ದಕ್ಷಿಣ ಭಾರತ ಚಿತ್ರರಂಗದ ಸೂಪರ್ ಸ್ಟಾರ್ ಪ್ರಭಾಸ್ ಮತ್ತು ಹಿಂದಿ ಚಿತ್ರರಂಗದ ಬಹುಬೇಡಿಕೆ ನಟಿ ಕೃತಿ ಸನೋನ್ ಅಭಿನಯದ 'ಆದಿಪುರುಷ್' ಸಿನಿಮಾ ಕ್ರೇಜ್ ಚಿತ್ರ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. 2023ರ ಬಹುನಿರೀಕ್ಷಿತ ಸಿನಿಮಾದ ಬಿಡುಗಡೆ ದಿನಾಂಕ ಹತ್ತಿರವಾಗುತ್ತಿದ್ದಂತೆ, ಮೊದಲ ದಿನದ ಬಾಕ್ಸ್ ಆಫೀಸ್ ಕಲೆಕ್ಷನ್‌ಗಳ ಬಗ್ಗೆ ಚರ್ಚೆ ಜೋರಾಗುತ್ತಿದೆ.
ಕಳೆದ ವರ್ಷ ಅಕ್ಟೋಬರ್ 2ರಂದು ಈ ಪೌರಾಣಿಕ ಚಿತ್ರದ ಟೀಸರ್ ಅನ್ನು ಅನಾವರಣಗೊಳಿಸಲಾಗಿತ್ತು. ಗ್ರಾಫಿಕ್ಸ್ ಸೇರಿದಂತೆ ಕೆಲ ವಿಚಾರವಾಗಿ ಟೀಸರ್ ಭಾರೀ ಟ್ರೋಲ್ಗೊಳಗಾಗಿತ್ತು. ಆದ್ರೆ ಆ ಬಳಿಕ ಬಿಡುಗಡೆ ಅದ ಸಿನಿಮಾ ಪೋಸ್ಟರ್, ಟ್ರೇಲರ್ ಸಿನಿಪ್ರಿಯರಲ್ಲಿ ಚಿತ್ರದ ಬಗ್ಗೆ ಕುತೂಹಲ ಮೂಡುವಂತೆ ಮಾಡಿದೆ. ಅಲ್ಲದೇ ಚಿತ್ರತಂಡ ಕೈಗೊಳ್ಳುತ್ತಿರುವ ಪ್ರಚಾರ, ತಿರುಪತಿಯಲ್ಲಿ ನಡೆದ ಅದ್ಧೂರಿ ಕಾರ್ಯಕ್ರಮ ಪ್ರೇಕ್ಷಕರ ಗಮನ ಸೆಳೆದಿದೆ.
ಓಂ ರಾವುತ್ ನಿರ್ದೇಶನ ಈ ಸಿನಿಮಾ ಮಹಾಕಾವ್ಯ ರಾಮಾಯಣ ಆಧರಿಸಿರುವ ಹಿನ್ನೆಲೆ ಪ್ರೇಕ್ಷಕರ ನಿರೀಕ್ಷೆ ಹೆಚ್ಚೇ ಅಲ್ವಾ?. ಹೀಗೆ ಸಾಕಷ್ಟು ವಿಚಾರಗಳಿಂದ ಸದ್ದು ಮಾಡುತ್ತಿರುವ 'ಆದಿಪುರುಷ್' ಬಾಕ್ಸ್ ಆಫೀಸ್ ಕಲೆಕ್ಷನ್ ಸಂಖ್ಯೆ ಮೇಲೆ ಎಲ್ಲರ ಗಮನ ಕೇಂದ್ರೀಕೃತವಾಗಿದೆ. ಮೊದಲ ದಿನವೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಟಾಪ್ 10 ಭಾರತೀಯ ಸಿನಿಮಾ ಪಟ್ಟಿಗೆ 'ಆದಿಪುರುಷ್' ಪ್ರವೇಶಿಸುವ ಸಾಧ್ಯತೆಯಿದೆ.
ಬಾಹುಬಲಿ ಸರಣಿ ಚಿತ್ರಗಳ ನಂತರ 'ಆದಿಪುರುಷ್' ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಬಾಕ್ಸ್ ಆಫೀಸ್ ಕಿಂಗ್ ಆಗಿ ಮರಳುತ್ತಾರೆ ಎಂಬ ಕುತೂಹಲ ಚಿತ್ರರಂಗ ಮತ್ತು ಅಭಿಮಾನಿಗಳಲ್ಲಿದೆ. ಬಾಕ್ಸ್ ಆಫೀಸ್ ಕಲೆಕ್ಷನ್ ವಿಚಾರದಲ್ಲಿ ಟಾಪ್ 10 ಪಟ್ಟಿಯಿಂದ ನಟ ವಿಜಯ್ ಅವರ Beast ಸಿನಿಮಾವನ್ನು ಹಿಂದಿಕ್ಕುವ ಸಾಧ್ಯತೆಯಿದೆ.
