ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಅವರು ದಿಶಾ ಪಟಾನಿ, ಮೌನಿ ರಾಯ್ ಮತ್ತು ಸೋನಮ್ ಬಾಜ್ವಾ ಅವರೊಂದಿಗೆ ಮಾರ್ಚ್ 1 ರಂದು ದಿ ಎಂಟರ್ಟೈನರ್ಸ್ ಕಾರ್ಯಕ್ರಮಕ್ಕಾಗಿ ಅಮೆರಿಕದ ಅಟ್ಲಾಂಟಾಗೆ ಹಾರಿದ್ದಾರೆ. ಇವರೊಂದಿಗೆ ನೋರಾ ಫತೇಹಿ ಮತ್ತು ಅಪರಶಕ್ತಿ ಖುರಾನಾ ಕೂಡ ಸೇರಿಕೊಂಡಿದ್ದಾರೆ. ಅಕ್ಷಯ್ ಕುಮಾರ್ ಅವರು ಈವೆಂಟ್ಗೆ ಮುಂಚಿತವಾಗಿ ಉಳಿದ ತಾರೆಯರೊಂದಿಗೆ ತಮ್ಮ ಲೈವ್ ಸ್ಟೇಜ್ ಪ್ರದರ್ಶನಕ್ಕಾಗಿ ಪೂರ್ವಾಭ್ಯಾಸ ಮಾಡಿದ್ದರು.
- " class="align-text-top noRightClick twitterSection" data="
">
ಈವೆಂಟ್ ಪ್ರಾರಂಭಕ್ಕೂ ಮೊದಲು ತಂಡವು ಗಾಯತ್ರಿ ಮಂತ್ರವನ್ನು ಪಠಿಸುತ್ತಿರುವ ವಿಡಿಯೋವನ್ನು ನಟ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದ್ದಾರೆ. "ದೇವರ ಹೆಸರಿನಲ್ಲಿ ದಿ ಎಂಟರ್ಟೈನರ್ಸ್ ಶೋ ಸ್ಟಾರ್ಟ್ ಮಾಡೋಣ. ಉತ್ತಮ ಪ್ರದರ್ಶನಕ್ಕಾಗಿ ಎದುರು ನೋಡುತ್ತಿದ್ದೇವೆ" ಎಂದು ಬರೆದುಕೊಂಡಿದ್ದಾರೆ. ವಿಡಿಯೋದಲ್ಲಿ ಅಕ್ಷಯ್ ಕುಮಾರ್ ಕಪ್ಪು ಟೀ ಶರ್ಟ್ ಮತ್ತು ನೀಲಿ ಬಣ್ಣದ ಪ್ಯಾಂಟ್ ಧರಿಸಿರುವುದನ್ನು ಕಾಣಬಹುದು. ಕೆಲವು ನೆಟ್ಟಿಗರು ವಿಡಿಯೋವನ್ನು ಶ್ಲಾಘಿಸಿದ್ದು, ಇನ್ನು ಕೆಲವರು ಟೀಕಿಸಿದ್ದಾರೆ.
ಇದನ್ನೂ ಓದಿ: 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಶೂಟಿಂಗ್ಗಾಗಿ ಕಾಶ್ಮೀರದಲ್ಲಿ ಕಾಣಿಸಿಕೊಂಡ ಆಲಿಯಾ ಭಟ್
"ಯಾವುದೇ ಕಾರ್ಯಕ್ರಮ ಪ್ರಾರಂಭಕ್ಕೂ ಮೊದಲು ಗಾಯತ್ರಿ ಮಂತ್ರ ಪಠಿಸುವುದು ಒಳ್ಳೆಯ ವಿಷಯ. ನಿಮ್ಮ ಶೋ ಯಶಸ್ಸು ಕಾಣಲಿ" ಎಂದು ಕೆಲವು ಅಭಿಮಾನಿಗಳು ಸಕಾರಾತ್ಮಕವಾಗಿ ಕಮೆಂಟ್ ಮಾಡಿದ್ದಾರೆ. ಆದರೆ, ಇನ್ನು ಕೆಲವರು ನಕಾರಾತ್ಮಕವಾಗಿ ಮಾತನಾಡಿದ್ದಾರೆ. "ಗಾಯಂತ್ರಿ ಮಂತ್ರ ಪಠಣ ಸರಿಯಲ್ಲ" ಎಂಬುದಾಗಿ ಹೇಳಿದ್ದಾರೆ.
