ತ್ವರಿತ ಆಮ್ಲಜನಕ ಸಾಗಣೆಗೆ 'ಆಕ್ಸಿಜನ್ ಆನ್ ವೀಲ್ಸ್' ಸೇವೆ ಆರಂಭಿಸಿದ ಮಹೀಂದ್ರಾ ಗ್ರೂಪ್​!

ಮಹೀಂದ್ರಾ ಗ್ರೂಪ್ ಅಧ್ಯಕ್ಷ ಆನಂದ್ ಮಹೀಂದ್ರಾ ಈ ಬಗ್ಗೆ ಸರಣಿ ಟ್ವೀಟ್ ಪೋಸ್ಟ್ ಮಾಡಿದ್ದಾರೆ. ಆಮ್ಲಜನಕವು ಮರಣ ಪ್ರಮಾಣವನ್ನು ಕಡಿಮೆ ಮಾಡುವ ಪ್ರಮುಖ ಕೀಲಿಯಾಗಿದೆ. ಮಹೀಂದ್ರಾ ಲಾಜಿಸ್ಟಿಕ್ಸ್ ಮೂಲಕ ಜಾರಿಗೆ ತರಲಾದ 'ಆಕ್ಸಿಜನ್ ಆನ್ ವೀಲ್ಸ್' ಯೋಜನೆಯೊಂದಿಗೆ ಈ ಅಂತರವನ್ನು ತುಂಬಲು ನಾವು ಪ್ರಯತ್ನಿಸುತ್ತಿದ್ದೇವೆ ಎಂದು ಟ್ವೀಟ್​ನಲ್ಲಿ ತಿಳಿಸಿದ್ದಾರೆ.

ನವದೆಹಲಿ: ಮಹೀಂದ್ರಾ ಗ್ರೂಪ್‌ನ ಲಾಜಿಸ್ಟಿಕ್ಸ್ ವಿಭಾಗ ಮಹೀಂದ್ರಾ ಲಾಜಿಸ್ಟಿಕ್ಸ್ ಕೋವಿಡ್​-19 ಸಾಂಕ್ರಾಮಿಕ ರೋಗದ ಎರಡನೇ ಅಲೆಯ ನಡುವೆ ಭಾರತದಲ್ಲಿ, ಅದರಲ್ಲೂ ವಿಶೇಷವಾಗಿ ಮಹಾರಾಷ್ಟ್ರದಲ್ಲಿ ಆಮ್ಲಜನಕ ಉತ್ಪಾದನೆ ಮತ್ತು ಸಾರಿಗೆಯ ಅಂತರ ತಗ್ಗಿಸಲು 'ಆಕ್ಸಿಜನ್ ಆನ್ ವೀಲ್ಸ್' ಅಭಿಯಾನ ಆರಂಭಿಸಿದೆ.

ಮಹೀಂದ್ರಾ ಗ್ರೂಪ್ ಅಧ್ಯಕ್ಷ ಆನಂದ್ ಮಹೀಂದ್ರಾ ಈ ಬಗ್ಗೆ ಸರಣಿ ಟ್ವೀಟ್ ಪೋಸ್ಟ್ ಮಾಡಿದ್ದಾರೆ. ಆಮ್ಲಜನಕವು ಮರಣ ಪ್ರಮಾಣವನ್ನು ಕಡಿಮೆ ಮಾಡುವ ಪ್ರಮುಖ ಕೀಲಿಯಾಗಿದೆ. ಮಹೀಂದ್ರಾ ಲಾಜಿಸ್ಟಿಕ್ಸ್ ಮೂಲಕ ಜಾರಿಗೆ ತರಲಾದ 'ಆಕ್ಸಿಜನ್ ಆನ್ ವೀಲ್ಸ್' ಯೋಜನೆಯೊಂದಿಗೆ ಈ ಅಂತರವನ್ನು ತುಂಬಲು ನಾವು ಪ್ರಯತ್ನಿಸುತ್ತಿದ್ದೇವೆ ಎಂದು ಟ್ವೀಟ್​ನಲ್ಲಿ ತಿಳಿಸಿದ್ದಾರೆ.

