ಭಾರಿ​ ಆಫರ್: ತಾ ಮುಂದು,ನಾ ಮುಂದು ಎಂದು ಮುಗಿ ಬಿದ್ದ ದಾವಣಗೆರೆ ಮಂದಿ!

ದಾವಣಗೆರೆ ನಗರದ ಸಂಗೀತಾ ಮೊಬೈಲ್ ಶಾಪ್ ಗ್ರಾಹಕರಿಗೆ ಬಿಗ್​ ಆಫರ್​ ನೀಡಿದ್ದು, ಮೊಬೈಲ್​ ಕೊಳ್ಳಲು ಜನ ತಾ ಮುಂದು ನಾ ಮುಂದು ಎಂದು ಅಂಗಡಿಗೆ ಮುಗಿಬಿದ್ದಿದ್ದಾರೆ.

ದಾವಣಗೆರೆ: ಮೊಬೈಲ್ ನಮ್ಮ ಜೀವನದಲ್ಲಿ ಮಹತ್ವದ ಪಾತ್ರ ವಹಿಸುತ್ತಿದೆ. ಅದರಲ್ಲೂ ಯುವಕರಲ್ಲಂತೂ ಹೊಸ ಕ್ರೇಜ್ ಹುಟ್ಟು ಹಾಕಿದೆ. ಗ್ರಾಹಕರನ್ನು ತನ್ನತ್ತ ಸೆಳೆಯುವ ಹೊಸ ಹೊಸ ಯೋಜನೆಗಳನ್ನು ಮೊಬೈಲ್​ ಕಂಪನಿಗಳು ಮಾಡಲಾರಂಭಿಸಿದ್ದು, ನಗರದ ಸಂಗೀತಾ ಮೊಬೈಲ್ ಶಾಪ್ ಕೂಡ ಗ್ರಾಹಕರಿಗೆ ಬಿಗ್​ ಆಫರ್​ ಕೊಟ್ಟಿದೆ.

ದಾವಣಗೆರೆ ನಗರದ ಸಂಗೀತಾ ಮೊಬೈಲ್ ಶಾಪ್​ನಲ್ಲಿ 200 ರೂಪಾಯಿಗೆ ಒಪೆಲ್ ಕಂಪನಿಯ ಹೊಸ ಸೆಟ್ ನೀಡಲಾಗುತ್ತಿದೆ. ವಿಶೇಷ ಅಂದ್ರೆ, 100 ಮೊಬೈಲ್​ಗಳಿಗೆ ಮಾತ್ರ ಆಫರ್ ಸೀಮಿತಗೊಳಿಸಲಾಗಿದ್ದು, ವಿಷಯ ತಿಳಿಯುತ್ತಿದ್ದಂತೆ ಜನ ತಾ ಮುಂದು ನಾ ಮುಂದು ಎಂದು ಅಂಗಡಿಗೆ ಮುಗಿಬಿದ್ದಿದ್ದಾರೆ. ಸಾಲಿನಲ್ಲಿ ನಿಂತು ಮೊಬೈಲ್ ಕೊಳ್ಳಲು ವ್ಯವಸ್ಥೆ ಮಾಡಲಾಗಿದ್ದು, ಜನರನ್ನು ನಿಯಂತ್ರಿಸಲು ಪೊಲೀಸ್​ ಭದ್ರತೆ ಕೂಡ ಒದಗಿಸಲಾಗಿದೆ.

ಮೊಬೈಲ್​ ಪಡೆದುಕೊಂಡ ಕೆಲವರು ಸಂತಸ ವ್ಯಕ್ತಪಡಿಸಿದರೆ, ಇನ್ನೂ ಕೆಲವರು ಮೊಬೈಲ್ ಸಿಗದಿದ್ದಕ್ಕೆ ನಿರಾಸೆ ವ್ಯಕ್ತಪಡಿಸಿದರು.