ದೇಶದ ಆರ್ಥಿಕತೆ ಆಮೆಗತಿಯಲ್ಲಿ ಸಾಗುತ್ತಿದೆ: ಹಣಕಾಸು ಸಚಿವಾಲಯ

ಕೇಂದ್ರಿಯ ಸಾಂಖ್ಯಿಕ ಕಚೇರಿ (ಸಿಎಸ್ ಒ) 3ನೇ ತ್ರೈಮಾಸಿಕದ ರಾಷ್ಟ್ರೀಯ ದತ್ತಾಂಶಗಳನ್ನು ಬಿಡುಗಡೆ ಮಾಡಿದೆ. ಫೆಬ್ರವರಿ ತಿಂಗಳ ಪರಿಷ್ಕೃತ ದತ್ತಾಂಶದ ಪ್ರಕಾರ 2018-19ರ ಸಾಲಿನ ಆರ್ಥಿಕ ಬೆಳವಣಿಗೆ ಶೇ 7.2ರಿಂದ ಶೇ 7ರ ಪ್ರಮಾಣದಲ್ಲಿ ಸಾಗುತ್ತಿದೆ.

ನವದೆಹಲಿ: ಜಾಗತಿಕ ಮಟ್ಟದಲ್ಲಿ ಎಮರ್ಜಿಂಗ್​ ಮಾರುಕಟ್ಟೆ ಎಂದು ಹೆಸರು ಪಡೆಯುತ್ತಿರುವ ಭಾರತದ ಆರ್ಥಿಕತೆ ಪ್ರಸ್ತುತ 'ನಿಧಾನಗತಿಯಲ್ಲಿ ಸಾಗುತ್ತಿದೆ' ಎಂಬುದನ್ನು ಸ್ವತಃ ಹಣಕಾಸು ಸಚಿವಾಲಯ ಒಪ್ಪಿಕೊಂಡಿದೆ.

ನಿಶ್ಚಿತ ಹೂಡಿಕೆಯಲ್ಲಿ ತೀವ್ರ ಏರಿಕೆ, ಕ್ಷೀಣಿಸುತ್ತಿರುವ ಖಾಸಗಿ ಗ್ರಾಹಕರ ಬಳಕೆಯ ಪ್ರಮಾಣ ಹಾಗೂ ರಫ್ತಿನ ಇಳಿಕೆ ಸೇರಿದಂತೆ ಇತರ ದೇಶಿ ಕಾರಣಗಳಿಂದ 2018-19ನೇ ಸಾಲಿನ ಆರ್ಥಿಕತೆ ಆಮೆ ವೇಗದಲ್ಲಿ ಸಾಗುತ್ತಿದೆ ಎಂದು ವರದಿ ತಿಳಿಸಿದೆ.