ನವದೆಹಲಿ: ಭಾರತೀಯ ಉದ್ಯಮಿ ಗೌತಮ್ ಅದಾನಿ ಅವರು ಬಂದರು ಉದ್ಯಮದಿಂದ, ವಿದ್ಯುತ್ ಸ್ಥಾವರದ ತನಕ ಹೂಡಿಕೆ ವ್ಯಾಪ್ತಿ ವಿಸ್ತರಿಸಿಕೊಂಡಿದ್ದು, ಈ ವರ್ಷ ವಿಶ್ವದ ಎಲ್ಲರಿಗಿಂತ ಹೆಚ್ಚು ಶತಕೋಟಿ ಸಂಪತ್ತು ಗಳಿಸಿದವರ ಸಾಲಿನಲ್ಲಿ ಅಗ್ರ ಶ್ರೇಯಾಂಕ ಪಡೆದಿದ್ದಾರೆ.
ಬ್ಲೂಂಬರ್ಗ್ ಬಿಲಿಯನೇರ್ಸ್ ಸೂಚ್ಯಂಕದ ಪ್ರಕಾರ, ಉದ್ಯಮಿ ಗೌತಮ್ ಅದಾನಿ ಅವರ ನಿವ್ವಳ ಮೌಲ್ಯವು 2021ರಲ್ಲಿ 16.2 ಬಿಲಿಯನ್ ಡಾಲರ್ನಷ್ಟು ಹೆಚ್ಚಳವಾಗಿ 50 ಬಿಲಿಯನ್ ಡಾಲರ್ಗೆ ಏರಿದೆ. ಇದು ಅವರನ್ನು ವರ್ಷದ ಅತಿಹೆಚ್ಚು ಸಂಪತ್ತು ಗಳಿಸಿದವರಲ್ಲಿ ಮೊದಲಿಗರನ್ನಾಗಿ ಮಾಡಿದೆ.
ಜೆಫ್ ಬೆಜೋಸ್ ಮತ್ತು ಎಲೋನ್ ಮಸ್ಕ್ ಅವರು ಜಗತ್ತಿನ ನಂಬರ್ 1 ಕುಬೇರ ಸ್ಥಾನಕ್ಕಾಗಿ ಪೈಪೋಟಿ ನಡೆಸುತ್ತಿರುವ ಮಧ್ಯೆಯೂ ಮೇಲ್ಪಂಕ್ತಿ ಕಾಯ್ದುಕೊಂಡಿದ್ದಾರೆ. ಎಲ್ಲಾ ಅದಾನಿ ಗ್ರೂಪ್ ಷೇರುಗಳ ಈ ವರ್ಷ ಕನಿಷ್ಠ ಶೇ 50ರಷ್ಟು ಒಗ್ಗೂಡಿವೆ.
ಅದಾನಿ ಸಂಪತ್ತಿನ ಜಿಗಿತವು ಏಷ್ಯಾದ ಶ್ರೀಮಂತ ವ್ಯಕ್ತಿ ಮುಖೇಶ್ ಅಂಬಾನಿ ಸೇರಿದ 8.1 ಬಿಲಿಯನ್ ಡಾಲರ್ ಅನ್ನು ಕುಬ್ಜಗೊಳಿಸುತ್ತದೆ. ಅದಾನಿಯೂ ತಮ್ಮ ಬಂಡವಾಳ ವ್ಯಾಪ್ತಿಯನ್ನು ವೇಗವಾಗಿ ವಿಸ್ತರಿಸುತ್ತಿದ್ದಾರೆ. ಭಾರತದಲ್ಲಿ ಬಂದರು, ವಿಮಾನ ನಿಲ್ದಾಣ, ದತ್ತಾಂಶ ಕೇಂದ್ರ ಮತ್ತು ಕಲ್ಲಿದ್ದಲು ಗಣಿಗಳಲ್ಲಿ ಹೂಡಿಕೆ ಮಾಡುತ್ತಿದ್ದಾರೆ. ಆದರೆ ಆಸ್ಟ್ರೇಲಿಯಾದಲ್ಲಿ ತಮ್ಮ ವಿವಾದಾತ್ಮಕ ಕಾರ್ಮೈಕಲ್ ಕಲ್ಲಿದ್ದಲು ಯೋಜನೆ ಈಗಲೂ ಮುಂದುವರಿದಿದೆ.
ಇದನ್ನೂ ಓದಿ: 12 ಕೋಟಿ ರೂ.. 12 ವರ್ಷ.. 2,000 ಕೋಟಿಗೆ ಮಾರಾಟ: ಯಾವ ಕಂಪನಿ, ಏನಿದರ ಯಶೋಗಾಥೆ?
ಅದಾನಿ ಎಂಟರ್‌ಪ್ರೈಸಸ್ ಲಿಮಿಟೆಡ್ ಭಾರತದಲ್ಲಿ 1 ಗಿಗಾವಾಟ್ ಡೇಟಾ ಸೆಂಟರ್ ಸಾಮರ್ಥ್ಯ ಅಭಿವೃದ್ಧಿಪಡಿಸುವ ಒಪ್ಪಂದಕ್ಕೆ ಸಹಿ ಹಾಕಿತು. ಅದಾನಿ ಟೋಟಲ್ ಗ್ಯಾಸ್ ಲಿಮಿಟೆಡ್ ಈ ವರ್ಷ ಶೇ 96ರಷ್ಟು ಜಿಗಿದಿದ್ದರೆ, ಅದಾನಿ ಎಂಟರ್‌ಪ್ರೈಸಸ್ ಶೇ 90ರಷ್ಟು ಮುನ್ನಡೆ ಸಾಧಿಸಿದೆ. ಅದಾನಿ ಟ್ರಾನ್ಸ್ಮಿಷನ್ ಲಿಮಿಟೆಡ್ ಶೇ 79ರಷ್ಟು ವೃದ್ಧಿಯಾಗಿದೆ. ಅದಾನಿ ಪವರ್ ಲಿಮಿಟೆಡ್ ಮತ್ತು ಅದಾನಿ ಪೋರ್ಟ್ಸ್ ಮತ್ತು ವಿಶೇಷ ಆರ್ಥಿಕ ವಲಯಗಳ ಲಿಮಿಟೆಡ್ ಈ ವರ್ಷ ಶೇ 52ಕ್ಕಿಂತ ಹೆಚ್ಚು ಗಳಿಕೆ ಕಂಡಿವೆ. ಅದಾನಿ ಗ್ರೀನ್ ಎನರ್ಜಿ ಲಿಮಿಟೆಡ್, ಕಳೆದ ವರ್ಷ ಶೇ 500ಕ್ಕಿಂತ ಏರಿಕೆಯಾದ ನಂತರ, ಈ ವರ್ಷ 12ರಷ್ಟು ಹೆಚ್ಚಳವಾಗಿದೆ.