ಆದಿಪುರುಷ್ ಮುಂಗಡ ಟಿಕೆಟ್ ಬುಕಿಂಗ್ ಟ್ರೆಂಡ್‌ಗಳು ಮತ್ತು ಅಭಿಷೇಕ್ ಅಗರ್ವಾಲ್, ರಣ್ಬೀರ್ ಕಪೂರ್, ರಾಮ್ ಚರಣ್ ಮತ್ತು ಅನನ್ಯಾ ಬಿರ್ಲಾ ಅವರಿಂದ ಉಚಿತ ಟಿಕೆಟ್ ವಿತರಣೆ ಆಗಿರುವ ಪ್ರಕ್ರಿಯೆ ಗಮನಿಸಿದರೆ, ಚಿತ್ರವು ಉತ್ತಮ ಆರಂಭಿಕ ಟಾಪ್ 10 ಸಿನಿಮಾಗಳ ಪಟ್ಟಿಯಲ್ಲಿ ಸ್ಥಾನ ಪಡೆಯುವುದು ಖಚಿತವಾಗಿದೆ. ಅಂದರೆ, 2022ರಲ್ಲಿ 49.30 ಕೋಟಿ ರೂಪಾಯಿಗಳೊಂದಿಗೆ ಬಾಕ್ಸ್ ಆಫೀಸ್ ಸಂಖ್ಯೆ ಆರಂಭಿಸಿದ್ದ ವಿಜಯ್ ಅವರ ಬೀಸ್ಟ್ ಈ ಟಾಪ್ 10 ಪಟ್ಟಿಯಿಂದ ಹೊರಗುಳಿಯಲಿದೆ ಎಂದು ಮಾತುಗಳು ಕೇಳಿಬರುತ್ತಿವೆ.
ಬಾಕ್ಸ್ ಆಫೀಸ್ ಕಲೆಕ್ಷನ್ - ಟಾಪ್ 10 ಪಟ್ಟಿ: ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿರುವ ಭಾರತೀಯ ಚಿತ್ರಗಳು ಮಾಹಿತಿ.
- ಆರ್ಆರ್ಆರ್: 134 ಕೋಟಿ ರೂ.
- ಬಾಹುಬಲಿ 2: 121 ಕೋಟಿ ರೂ.
- ಕೆಜಿಎಫ್ 2: 116 ಕೋಟಿ ರೂ.
- ಸಾಹೋ: 88 ಕೋಟಿ ರೂ.
- 2.0: 63 ಕೋಟಿ ರೂ.
- ಪಠಾಣ್: 57 ಕೋಟಿ ರೂ.
- ವಾರ್: 53.35 ಕೋಟಿ ರೂ.
- ಸೈ ರಾ ನರಸಿಂಹ ರೆಡ್ಡಿ: 52.50 ಕೋಟಿ ರೂ.
- ಥಗ್ಸ್ ಆಫ್ ಹಿಂದೂಸ್ತಾನ್: 52.25 ಕೋಟಿ ರೂ.
- ಬೀಸ್ಟ್: 49.30 ಕೋಟಿ ರೂ.
ಇದನ್ನೂ ಓದಿ: 'ನನ್ನ ದೇಹದ ಪ್ರತೀ ಜೀವಕೋಶವೂ ಇಂದಿರಾ ಗಾಂಧಿಯಾಗಿತ್ತು, ಮುಂದಿನ ಚಿತ್ರಕ್ಕೆ ತಯಾರಿ ಆರಂಭ': ಕಂಗನಾ
ಜೂನ್ 11 ರಂದು ಆದಿಪುರುಷ್ ಮುಂಗಡ ಟಿಕೆಟ್ ಬುಕಿಂಗ್ ಆರಂಭವಾಗಿದ್ದು, ಚಿತ್ರತಂಡದ ವಿಶ್ವಾಸ ಹೆಚ್ಚಿಸಿದೆ. ಮುಂಗಡ ಟಿಕೆಟ್ ಬುಕಿಂಗ್ ಆರಂಭವಾಗಿ, 24 ಗಂಟೆಯೊಳಗೆ 36 ಸಾವಿರ ಟಿಕೆಟ್ಗಳು ಮಾರಾಟವಾಗಿ ದಾಖಲೆ ಬರೆದಿದೆ. ಹಿಂದಿ ಭಾಷೆಯಲ್ಲಿ ಸಿನಿಮಾ ನೋಡಲು ಹೆಚ್ಚಿನ ಪ್ರೇಕ್ಷಕರು ಒಲವು ತೋರುತ್ತಿದ್ದಾರೆ. ಜೂನ್ 16ರಂದು ಜಗತ್ತಿನಾದ್ಯಂತ 3Dನಲ್ಲಿ ಸಿನಿಮಾ ತೆರೆಕಾಣಲಿದೆ.
ಇದನ್ನೂ ಓದಿ: Prabhu Deva ಮನೆಗೆ ಲಕ್ಷ್ಮಿ: 50ರ ಹರೆಯಲ್ಲಿ ತಂದೆಯಾದ 'ಇಂಡಿಯನ್ ಮೈಕಲ್ ಜಾಕ್ಸನ್'
