ನವದೆಹಲಿ: ಷೇರು ನಿಯಂತ್ರಕ ಸೆಬಿಯು ತನ್ನ ಸೆಕ್ಯುರಿಟೀಸ್ ಮಾರುಕಟ್ಟೆಯಿಂದ ಅಧ್ಯಕ್ಷ ಕಿಶೋರ್ ಬಿಯಾನಿ ಹಾಗೂ ಇತರ ಕೆಲವು ಪ್ರವರ್ತಕರಿಗೆ ಒಂದು ವರ್ಷದ ನಿಷೇಧ ಹೇರಿದ್ದರಿಂದ ರಿಲಯನ್ಸ್ ಜೊತೆಗಿನ 24,713 ಕೋಟಿ ರೂ. ಒಪ್ಪಂದದ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ಫ್ಯೂಚರ್ ರಿಟೇಲ್ ಲಿಮಿಟೆಡ್ ಹೇಳಿದೆ.
ಕಿಶೋರ್ ಬಿಯಾನಿ, ಇತರ ಕೆಲವು ಪ್ರವರ್ತಕರು ಮತ್ತು ಫ್ಯೂಚರ್ ಕಾರ್ಪೊರೇಟ್ ರಿಸೋರ್ಸಸ್ ಪ್ರೈವೇಟ್ ಲಿಮಿಟೆಡ್ (ಎಫ್‌ಸಿಆರ್‌ಪಿಎಲ್) ವಿರುದ್ಧ ಸೆಕ್ಯುರಿಟೀಸ್ ಅಂಡ್ ಎಕ್ಸ್‌ಚೇಂಜ್ ಬೋರ್ಡ್ ಆಫ್ ಇಂಡಿಯಾ (ಸೆಬಿ) ಬುಧವಾರ ಅಂಗೀಕರಿಸಿದ ಆದೇಶದ ವಿರುದ್ಧ ಮೇಲ್ಮನವಿ ಸಲ್ಲಿಸಲು ಚಿಂತಿಸಿದೆ.
ಇದನ್ನೂ ಓದಿ: ಸತತ 4ನೇ ವರ್ಷವೂ ಕಿಂಗ್ ಕೊಹ್ಲಿ ಭಾರತದ ಅಗ್ರ ಸೆಲಿಬ್ರಿಟಿ: ರೋಹಿತ್ಗೆ ಯಾವ ಶ್ರೇಣಿ?
ಸೆಬಿಯ ಈಗಿನ ಆದೇಶ ಕಂಪನಿಯಲ್ಲಿ ಪ್ರಸ್ತುತ ನಡೆಯುತ್ತಿರುವ ಯೋಜನೆಯ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ. ಮೇಲ್ಮನವಿ ಸಲ್ಲಿಸುವ ಕಾನೂನು ಬದ್ಧ ಹಕ್ಕನ್ನು ಚಲಾಯಿಸಲು ಪ್ರಸ್ತಾಪಿಸಲಾಗಿದೆ ಎಂದು ಫ್ಯೂಚರ್ ರಿಟೇಲ್ ಲಿಮಿಟೆಡ್ ಬುಧವಾರ ತಡರಾತ್ರಿಯ ನಿಯಂತ್ರಕ ದಾಖಲಾತಿಯಲ್ಲಿ ತಿಳಿಸಿದೆ.
