ಮೈಸೂರು: ಅಮಾಯಕ ವಿಧವೆಯರನ್ನ ಶಾದಿ ಡಾಟ್ ಕಾಂ ನಲ್ಲಿ ಪರಿಚಯಿಸಿಕೊಂಡು ಮದುವೆಯಾಗುವುದಾಗಿ ನಂಬಿಸಿ, ಅವರಿಂದ ಚಿನ್ನಾಭರಣ, ನಗದು ದೋಚುತ್ತಿದ್ದ ಖದೀಮನನ್ನು ಪೊಲೀಸರು ಹೆಡೆಮುರಿ ಕಟ್ಟಿದ್ದಾರೆ.
ತಮಿಳುನಾಡಿನ ಕೊಯಿಬತ್ತೂರು ನಿವಾಸಿ ಯುವರಾಜ್ ಅಲಿಯಾಸ್ ವಿನಿತ್‌ರಾಜ್ (46) ಬಂಧಿತ ಆರೋಪಿ. ಮೈಸೂರಿನ ವಿಧವೆ ಮಹಿಳೆವೋರ್ವರಿಗೆ ವಿನಿತ್‌ರಾಜ್ ಫೋನ್ ಮಾಡಿ, ಪರಿಚಯ ಮಾಡಿಕೊಂಡಿದ್ದ. ಅವರಿಗೆ ಮದುವೆ ಭರವಸೆ ನೀಡಿದ್ದ. ಬಳಿಕ ಚಿನ್ನಾಭರಣ ದೋಚಿ ಪರಾರಿಯಾಗಿದ್ದ. ಅನುಮಾನಗೊಂಡ ಮಹಿಳೆ ಕೃಷ್ಣರಾಜ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.
ಈ ಕುರಿತು ತನಿಖೆ ಕೈಗೊಂಡ ಪೊಲೀಸರು ಆರೋಪಿಯನ್ನು ಬಂಧಿಸಿ, ಆತನಿಂದ 80 ಸಾವಿರ ರೂಪಾಯಿ ಚಿನ್ನದ ಸರ, ಒಂದು ಮೊಬೈಲ್, ಕಾರನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
