ನವದೆಹಲಿ: ಅಕ್ಟೋಬರ್ ತಿಂಗಳ ಜಿಎಸ್ಟಿಆರ್ 3ಬಿ ರಿರ್ಟರ್ನ್ಸ್ ಸಲ್ಲಿಕೆದಾರರ ಪ್ರಮಾಣ ಬುಧವಾರದಂದು ಭಾರಿ ಪ್ರಮಾಣದಲ್ಲಿ ಏರಿಕೆಯಾಗಿದೆ.
ತಿಂಗಳಿಂದ ತಿಂಗಳಿಗೆ ಸಲ್ಲಿಕೆದಾರರ ಪ್ರಮಾಣದಲ್ಲಿ ಶೇ 50ರಷ್ಟು ಏರಿಕೆ ಕಂಡುಬಂದಿದ್ದು, ಒಂದೇ ದಿನದಲ್ಲಿ ಒಟ್ಟು 18.27 ಲಕ್ಷ ಜಿಎಸ್ಟಿಆರ್ 3ಬಿ ರಿಟರ್ನ್ಸ್ ಸಲ್ಲಿಕೆಯಾಗಿವೆ. ಕಳೆದ ತಿಂಗಳ ಇದೇ ಅವಧಿಯಲ್ಲಿ 12.2 ಲಕ್ಷ ರಿಟರ್ನ್ಸ್ ಬಂದಿದ್ದವು.
ಅಕ್ಟೋಬರ್ ತಿಂಗಳಲ್ಲಿ 64.83 ಲಕ್ಷ ಜಿಎಸ್ಟಿಆರ್ 3ಬಿ ಸಲ್ಲಿಕೆಯಾಗಿದ್ದರೇ ಅದರ ಹಿಂದಿನ ಮಾಸಿಕದಲ್ಲಿ 59.9 ಲಕ್ಷ ಪ್ರಮಾಣದಷ್ಟು ರಿಟರ್ನ್ಸ್ ಇದ್ದವು.
ಕಳೆದ ಕೆಲವು ದಿನಗಳ ಹಿಂದೆ ರಿಟರ್ನ್ಸ್ ಫೈಲಿಂಗ್ಸ್ನ ಜಿಎಸ್ಟಿಎನ್ನಲ್ಲಿ ತಾಂತ್ರಿಕ ಸಮಸ್ಯೆ ಕಂಡು ಬರುತ್ತಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ದೂರು ಬಂದಿದ್ದವು. ಇದಕ್ಕೆ ಸ್ಪಷ್ಟನೆ ನೀಡಿದ್ದ ಜಿಎಸ್ಟಿಎನ್, 'ಅರ್ಜಿ ದಟ್ಟಣೆ ಸಂದರ್ಭದಲ್ಲಿ ತಾಂತ್ರಿಕ ದೋಷ ಕಂಡಬರುವುದು ಸಾಮಾನ್ಯ ಎಂದಿತ್ತು'.
ಪರೋಕ್ಷ ತೆರಿಗೆ ಮತ್ತು ಕಸ್ಟಮ್ಸ್‌ನ ಕೇಂದ್ರೀಯ ಮಂಡಳಿಯು (ಸಿಬಿಐಸಿ) ತನ್ನ ದತ್ತಾಂಶಗಳ ಮೂಲಕ ತೆರಿಗೆ ಪಾವತಿದಾರರ ಸಂಖ್ಯೆ ಹೆಚ್ಚಳವಾಗುತ್ತಿದೆ. ಜಿಎಸ್ಟಿಎನ್ ವ್ಯವಸ್ಥೆಯು ಸಮರ್ಪಕವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂಬುದಕ್ಕೆ ದಾಖಲಾಗಿರುವ ರಿಟರ್ನ್ಸ್ಗಳೇ ಸಾಕ್ಷಿ ಎಂದು ಹೇಳಿದೆ.
