ನವದೆಹಲಿ: ಭಾರತ ಮತ್ತು ಫ್ರಾನ್ಸ್‌ನ ಬಾಹ್ಯಾಕಾಶ ಏಜೆನ್ಸಿಗಳು ಭಾರತದ ಮಹತ್ವಾಕಾಂಕ್ಷೆಯ ಪ್ರಥಮ ಮಾನವಸಹಿತ ಬಾಹ್ಯಾಕಾಶ ಗಗನಯಾ ಮಿಷನ್ ಸಹಕಾರಕ್ಕಾಗಿ ಒಪ್ಪಂದಕ್ಕೆ ಸಹಿ ಹಾಕಿದವು.
ಭಾರತೀಯ ವಿಮಾನ ವೈದ್ಯರಿಗೆ ಫ್ರೆಂಚ್ ಸೌಲಭ್ಯಗಳಲ್ಲಿ ತರಬೇತಿ ನೀಡಲು ಅನುವು ಮಾಡಿಕೊಡುತ್ತದೆ. ಫ್ರೆಂಚ್ ಬಾಹ್ಯಾಕಾಶ ಸಂಸ್ಥೆ ಸಿಎನ್‌ಇಎಸ್ ಒಪ್ಪಂದದ ಪ್ರಕಾರ, ಅದು ಅಭಿವೃದ್ಧಿಪಡಿಸಿದ, ಪರೀಕ್ಷಿಸಿದ ಮತ್ತು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ (ಐಎಸ್‌ಎಸ್) ಕಾರ್ಯನಿರ್ವಹಿಸುತ್ತಿರುವ ಉಪಕರಣಗಳನ್ನು ಭಾರತೀಯ ಸಿಬ್ಬಂದಿಗೆ ಲಭ್ಯವಾಗಲಿವೆ.
ಆಘಾತ ಮತ್ತು ವಿಕಿರಣಗಳಿಂದ ಉಪಕರಣ ರಕ್ಷಿಸಲು ಸಿಎನ್‌ಇಎಸ್ ಫ್ರಾನ್ಸ್‌ನಲ್ಲಿ ತಯಾರಿಸಿದ ಅಗ್ನಿ ನಿರೋಧಕ ಕ್ಯಾರಿ ಬ್ಯಾಗ್‌ಗಳನ್ನು ಸಹ ಪೂರೈಸಲಿದೆ. ಫ್ರೆಂಚ್ ವಿದೇಶಾಂಗ ವ್ಯವಹಾರಗಳ ಸಚಿವ ಜೀನ್ - ಯ್ವೆಸ್ ಲೆ ಡ್ರಿಯಾನ್ ಅವರು ಬೆಂಗಳೂರಿನಲ್ಲಿ ಇರುವ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ (ಇಸ್ರೋ) ಪ್ರಧಾನ ಕಚೇರಿಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಈ ಒಪ್ಪಂದ ಘೋಷಿಸಿದರು.
ಗಗನಯಾನ ಮಿಷನ್ಗೆ ನೆರವಾಗಲು ಮತ್ತು ಈ ಡೊಮೇನ್‌ನಲ್ಲಿ ತನ್ನ ಏಕೈಕ ಯುರೋಪಿಯನ್ ಸಂಪರ್ಕವಾಗಿ ಕಾರ್ಯನಿರ್ವಹಿಸಲು ಇಸ್ರೋ ಸಿಎನ್‌ಇಎಸ್ ಅನ್ನು ಕೇಳಿದೆ ಎಂದು ಫ್ರೆಂಚ್ ಬಾಹ್ಯಾಕಾಶ ಸಂಸ್ಥೆ ತಿಳಿಸಿದೆ.
