ಶಿವಮೊಗ್ಗ: ಹೋಟೆಲ್ ಮೇಲೆ ದಾಳಿ ನಡೆಸಿ ದಾಖಲೆ ಇಲ್ಲದ 1.30 ಲಕ್ಷ ರೂ.ಗಳನ್ನು ಪ್ಲೈಯಿಂಗ್ ಸ್ಕ್ವಾಡ್ ವಶಪಡಿಸಿಕೊಂಡ ಘಟನೆ ಸಾಗರದಲ್ಲಿ ಕಂಡುಬಂದಿದೆ.
ಸಾಗರ ಪಟ್ಟಣದ ಗ್ರೀನ್ ಎಂಬಸಿ ಹೋಟೆಲ್ನಲ್ಲಿ ಅಕ್ರಮ ಹಣ ಇದೆ ಎಂಬ ಖಚಿತ ಮಾಹಿತಿ ಮೇರೆಗೆ ಆವಿನಹಳ್ಳಿ ಹೋಬಳಿಯ ಪ್ಲೈಯಿಂಗ್ ಸ್ಕ್ವಾಡ್ ಸುರೇಶ್ ರವರ ತಂಡ ಹೋಟೆಲ್ ಮೇಲೆ ದಾಳಿ ನಡೆಸಿದಾಗ ಹೋಟೆಲ್ನ ಕ್ಯಾಶ್ ಟೇಬಲ್ ಬಳಿ ಇರುವ ಹಾವೇರಿ ಜಿಲ್ಲೆಯ ಶೇಷಗಿರಿ ಗ್ರಾಮದ ಶಶಿಧರ್ ಎಂಬುವರ ಬಳಿ ಹಣ ಸಿಕ್ಕಿದೆ.
ಇನ್ನು ಹಣದ ಬಗ್ಗೆ ವಿಚಾರಿಸಿದಾಗ ನನಗೆ ಗೊತ್ತಿಲ್ಲ, ಯಾರೋ ಬಂದು ಬಿಳಿ ಶರ್ಟ್ ಹಾಕಿ ಕೊಂಡವರು ಬರುತ್ತಾರೆ ಅವರಿಗೆ ಕೊಡಿ ಎಂದು ಹೇಳಿ ಕೊಟ್ಟು ಹೋದ್ರು ಎಂದು ತಿಳಿಸಿದ್ದಾನೆ. ಶಶಿಧರ್ ಬಳಿ 2,000 ಮುಖ ಬೆಲೆಯ 5 ನೋಟು, 500 ಮುಖ ಬೆಲೆಯ 240 ನೋಟು ಪತ್ತೆಯಾಗಿದೆ. ಈ ಹಣವನ್ನು ಸ್ಕ್ವಾಡ್ನವರು ವಶಪಡಿಸಿಕೊಂಡಿದ್ದು, ತನಿಖೆಗೆ ಒಳಪಡಿಸಿದ್ದಾರೆ.
ಈ ಕುರಿತು ಸಾಗರ ಟೌನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
