ಮುಂಬೈ: ಟೀಂ ಇಂಡಿಯಾದ ಅಗ್ರಗಣ್ಯ ಆಲ್ರೌಂಡರ್ ಯುವರಾಜ್ ಸಿಂಗ್ ಸೋಮವಾರ ನಿವೃತ್ತಿ ಘೋಷಿಸಿದ್ದಾರೆ. ಈ ನಿರ್ಧಾರಕ್ಕೆ ಕ್ರಿಕೆಟ್ ಲೋಕ ಭಾವನಾತ್ಮಕವಾಗಿ ಸ್ಪಂದಿಸಿದೆ.
ಕ್ರಿಕೆಟ್ನಲ್ಲಿ ಸಿಕ್ಸರ್ಗಳ ಸರದಾರನ 6,822 ದಿನ, 14,064 ಎಸೆತ, 11,788 ರನ್, 1,496 ಸಿಕ್ಸ್-ಫೋರ್!
ಯುವರಾಜ್ ಸಿಂಗ್ ನಿವೃತ್ತಿಯ ಸುದ್ದಿ ಹೊರಬಿದ್ದ ಕೆಲ ಗಂಟೆಗಳಲ್ಲಿ ಐಸಿಸಿ, ಯುವರಾಜ್ ಸಿಂಗ್ ಫೋಟೋವನ್ನು ತನ್ನ ಟ್ವಿಟರ್ ಕವರ್ ಫೋಟೋವನ್ನಾಗಿ ಬದಲಿಸಿ ಅರ್ಥಪೂರ್ಣ ವಿದಾಯ ಸೂಚಿಸಿದೆ. 2011ರ ವಿಶ್ವಕಪ್ನ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಗೆಲುವಿನ ರನ್ ಸಿಡಿಸಿದ ಬಳಿಕ ಯುವರಾಜ್ ಸಂಭ್ರಮಿಸಿದ ಕ್ಷಣದ ಫೋಟೋವನ್ನ ಇದೀಗ ಐಸಿಸಿ ತನ್ನ ಟ್ವಿಟರ್ ಕವರ್ ಫೋಟೋವನ್ನಾಗಿ ಮಾಡಿದೆ.
ಮುಂಬೈನ ಹೋಟೆಲ್ ಒಂದರಲ್ಲಿ ಕರೆಯಲಾಗಿದ್ದ ಪತ್ರಿಕಾಗೋಷ್ಠಿಯಲ್ಲಿ ಯುವರಾಜ್ ಸಿಂಗ್ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿನ್ನೆ ವಿದಾಯ ಘೋಷಿಸಿದ್ದಾರೆ. ಈ ಮೂಲಕ ಮೈದಾನದಲ್ಲಿ ಸಿಕ್ಸರ್, ಬೌಂಡರಿಗಳಿಂದ ಬೌಲರ್ಗಳಿಗೆ ಬೆವರಿಳಿಸಿದ್ದ ಅದ್ಭುತ ಆಟಗಾರ ಬ್ಯಾಟ್ ಹಾಗೂ ಬಾಲ್ನ ನಂಟನ್ನು ಕೊನೆಗೊಳಿಸಿದ್ದಾರೆ.
