ನವದೆಹಲಿ: ವಿಶ್ವದ ಶ್ರೀಮಂತ ಉದ್ಯಮಿಗಳ ಸ್ಥಾನದಲ್ಲಿ ಅಗ್ರ 2ನೇ ಸ್ಥಾನದಲ್ಲಿ ಮುಂದುವರೆದಿದ್ದ ಮೈಕ್ರೋಸಾಫ್ಟ್ ಕಂಪನಿಯ ಸಂಸ್ಥಾಪಕ ಬಿಲ್ ಗೇಟ್ಸ್ ಅವರನ್ನು ಫ್ರಾನ್ಸ್ ಉದ್ಯಮಿ ಹಿಂದಿಕ್ಕಿದ್ದಾರೆ.
ಖಾಸಗಿ ಸುದ್ದಿ ತಾಣ ನಡೆಸಿಕೊಂಡು ಬರುತ್ತಿರುವ ಸಮೀಕ್ಷೆಯಲ್ಲಿ 70ರ ವಯೋಮಾನದ ಬರ್ನಾರ್ಡ್ ಅರ್ನಾಲ್ಟ್ ಅವರು ಬಿಲ್ ಗೇಟ್ಸ್ ಅವರನ್ನು ಮೂರನೇ ಸ್ಥಾನಕ್ಕೆ ತಳಿ ಎರಡನೇ ಶ್ರೇಯಾಂಕಕ್ಕೆ ಜಿಗಿದಿದ್ದಾರೆ.
ಅರ್ನಾಲ್ಟ್ ಅವರು, ಐಷಾರಾಮಿ ಸರಕುಗಳ ತಯಾರಿಕೆಗಳ ಲೂಯಿ ವಿಟಾನ್ ಅವರ ಮಾಲೀಕತ್ವದ ಎಲ್ವಿಎಂಎಚ್ನ ಮುಖ್ಯಕಾರ್ಯ ನಿರ್ವಾಹಕ ಅಧಿಕಾರಿ (ಸಿಇಒ) ಆಗಿದ್ದಾರೆ. 7.43 ಲಕ್ಷ ಕೋಟಿ ರೂ.ಯಷ್ಟು (108 ಬಿಲಿಯನ್ ಡಾಲರ್) ಸಂಪತ್ತು ಹೊಂದಿದ್ದಾರೆ. ಕಳೆದ ಒಂದು ವರ್ಷ ಅವಧಿಯಲ್ಲಿ ₹ 2.6 ಲಕ್ಷ ಕೋಟಿ (39 ಬಿಲಿಯನ್ ಡಾಲರ್) ಆಸ್ತಿ ಗಳಿಸಿಕೊಂಡಿದ್ದಾರೆ.
7.36 ಲಕ್ಷ ಕೋಟಿ ರೂ. (107 ಬಿಲಿಯನ್ ಡಾಲರ್) ಮೂಲಕ ಮೂರನೇ ಸ್ಥಾನದಲ್ಲಿ ಬಿಲ್ ಗೇಟ್ಸ್ ಇದ್ದಾರೆ. ಸಮಾಜಮುಖಿ ಕಾರ್ಯಗಳಿಗೆ ₹ 2.41 ಲಕ್ಷ ಕೋಟಿ (35 ಬಿಲಿಯನ್ ಡಾಲರ್) ನೀಡುತ್ತಿರುವ ಬಿಲ್ ಆ್ಯಂಡ್ ಮಿಲಿಂದ್ ಗೇಟ್ಸ್ ಫೌಂಡೇಷನ್ ನಂ. 1 ಸ್ಥಾನದಲ್ಲಿದೆ.
ಇ-ಕಾಮರ್ಸ್ ದೈತ್ಯ ಅಮೆಜಾನ್ ಸಿಇಒ ಜೆಫ್ ಬೆಜೋಸ್ ಅವರು ₹ 8.60 ಲಕ್ಷ ಕೋಟಿ ( 125 ಬಿಲಿಯನ್ ಡಾಲರ್) ಮುಖೇನ ಮೊದಲ ಸ್ಥಾನದಲ್ಲಿದ್ದಾರೆ ಎಂದು ತಿಳಿಸಿದೆ.
