿದೆ. ಚಿತ್ರದಲ್ಲಿ ಕೇಟ್​ ವಿನ್ಸ್ಲೆಟ್​, ಸ್ಯಾಮ್​ ವರ್ತಿಂಗ್ಟನ್​, ಜೊಯ್​ ಸಲ್ಡಾನಾ, ಸಿಗೌರ್ನಿ ವೀವರ್​ ಮತ್ತು ಸ್ಟೀಫನ್​ ಲ್ಯಾಂಗ್​ ಸೇರಿದಂತೆ ಹಲವರು ಪ್ರಮುಖ ಪಾತ್ರಗಳಲ್ಲಿ ಜೀವ ತುಂಬಿದ್ದಾರೆ.

ಸಿನಿಮಾ ಕಥೆ ಏನು?: ಅವತಾರ್​ ಮೊದಲ ಅವತರಣಿಕೆ 2009ರಲ್ಲಿ ತೆರೆಕಂಡು ವಿಶ್ವಾದ್ಯಂತ ಧೂಳೆಬ್ಬಿಸಿದ ಜೇಮ್ಸ್​ ಕ್ಯಾಮರೂನ್​ ಅವರ ಚಿತ್ರ. ಭೂಮಿಯಂತೆ ಕಾಣುವ ಆಕರ್ಷಕ ಪಂಡೋರಾ ಜಗತ್ತಿನಲ್ಲಿ ವಾಸಿಸುವ ವಿಶೇಷ ಜಲಚರಗಳ ಕಥೆ ಇದರಲ್ಲಿದೆ. ಪರದೆ ಮೇಲೆ ಬರುವ ಒಂದೊಂದು ದೃಶ್ಯವೂ ಕೂಡ ರೋಮಾಂಚನಕಾರಿಯಾಗಿದೆ. ಅದರ ಮುಂದುವರಿದ ಭಾಗ ಅವತಾರ್​ 2. 2009ರಲ್ಲಿ ಬಿಡುಗಡೆಯಾದ ಮೊದಲ 'ಅವತಾರ್' ಚಿತ್ರವು 162 ನಿಮಿಷಗಳ ಅವಧಿ ಹೊಂದಿತ್ತು. ಅಂದರೆ 2 ಗಂಟೆ 42 ನಿಮಿಷಗಳು. 'ಅವತಾರ್ 2' ಅವಧಿಯು 192 ನಿಮಿಷಗಳು, 10 ಸೆಕೆಂಡುಗಳು. ಅಂದರೆ, 3 ಗಂಟೆ 12 ನಿಮಿಷ 10 ಸೆಕೆಂಡುಗಳಾಗಿವೆ.

ಇದನ್ನೂ ಓದಿ: ಭಾರತದಲ್ಲಿ ಹೊಸ ದಾಖಲೆ ಬರೆದ 'ಅವತಾರ್ 2': ಭರ್ಜರಿ ಕಲೆಕ್ಷನ್!, ಎಷ್ಟು ಗೊತ್ತಾ?