ನವದೆಹಲಿ: ಜಾಗತಿಕ ದರಗಳಲ್ಲಿನ ಇಳಿಕೆಯೊಂದಿಗೆ ಭಾರತೀಯ ಚಿನಿವಾರ ಪೇಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ಈ ವಾರ ದುರ್ಬಲವಾಗಿ ಕೊನೆಗೊಂಡಿವೆ.
ಮಲ್ಟಿ ಕಮೋಡಿಟಿ ಎಕ್ಸ್ ಚೇಂಜ್ನಲ್ಲಿ (ಎಂಸಿಎಕ್ಸ್) ಅಕ್ಟೋಬರ್ ಚಿನ್ನದ ಫ್ಯೂಚರ್ ದರ ಶುಕ್ರವಾರ 10 ಗ್ರಾಂ. ಮೇಲೆ ಶೇ 0,3ರಷ್ಟು ಕುಸಿದು 52,001 ರೂ.ಗೆ ತಲುಪಿತು. ಸೆಪ್ಟೆಂಬರ್ ಬೆಳ್ಳಿ ಫ್ಯೂಚರ್ ಪ್ರತಿ ಕೆಜಿ ಮೇಲೆ ಶೇ 1ರಷ್ಟು ಇಳಿಕೆಯಾಗಿ 66,954 ರೂ.ಗೆ ಇಳಿದಿದೆ.
ವಾರದಿಂದ ವಾರಕ್ಕೆ ಹೋಲಿಸಿದರೆ ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ಸಮತಟ್ಟಾಗಿದ್ದವು. ಆದರೆ, ಆಗಸ್ಟ್ 7 ರಿಂದ ಗರಿಷ್ಠ 56,200 ರೂ.ರವರೆಗೆ ಏರಿಕೆ ಆಗಿದ್ದ ಚಿನ್ನವು ಈ ವಾರದ ಅಂತ್ಯದ ವೇಳೆಗೆ 4,000 ರೂ.ಯಷ್ಟು ಕಡಿಮೆಯಾಗಿದೆ.
ಜಾಗತಿಕ ಮಾರುಕಟ್ಟೆಗಳಲ್ಲಿ ಡಾಲರ್ ಮೌಲ್ಯದ ಮರು ಚೇತರಿಕೆ ಮತ್ತು ಅಮೆರಿಕ ವ್ಯವಹಾರ ಚಟುವಟಿಕೆಯಲ್ಲಿ ಕಂಡು ಬಂದು ಚೈತನ್ಯ ಈ ವಾರ ಚಿನ್ನದ ಬೇಡಿಕೆ ಸ್ವಲ್ಪಮಟ್ಟಿಗೆ ತಗ್ಗಿದೆ ಎನ್ನಲಾಗುತ್ತಿದೆ. ಅನೇಕ ವಿಶ್ಲೇಷಕರು ಚಿನ್ನದ ಬೆಲೆಯಲ್ಲಿ ದೀರ್ಘಾವಧಿಯ ಏರಿಕೆ ಇನ್ನೂ ಹಾಗೇ ಇದೆ ಎಂದು ಭಾವಿಸಿದ್ದಾರೆ.
ಅಮೆರಿಕ ಮಾರುಕಟ್ಟೆಯಲ್ಲಿ ಸ್ಪಾಟ್ ಚಿನ್ನವು ಔನ್ಸ್‌ಗೆ 1,942 ಡಾಲರ್ಗೆ ಇಳಿದಿದೆ. ಆರ್ಥಿಕ ಉತ್ತೇಜಕ ಪ್ಯಾಕೇಜ್ ಒಪ್ಪಂದದ ವಿಳಂಬ, ಅಮೆರಿಕ ಡಾಲರ್ ಮತ್ತು ನೈಜ ದರಗಳ ಬೆಲೆಗಳ ಅನಿಶ್ಚಿತತೆಯಿಂದಾಗಿ ವಾರದ ಆರಂಭದಲ್ಲಿ ಔನ್ಸ್ ಚಿನ್ನವು 2,000 ಡಾಲರ್ ಮೇಲೆ ಮಾರಾಟ ಆಗುತ್ತಿತ್ತು.
ಶುಕ್ರವಾರದ ವಹಿವಾಟಿನಂದು ನಾಸ್ಡಾಕ್ ಮತ್ತು ಎಸ್ & ಪಿ 500 ದಾಖಲೆಯ ಗರಿಷ್ಠ ಮಟ್ಟ ತಲುಪಿತ್ತು. ಎಂಟು ವಾರಗಳ ಇಳಿಕೆಯ ಹಾದಿಯಲ್ಲಿದ್ದ ಯುಎಸ್ ಡಾಲರ್, ವ್ಯವಹಾರ ಚಟುವಟಿಕೆ ಮತ್ತು ಹೌಸಿಂಗ್ ಮಾರಾಟದ ಏರಿಕೆ ಬೆಂಬಲದಿಂದ ಏರಿಕೆಯತ್ತ ಹೊರಳಿದೆ. ಈ ಎಲ್ಲ ಕಾರಣಗಳಿಂದ ಚಿನ್ನದ ಬೆಲೆಯಲ್ಲಿ ಭಾರಿ ಇಳಿಕೆ ಕಂಡು ಬಂದಿದೆ.
