ಕೊರೊನಾ ರಣಕೇಕೆ..ರಾಜ್ಯದಲ್ಲಿಂದು 47,563 ಮಂದಿಗೆ ಸೋಂಕು ; 482 ಸೋಂಕಿತರು ಬಲಿ

47,563 ಮಂದಿಗೆ ಇಂದು ಕೊರೊನಾ ಸೋಂಕು ದೃಢಪಟ್ಟಿದ್ದು, ಕೋವಿಡ್​ಗೆ 482 ಸೋಂಕಿತರು ಮೃತರಾಗಿದ್ದಾರೆ. ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 18,86,448 ಕ್ಕೆ ಏರಿಕೆ ಆಗಿದೆ.

ಬೆಂಗಳೂರು: ಕರ್ನಾಟಕದಲ್ಲಿಂದು 47,563 ಮಂದಿಗೆ ಕೋವಿಡ್ ಸೋಂಕು ದೃಢಪಟ್ಟಿದೆ. ಈ ಮೂಲಕ ಸೋಂಕಿತರ ಸಂಖ್ಯೆ 18,86,448 ಕ್ಕೆ ಏರಿಕೆ ಆಗಿದೆ.

ಇನ್ನು 34,881 ಮಂದಿ ಗುಣಮುಖರಾಗಿದ್ದು, ಈವರೆಗೆ 13,19,301 ಮಂದಿ ಡಿಸ್ಜಾರ್ಜ್ ಆಗಿದ್ದಾರೆ. ಸದ್ಯ ಸಕ್ರಿಯ ಪ್ರಕರಣಗಳು 5,48,841ಕ್ಕೆ ಏರಿದೆ. ರಾಜ್ಯದಲ್ಲಿ ಸೋಂಕಿತರ ಪ್ರಕರಣಗಳ ಶೇಕಡಾವಾರು 30.28 ರಷ್ಟು ಇದ್ದು, ಸಾವಿನ‌ ಶೇಕಡವಾರು ಪ್ರಮಾಣ 1.01 ರಷ್ಟು‌ ಇದೆ.‌ ಕೋವಿಡ್​ಗೆ 482 ಸೋಂಕಿತರು ಮೃತರಾಗಿದ್ದು, ಒಟ್ಟು ಸಾವಿನ ಸಂಖ್ಯೆ 18,286ಕ್ಕೆ ಏರಿದೆ.

ಬೆಂಗಳೂರು ನಗರದಲ್ಲಿ ಕೋವಿಡ್ ಮತ್ತೆ 285 ಜನರನ್ನು ಬಲಿತೆಗೆದುಕೊಂಡಿದೆ. ಏಕಾಏಕಿ ಸಾವಿನ ಪ್ರಮಾಣದಲ್ಲಿ ನಿನ್ನೆಯಿಂದ ಏರಿಕೆ ಕಂಡಿದೆ. ನಿನ್ನೆ ದಾಖಲೆಯ 346 ಮಂದಿ ಕೋವಿಡ್​ನಿಂದ ಮೃತಪಟ್ಟಿದ್ದರು.‌ ಇಂದು 285 ಮಂದಿ ಮೃತಪಟ್ಟಿದ್ದು, ಸಾವಿನ ಒಟ್ಟು ಸಂಖ್ಯೆ 7,776 ಕ್ಕೆ ಏರಿಕೆಯಾಗಿದೆ. 21,534 ಜನರಿಗೆ ಸೋಂಕು ದೃಢಪಟ್ಟಿದ್ದು, 18,473 ಮಂದಿ ಗುಣಮುಖರಾಗಿದ್ದಾರೆ.‌ ಸಕ್ರಿಯ ಪ್ರಕರಣಗಳ ಸಂಖ್ಯೆ 3,44,754 ಕ್ಕೆ ಏರಿಕೆಯಾಗಿದೆ. ಒಟ್ಟು ಸೋಂಕಿತರ ಸಂಖ್ಯೆ 9,29,996 ಕ್ಕೆ ಏರಿಕೆ ಕಂಡಿದೆ.