ನವದೆಹಲಿ: ಇ ಕಾಮರ್ಸ್ ಸಂಸ್ಥೆ ಅಮೆಜಾನ್ಗೆ ಪ್ರಿಯೋನ್ ವ್ಯಾಪಾರ ಸೇವೆಗಳನ್ನು ಸ್ವಾಧೀನಪಡಿಸಿಕೊಳ್ಳಲು ಭಾರತೀಯ ಸ್ಪರ್ಧಾ ಆಯೋಗ/ಕಾಂಪಿಟೇಷನ್ ಕಮಿಷನ್ ಆಫ್ ಇಂಡಿಯಾ(ಸಿಸಿಐ) ಬುಧವಾರದಂದು ಅನುಮೋದನೆ ನೀಡಿದೆ.
ಪ್ರಿಯೋನ್ ವ್ಯಾಪಾರ ಸೇವೆಯು ಕ್ಯಾಟಮಾರಾನ್ ಮತ್ತು ಇ ಕಾಮರ್ಸ್ ಸಂಸ್ಥೆ ಅಮೆಜಾನ್ ನಡುವಿನ ಜಂಟಿ ಉದ್ಯಮವಾಗಿದೆ. ಸಿಸಿಐ ಈ ಬಗ್ಗೆ ಟ್ವಿಟರ್ನಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ಅಮೆಜಾನ್ ಏಷ್ಯಾ ಫೆಸಿಫಿಕ್ ರೆಸೋರ್ಸ್ ಪ್ರೈವೆಟ್ ಲಿಮಿಟೆಡ್ ಪ್ರಿಯೋನ್ ಪ್ರೈವೆಟ್ ಲಿಮಿಟೆಡ್ ಅನ್ನು ಸ್ವಾಧೀನಪಡಿಸಿಕೊಳ್ಳಲು ಆಯೋಗವು ಅನುಮೋದಿಸುತ್ತದೆ ಎಂದು ಹೇಳಿದೆ.
ಇದನ್ನೂ ಓದಿ: ತೆರಿಗೆ ರದ್ದುಗೊಳಿಸಿ ಚಿನ್ನದ ಬೆಲೆ ಇಳಿಸಿದ ರಷ್ಯಾ: ಪುಟಿನ್ ನಿರ್ಧಾರದ ಉದ್ದೇಶವೇನು?
2014ರ ಮಧ್ಯದಲ್ಲಿ ಸ್ಥಾಪಿತವಾದ ಪ್ರಿಯೋನ್ ಬಿಸಿನೆಸ್ ಸೇವೆಗಳು ಭಾರತೀಯ ಸಣ್ಣ ಮತ್ತು ಮಧ್ಯಮ ವ್ಯವಹಾರಗಳಿಗೆ ಡಿಜಿಟಲ್ ಮತ್ತು ಇಂಟರ್ನೆಟ್ ಸೇವೆಗಳನ್ನು ಒದಗಿಸುತ್ತದೆ. ಆದರೆ ಕ್ಯಾಟಮಾರಾನ್ ಹೆಚ್ಚು ಬಂಡವಾಳ ಮತ್ತು ಖಾಸಗಿ ಇಕ್ವಿಟಿ ಹೂಡಿಕೆಯ ಸಂಸ್ಥೆಯಾಗಿದೆ. ಈ ಹಿಂದೆ, ಮೇ 2022ರಲ್ಲಿ ಕೊನೆಗೊಳ್ಳುವ ಅವಧಿಯನ್ನು ಮೀರಿ ಜಂಟಿ ಉದ್ಯಮವನ್ನು ಮುಂದುವರಿಸದಿರುವ ನಿರ್ಧಾರವನ್ನು ಎರಡು ಸಂಸ್ಥೆಗಳು ಪ್ರಕಟಿಸಿದ್ದವು.
