ನವದೆಹಲಿ: ಕೊರೊನಾ ವೈರಸ್ ಸಾಂಕ್ರಾಮಿಕ ರೋಗದಿಂದಾಗಿ 2020ರಲ್ಲಿ ಭಾರತದ ಆರ್ಥಿಕತೆಯು ಶೇ 9.6ರಷ್ಟು ಕುಗ್ಗಿದೆ ಎಂದು ಅಂದಾಜಿಸಲಾಗಿದೆ.
ಕೋವಿಡ್-19 ಬಿಕ್ಕಟ್ಟು ಅಭಿವೃದ್ಧಿ ಹೊಂದುತ್ತಿರುವ ದೇಶಗಳಲ್ಲಿನ ಕಾರ್ಮಿಕ ಮಾರುಕಟ್ಟೆಗಳು ತೀವ್ರ ಹಾನಿಗೊಳಗಾಗಿವೆ. ಭಾರತದಲ್ಲಿ 2020ರ ಮಧ್ಯಭಾಗದಲ್ಲಿ ನಿರುದ್ಯೋಗ ದರ ದಾಖಲೆಯ ಗರಿಷ್ಠ ಶೇ 23ಕ್ಕೆ ಏರಿಕೆಯಾಗಿತ್ತು ಎಂದು ಜಾಗತಿಕ ಆರ್ಥಿಕ ಸ್ಥಿತಿ ಮತ್ತು ಮುನ್ನೋಟ 2021ರ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಸಾಂಕ್ರಾಮಿಕ ರೋಗವು ಅಭಿವೃದ್ಧಿ ಹೊಂದಿದ ಮತ್ತು ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳಲ್ಲಿನ ಸೇವಾ ಕ್ಷೇತ್ರದಲ್ಲಿನ ಕಾರ್ಮಿಕರ ಮೇಲೆ ತೀವ್ರ ಪರಿಣಾಮ ಬೀರಿದೆ. ವಾಣಿಜ್ಯ ವಾಯುಯಾನ, ಪ್ರವಾಸೋದ್ಯಮ, ಕ್ಯಾಟರಿಂಗ್, ವಿಶ್ರಾಂತಿ, ಪರ್ಸನಲ್ ಕೇರ್, ಚಿಲ್ಲರೆ ಕೈಗಾರಿಕೆಗಳು, ಉತ್ಪಾದನೆ, ವ್ಯಾಪಾರ ಮತ್ತು ಸಾರಿಗೆಯಂತಹ ಕ್ಷೇತ್ರಗಳು ಕನಿಷ್ಠ ಪ್ರಮಾಣದಲ್ಲಿ ಕಡಿಮೆ ನುರಿತ ಕೆಲಸಗಾರರನ್ನು ನೇಮಿಸಿಕೊಳ್ಳುತ್ತದೆ. ಇದು ಅತಿದೊಡ್ಡ ಉದ್ಯೋಗ ನಷ್ಟ ಎದುರಿಸುತ್ತಿದೆ ಎಂದು ಹೇಳಿದೆ.
ಇದನ್ನೂ ಓದಿ: ಹಳೇ ವಾಹನಗಳಿಗೆ ಹಸಿರು ತೆರಿಗೆ ವಿಧಿಸಲು ಕೇಂದ್ರ ಸಜ್ಜು: ಯಾವೆಲ್ಲಾ ವೈಹಿಕಲ್ಸ್ಗೆ ಎಷ್ಟು ಟ್ಯಾಕ್ಸ್?
ಈ ವಲಯಗಳಲ್ಲಿನ ಅನೇಕ ಉದ್ಯೋಗಗಳನ್ನು ವರ್ಕ್ ಫ್ರಮ್ ಹೋಮ್ನಿಂದ ನಿರ್ವಹಿಸಲು ಸಾಧ್ಯವಿಲ್ಲ. ಮಹಿಳಾ ಕಾರ್ಮಿಕ ಬಲದ ಮೇಲೂ ಸಹ ಪ್ರತಿಕೂಲ ಪರಿಣಾಮ ಬೀರಿದೆ. ಆ ಕ್ಷೇತ್ರಗಳಲ್ಲಿ ಶೇ 50ಕ್ಕಿಂತ ಹೆಚ್ಚು ಕಾರ್ಮಿಕರು ಮಹಿಳೆಯರಿದ್ದಾರೆ. ಈ ಕ್ಷೇತ್ರಗಳು ಹೆಚ್ಚಾಗಿ ಮಹಿಳೆಯರು, ಯುವಕರು, ವಲಸೆ ಕಾರ್ಮಿಕರು ಮತ್ತು ಗ್ರಾಮೀಣ ಜನರಿಗೆ ಕೆಲಸದ ಆಶ್ರಯ ನೀಡಿವೆ ಎಂದಿದೆ.
ವಿಶ್ವಸಂಸ್ಥೆಯ ಆರ್ಥಿಕ ಮತ್ತು ಸಾಮಾಜಿಕ ವ್ಯವಹಾರಗಳ ಇಲಾಖೆ (ಯುಎನ್ಡಿಇಎಸ್ಎ) ಬಿಡುಗಡೆ ಮಾಡಿದ ಪ್ರಕಾರ, 2021ರಲ್ಲಿ ಭಾರತದ ಆರ್ಥಿಕತೆಯು ಶೇ 7.3ಕ್ಕೆ ಏರಿಕೆಯಾಗುವ ನಿರೀಕ್ಷೆಯಿದೆ. 2022 ರಲ್ಲಿ ಬೆಳವಣಿಗೆಯ ದರವು ಈ ವರ್ಷದ ಯೋಜಿತ ಮಟ್ಟದಿಂದ ಶೇ 5.9ಕ್ಕೆ ಇಳಿಯುವ ಸಾಧ್ಯತೆಯಿದೆ.
