ದಾವಣಗೆರೆ : ಕೊರೊನಾ ಅಟ್ಟಹಾಸದ ನಡುವೆ ಸಾರಿಗೆ ನೌಕರರು ಮುಷ್ಕರ ಕರೆದಿರುವುದು ಪ್ರಯಾಣಿಕರನ್ನು ಸಂಕಷ್ಟಕ್ಕೆ ಸಿಲುಕಿಸಿದೆ. ಹಾಗಾಗಿ, ಇಂದು ದಾವಣಗೆರೆ ವಿಭಾಗದ ಅಧಿಕಾರಿಗಳು ಸಾರಿಗೆ ನೌಕರರ ಮನವೊಲಿಸಿ ಇಂದು 30 ಬಸ್ಗಳನ್ನು ವಿವಿಧ ಊರುಗಳಿಗೆ ಸಂಚರಿಸುವಂತೆ ಮಾಡಿದರು.
ದಾವಣಗೆರೆ ವಿಭಾಗದಿಂದ ಇಂದು 30 ಬಸ್ಗಳು ಸಂಚರಿಸುತ್ತಿದೆ. ದಾವಣಗೆರೆ-ಹರಿಹರ, ದಾವಣಗೆರೆ-ಚಿತ್ರದುರ್ಗ, ದಾವಣಗೆರೆ-ರಾಣೆಬೆನ್ನೂರು ಹಾಗೂ ಹಾವೇರಿ, ದಾವಣಗೆರೆ, ಬೆಂಗಳೂರಿಗೆ ಬಸ್ಗಳನ್ನು ಬಿಟ್ಟಿದ್ದು, ಕೆಲಸಕ್ಕೆ ಹಾಜರ್ ಆಗುವಂತೆ ಸಾರಿಗೆ ನೌಕರರನ್ನು ಅಧಿಕಾರಿಗಳು ಮನವೊಲಿಸಿದರು.
ಇನ್ನು, ಇಂದು ಒಮ್ಮೆಲೇ 30 ಬಸ್ಗಳನ್ನು ಬಿಟ್ಟಿದ್ದರಿಂದ ಖಾಸಗಿ ಬಸ್ ಮಾಲೀಕರು ಹಾಗೂ ಚಾಲಕ ನಿರ್ವಹಕರು ಸಾರಿಗೆ ಅಧಿಕಾರಿಗಳ ವಿರುದ್ಧ ಕೆಎಸ್ಆರ್ಟಿಸಿ ಬಸ್ ನಿಲ್ದಾಣದಲ್ಲಿ ವಾಗ್ವಾದಕ್ಕಿಳಿದ್ರು. ಆದ್ರೂ ಕೂಡ ಕೆಎಸ್ಆರ್ಟಿಸಿಯಿಂದ ಮೂವತ್ತು ಬಸ್ ಬಿಡಲಾಯಿತು.
ಇದನ್ನೂ ಓದಿ:ನಮ್ಮ ಮನೆ ಸುಟ್ಟು, ಬೇರೆಯವರ ಮನೆ ಬೆಳಗಿಸುತ್ತಿದ್ದೀರಾ?: ಸರ್ಕಾರಕ್ಕೆ ಖಂಡ್ರೆ ಪ್ರಶ್ನೆ