ಉಪಕ್ರಮದಡಿಯಲ್ಲಿ ಮಹೀಂದ್ರಾ ಆಮ್ಲಜನಕ ಉತ್ಪಾದಕರನ್ನು ಆಸ್ಪತ್ರೆಗಳು ಮತ್ತು ಮನೆಗಳೊಂದಿಗೆ ಸಂಪರ್ಕಿಸಲು ಟ್ರಕ್‌ಗಳನ್ನು ಬಳಸಿಕೊಳ್ಳುತ್ತದೆ. ಹೆಚ್ಚು- ಹೆಚ್ಚು ಜನರಿಗೆ ಸಹಾಯ ಮಾಡಲು ಕಾರ್ಯಾಚರಣೆಗೆ ನಿಯಂತ್ರಣ ಕೇಂದ್ರವನ್ನು ಸಹ ಸ್ಥಾಪಿಸಲಾಗಿದೆ. ಗ್ರಾಹಕರಿಗೆ ನೇರ ಮಾದರಿ ಕಲ್ಪಿಸಲಾಗುತ್ತಿದೆ.

• We have started in Mahrashtra but will expand this through the country relying on the support of our trusted dealership network & the assistance of local administrations to succeed. (5/5) pic.twitter.com/yPHXcPGWXK

  — anand mahindra (@anandmahindra) May 1, 2021 " class="align-text-top noRightClick twitterSection" data="

We have started in Mahrashtra but will expand this through the country relying on the support of our trusted dealership network & the assistance of local administrations to succeed. (5/5) pic.twitter.com/yPHXcPGWXK

— anand mahindra (@anandmahindra) May 1, 2021 ">

We have started in Mahrashtra but will expand this through the country relying on the support of our trusted dealership network & the assistance of local administrations to succeed. (5/5) pic.twitter.com/yPHXcPGWXK

— anand mahindra (@anandmahindra) May 1, 2021

ಮಹಾರಾಷ್ಟ್ರದಲ್ಲಿ (ಮುಂಬೈ, ಪುಣೆ, ಚಕನ್, ಥಾಣೆ, ನಾಸಿಕ್ ಮತ್ತು ನಾಗ್ಪುರ) ಈ ಉಪಕ್ರಮವು ಪ್ರಾರಂಭವಾಗಿದೆ. ಈ ತಂಡವನ್ನು ದೇಶಾದ್ಯಂತ ವಿಸ್ತರಿಸಲು ಯೋಜನೆ ಹಾಕಿಕೊಂಡಿದೆ. ಎಸ್‌ಒಎಸ್ ಬಟನ್ ಒತ್ತಿದ 13 ಆಸ್ಪತ್ರೆಗಳಿಗೆ ಈಗಾಗಲೇ 61 ಜಂಬೋ ಸಿಲಿಂಡರ್‌ಗಳನ್ನು ತಲುಪಿಸಲಾಗಿದೆ.

ಕೋವಿಡ್​-19 ಪ್ರಕರಣಗಳ ಹೆಚ್ಚಳದ ಮಧ್ಯೆ ದೇಶದಲ್ಲಿ ವೈದ್ಯಕೀಯ ಆಮ್ಲಜನಕದ ಕೊರತೆ ನೀಗಿಸುವ ಪ್ರಯತ್ನವನ್ನು ಖಾಸಗಿ ವಲಯವು ಹೆಚ್ಚಿಸಿದೆ. ಇದಕ್ಕೂ ಮುನ್ನ ಮುಖೇಶ್ ಅಂಬಾನಿಯ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್​ಐಎಲ್) ಒಂದೇ ಸ್ಥಳದಿಂದ ಭಾರತದ ಅತಿದೊಡ್ಡ ವೈದ್ಯಕೀಯ ದರ್ಜೆಯ ದ್ರವ ಆಮ್ಲಜನಕ ಉತ್ಪಾದಿಸುತ್ತಿದೆ ಎಂದು ಹೇಳಿದೆ.