- " class="align-text-top noRightClick twitterSection" data="
">
ಜೊತೆಗೆ ಇನ್ನೊಂದು ವಿಡಿಯೋವನ್ನು ಅಕ್ಷಯ್ ಕುಮಾರ್ ಹಂಚಿಕೊಂಡಿದ್ದು, ಅದರಲ್ಲಿ ನಟನ ಸ್ಟಂಟ್ ಪ್ರದರ್ಶನ ಕಾಣಬಹುದಾಗಿದೆ. ಅದಕ್ಕೆ ನಟ ಕ್ಯಾಪ್ಶನ್ ಬರೆದುಕೊಂಡಿದ್ದು, ಪ್ರೀತಿ, ಬೆಂಬಲ ಮತ್ತು ಉತ್ಸಾಹಭರಿತ ಶಕ್ತಿಗಾಗಿ ಅಟ್ಲಾಂಟಾಗೆ ಧನ್ಯವಾದ ಹೇಳಿದ್ದಾರೆ. ಈ ಮಧ್ಯೆ ಸಾಮಾಜಿಕ ಜಾಲತಾಣಗಳಲ್ಲಿ ಪಾಪಾರಾಜಿಗಳು ನಟನ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದಾರೆ.
ಅಕ್ಷಯ್ ಕುಮಾರ್ ಮತ್ತು ನೋರಾ ಫತೇಹಿ ಜೊತೆಯಾಗಿ ಡ್ಯಾನ್ಸ್ ಮಾಡುತ್ತಿರುವ ದೃಶ್ಯ ಅದಾಗಿದೆ. ನೋರಾ ಮಿನುಗುವ ಕೆಂಪು ಡ್ರೆಸ್ ಅನ್ನು ಧರಿಸಿದ್ದು, ಅಕ್ಷಯ್ ಕೆಂಪು ಬಣ್ಣದ ಲೆಹಂಗಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಮೆರಿಕದಲ್ಲಿ ಅಕ್ಷಯ್ ಕುಮಾರ್ ಮೊದಲ ಶೋ ಪ್ರೇಕ್ಷಕರನ್ನು ರೋಮಾಂಚನಗೊಳಿಸಿತು.
ಇದನ್ನೂ ಓದಿ: ಸ್ಯಾಂಡಲ್ವುಡ್ಗೆ ದೊಡ್ಮನೆಯ ಮತ್ತೋರ್ವ ಪ್ರತಿಭೆ ಎಂಟ್ರಿ: ಯುವ ರಾಜ್ಕುಮಾರ್ ಚೊಚ್ಚಲ ಚಿತ್ರದ ಟೈಟಲ್ ಅನಾವರಣ
ಅಕ್ಷಯ್ ಕುಮಾರ್ ಸೆಲ್ಫೀ ಚಿತ್ರ ಫ್ಲಾಪ್: ಅಕ್ಷಯ್ ಕುಮಾರ್ ಬಾಲಿವುಡ್ ಅಂಗಳದ ಸೂಪರ್ ಸ್ಟಾರ್ ಆಗಿದ್ದಾರೆ. ಆದರೆ, ಅವರ ಸೆಲ್ಫಿ ಸಿನಿಮಾವು ಫುಲ್ ಫ್ಲಾಪ್ ಆಗಿದೆ. ಅಕ್ಷಯ್ ಅವರ ವೃತ್ತಿಜೀವನದ ಬಹುದೊಡ್ಡ ಫ್ಲಾಪ್ ಎಂಬ ಕುಖ್ಯಾತಿಗೆ ಸೆಲ್ಫಿ ಸಿನಿಮಾ ಒಳಗಾಗಿದೆ. 2023 ರಲ್ಲಿ ಗೆಲುವಿಗಾಗಿ ಹಂಬಲಿಸಿದ್ದ ಅಕ್ಷಯ್ ಸಿನಿಮಾವು ಹೀನಾಯವಾಗಿ ಸೋಲು ಕಂಡಿದೆ. ಬಾಲಿವುಡ್ ಸ್ಟಾರ್ ಕಲಾವಿದರು ಈ ಚಿತ್ರದಲ್ಲಿ ಅಭಿನಯಿಸಿದ್ದರೂ ಜನರಿಗೆ ಈ ಸಿನಿಮಾ ಹಿಡಿಸಿಲ್ಲ. ಹೀಗಾಗಿ ಮುಂದಿನ ಸಿನಿಮಾಗೆ ಓಕೆ ಹೇಳುವ ಮೊದಲು ಅಕ್ಷಯ್ ಸಾಕಷ್ಟು ವಿಚಾರ ಮಾಡಬೇಕಿದೆ.
