ಶೌಚಾಲಯಕ್ಕೆಂದು ಹೇಳಿ ಹೋದ ಬಾಲಕ ಕಾಣೆ

ಶೌಚಾಲಯಕ್ಕೆಂದು ಹೇಳಿ ಮನೆಯಿಂದ ಹೋಗಿದ್ದ ಬಾಲಕ 10 ದಿ‌ನ ಕಳೆದರೂ ಮನೆಗೆ ಬಂದಿಲ್ಲ. ಟಿಳಕವಾಡಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಬೆಳಗಾವಿ: ಶೌಚಾಲಯಕ್ಕೆಂದು ಹೇಳಿ ಮನೆಯಿಂದ ಹೋಗಿದ್ದ ಬಾಲಕ ಕಾಣೆ ಆಗಿರುವ ಘಟನೆ ನಗರದ ಅನಗೋಳದ ಬಾಳೇಕುಂದ್ರಿ ಚಾಳ್​​ನಲ್ಲಿ ನಡೆದಿದೆ.

ಸುಮೀತ್ ಕೇಶವ್ ಜಾಂಗಳೆ (14) ಕಾಣೆಯಾದ ಬಾಲಕ. ಅನಗೋಳದ ಬಾಳೆಕುಂದ್ರಿಚಾಳ್​ನ ಕೊರವಿ ಗಲ್ಲಿಯಲ್ಲಿರುವ ತಮ್ಮ ಮನೆಯಿಂದ ಆಗಸ್ಟ್ 19 ರಂದು ಶೌಚಾಲಯಕ್ಕೆ ಹೋಗಿ ಬರುವುದಾಗಿ ಹೇಳಿ ಬಾಲಕ ಹೋಗಿದ್ದಾನೆ. ಆದರೆ 10 ದಿ‌ನ ಕಳೆದರೂ ಬಾಲಕ ಇನ್ನೂ ಮನೆಗೆ ಮರಳಿಲ್ಲ.

ಆತಂಕಗೊಂಡಿರುವ ಪೋಷಕರು ಟಿಳಕವಾಡಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.