ಒಪ್ಪಂದದ ನಿಯಮಗಳ ಪ್ರಕಾರ, ಸಿಎನ್‌ಇಎಸ್ ಫ್ರಾನ್ಸ್‌ನ ಫ್ಲೈಟ್ ವೈದ್ಯರಿಗೆ ಮತ್ತು ಕ್ಯಾಪ್ಕಾಮ್ ಮಿಷನ್ ಕಂಟ್ರೋಲ್ ತಂಡಗಳಿಗೆ ಕ್ಯಾಡ್‌ಮೋಸ್ ಕೇಂದ್ರದಲ್ಲಿ ಮೈಕ್ರೊಗ್ರಾವಿಟಿ ಅಪ್ಲಿಕೇಷನ್‌ ಮತ್ತು ಬಾಹ್ಯಾಕಾಶ ಕಾರ್ಯಾಚರಣೆಗಳ ಅಭಿವೃದ್ಧಿಗೆ ಟೌಲೌಸ್‌ನ ಸಿಎನ್‌ಇಎಸ್ ಮತ್ತು ಕಲೋನ್‌ನಲ್ಲಿ ಇರುವ ಯುರೋಪಿಯನ್ ಗಗನಯಾತ್ರಿ ಕೇಂದ್ರದಲ್ಲಿ (ಇಎಸಿ) ತರಬೇತಿ ನೀಡಲಿದೆ ಎಂದು ಸಿಎನ್‌ಇಎಸ್ ಹೇಳಿದೆ.
ಗಗನಯಾತ್ರಿಗಳ ತರಬೇತಿ ಮಾನವ ಬಾಹ್ಯಾಕಾಶ ಮಿಷನ್ ಯೋಜನೆಯ ನಿರ್ಣಾಯಕ ಅಂಶವಾಗಿದೆ. ಹಾರಾಟದ ಮೊದಲು, ನಂತರ ಮತ್ತು ಮರಳಿದ ಬಳಿಕ ಗಗನಯಾತ್ರಿಗಳ ಆರೋಗ್ಯ ಪ್ರಮುಖವಾಗಿದೆ. ಪ್ರಸ್ತುತ, ಎಲ್ಲ ಬಾಹ್ಯಾಕಾಶ ವೈದ್ಯರು ಭಾರತೀಯ ವಾಯುಪಡೆಯಿಂದ ಬಂದವರು. ಬಾಹ್ಯಾಕಾಶ ಔಷಧಕ್ಕೆ ಫ್ರಾನ್ಸ್ ಅತ್ಯುತ್ತಮ ಕಾರ್ಯವಿಧಾನ ಹೊಂದಿದೆ. ಇದು ಸಿಎನ್‌ಇಎಸ್‌ನ ಅಂಗಸಂಸ್ಥೆಯಾದ ಮೆಡೆಸ್ ಬಾಹ್ಯಾಕಾಶ ಚಿಕಿತ್ಸಾಲಯವನ್ನೂ ಸಹ ಹೊಂದಿದೆ, ಅಲ್ಲಿ ಬಾಹ್ಯಾಕಾಶ ಶಸ್ತ್ರಚಿಕಿತ್ಸಕರು ತರಬೇತಿ ಪಡೆಯಲಿದ್ದಾರೆ.
ಉದ್ದೇಶಿತ ಒಪ್ಪಂದದ ಕಾರ್ಯಗಳು, ಆಹಾರ ಪ್ಯಾಕೇಜಿಂಗ್ ಮತ್ತು ಪೌಷ್ಠಿಕಾಂಶದ ಪ್ರೋಗ್ರಾಂ ಬಗ್ಗೆ ಮಾಹಿತಿ ವಿನಿಮಯ. ಎಲ್ಲದಕ್ಕಿಂತ ಹೆಚ್ಚಾಗಿ, ಭಾರತೀಯ ಗಗನಯಾತ್ರಿಗಳು ಫ್ರೆಂಚ್ ಉಪಕರಣಗಳು, ಉಪಭೋಗ್ಯ ಮತ್ತು ವೈದ್ಯಕೀಯ ಉಪಕರಣಗಳ ಬಳಕೆಯನ್ನು ವೈಜ್ಞಾನಿಕ ಪ್ರಯೋಗ ಯೋಜನೆಯ ಅನುಷ್ಠಾನಕ್ಕೆ ಈ ಒಪ್ಪಂದವು ಸಿಎನ್‌ಇಎಸ್‌ಗೆ ಒದಗಿಸುತ್ತದೆ.
