ನವದೆಹಲಿ: ಕೋವಿಡ್-19 ಪ್ರಚೋದಿತ ಆರ್ಥಿಕ ಕುಸಿತದ ಪ್ರಭಾವದಿಂದಾಗಿ ಅಮೆರಿಕದ ವಾಹನ ತಯಾರಕ ಫೋರ್ಡ್ ಮೋಟಾರ್ ಕಂಪನಿ ಮತ್ತು ದೇಶದ ಪ್ರಮುಖ ವಾಹನೋದ್ಯಮ ಮಹೀಂದ್ರಾ ಆ್ಯಂಡ್ ಮಹೀಂದ್ರಾ ಭಾರತದಲ್ಲಿ ಜಂಟಿ ಉದ್ಯಮ ರೂಪಿಸುವ ನಿರ್ಧಾರ ರದ್ದುಗೊಳಿಸಿದ್ದಾಗಿ ಶುಕ್ರವಾರ ಘೋಷಿಸಿವೆ.
ಈ ಕ್ರಮವು 2020ರ ಡಿಸೆಂಬರ್ 31ರ 'ಲಾಂಗ್‌ಸ್ಟಾಪ್ ದಿನಾಂಕ' ಮುಗಿದ ನಂತರ ಕಂಪನಿ ಮತ್ತು ಎಫ್‌ಎಂಸಿ ನಡುವಿನ ಒಪ್ಪಂದಗಳನ್ನು ಮರುಪರಿಶೀಲನೆ ಮಾಡಲಾಗಿದೆ ಎಂದು ಬಾಂಬೆ ಷೇರು ವಿನಿಮಯಕ್ಕೆ ಎಂ & ಎಂ ತಿಳಿಸಿದೆ.
ಜಾಗತಿಕ ಸಾಂಕ್ರಾಮಿಕ ರೋಗ ಜಾಗತಿಕ ಆರ್ಥಿಕತೆಯ ಮೇಲೆ ಉಂಟು ಮಾಡಿದ ಅಡೆತಡೆ ಮತ್ತು ವ್ಯವಹಾರಿಕ ವಾತಾವರಣಗಳಲ್ಲಿನ ಮೂಲಭೂತ ಬದಲಾವಣೆಗಳು ಈಗಿನ ನಿರ್ಧಾರಕ್ಕೆ ಕಾರಣವಾಗಿವೆ. ಈ ಬದಲಾವಣೆಗಳು ಆಯಾ ಬಂಡವಾಳ ಹಂಚಿಕೆ ಆದ್ಯತೆಗಳನ್ನು ಮರು ಮೌಲ್ಯಮಾಪನ ಮಾಡಲು ಎರಡೂ ಕಂಪನಿಗಳ ಪ್ರತ್ಯೇಕ ನಿರ್ಧಾರಗಳ ಮೇಲೆ ಪ್ರಭಾವ ಬೀರಿತು ಎಂದು ಹೇಳಿದೆ.
ಸಣ್ಣ ಎಲೆಕ್ಟ್ರಿಕ್ ವಾಹನದಲ್ಲಿ ಹೊಸ ಸ್ಪೋರ್ಟ್ಸ್ ಯುಟಿಲಿಟಿ ವಾಹನ ಅಭಿವೃದ್ಧಿಪಡಿಸಲು ಫೋರ್ಡ್ ಮತ್ತು ಮಹೀಂದ್ರಾ ಶೇ 51:49ರಷ್ಟು ಈಕ್ವಿಟಿ ಪಾಲುದಾರಿಕೆಯ ಜಂಟಿ ಉದ್ಯಮಕ್ಕಾಗಿ ಆರಂಭಿಕ ಒಪ್ಪಂದವನ್ನು 2018ರಲ್ಲಿ ಘೋಷಿಸಿದ್ದವು.
ಈ ತರುವಾಯ ಅಕ್ಟೋಬರ್ನಲ್ಲಿ ಮಹೀಂದ್ರಾ ಮತ್ತು ಫೋರ್ಡ್ ಭಾರತ್ ಸ್ಟೇಜ್ VI- ಕಂಪ್ಲೈಂಟ್ ಎಂಜಿನ್ಗಳನ್ನು ಹಂಚಿಕೊಳ್ಳಲು ಒಪ್ಪಂದಗಳಿಗೆ ಸಹಿ ಹಾಕುವುದಾಗಿ ಘೋಷಿಸಿದವು. ಈ ಎಲ್ಲ ಒಪ್ಪಂದಗಳು 2021ರ ಆರಂಭದಲ್ಲಿ ಮುರಿದು ಬಿದ್ದಿವೆ.
