ಚೆನ್ನೈ(ತಮಿಳುನಾಡು): ತಮಿಳುನಾಡಿನಲ್ಲಿ ಅಧಿಕಾರದ ಚುಕ್ಕಾಣಿ ಹಿಡಿದಾಗಿನಿಂದಲೂ ಒಂದಿಲ್ಲೊಂದು ಮಾದರಿ ಕಾರ್ಯಕ್ರಮಗಳಲ್ಲಿ ಭಾಗಿಯಾಗುವ ಮೂಲಕ ಎಲ್ಲರ ಮನಗೆದ್ದಿರುವ ತಮಿಳುನಾಡಿನ ನೂತನ ಸಿಎಂ ಎಂ ಕೆ ಸ್ಟಾಲಿನ್ ಇದೀಗ ಮತ್ತೊಂದು ಸಾಧನೆ ಮಾಡಿದ್ದಾರೆ.
ತಮಿಳುನಾಡಿನ ರಾಜಕೀಯ ಇತಿಹಾಸದಲ್ಲೇ ಎಂ.ಕೆ ಸ್ಟಾಲಿನ್ ಗ್ರಾಮ ಸಭೆವೊಂದರಲ್ಲಿ ಭಾಗಿಯಾಗಿದ್ದು, ಈ ಸಾಧನೆ ಮಾಡಿರುವ ಮೊದಲ ಸಿಎಂ ಆಗಿ ಹೊರ ಹೊಮ್ಮಿದ್ದಾರೆ. ಗಾಂಧಿ ಜಯಂತಿ ಅಂಗವಾಗಿ ಮಧುರೈನ ಪಪ್ಪಪಟ್ಟಿ ಗ್ರಾಮದಲ್ಲಿ ನಡೆದ ಗ್ರಾಮಸಭೆಯಲ್ಲಿ ಭಾಗಿಯಾಗಿ ಅಲ್ಲಿನ ಸಮಸ್ಯೆ ಆಗಲಿಸಿದರು.
ಈ ವೇಳೆ ಮಾತನಾಡಿರುವ ಅವರು, ಭಾರತ ಅಭಿವೃದ್ಧಿ ಹಳ್ಳಿಗಳ ಬೆಳವಣಿಗೆ ಮೇಲೆ ಕೇಂದ್ರೀಕೃತವಾಗಿದೆ. ಆಡಳಿತ ರಚನೆಯಲ್ಲಿ 3ನೇ ಹಂತದಲ್ಲಿರುವ ಸ್ಥಳೀಯ ಸಂಸ್ಥೆಗಳು ಯಾವಾಗಲೂ ಸದೃಢವಾಗಿರಬೇಕು ಎಂದರು.
ಇದನ್ನೂ ಓದಿರಿ: ಸಿಎಂ ಸ್ಥಾನದಿಂದ ಅಮರೀಂದರ್ ಸಿಂಗ್‌ರನ್ನ ಕೆಳಗಿಳಿಸಿದ್ದು ಸೋನಿಯಾ ಅಲ್ಲ, 78 ಶಾಸಕರು : ಸುರ್ಜೇವಾಲಾ
ಅನೇಕ ವರ್ಷಗಳ ಕಾಲ ಪಪ್ಪಪಟ್ಟಿಯಲ್ಲಿ ಸ್ಥಳೀಯ ಚುನಾವಣೆ ನಡೆಸಲು ಸಾಧ್ಯವಾಗಿರಲಿಲ್ಲ. ಆದರೆ, ಕರುಣಾನಿಧಿ ಅವರ ಅಧಿಕಾರವಧಿಯಲ್ಲಿ ಈ ಸಮಸ್ಯೆ ಬಗೆಹರಿಸಲಾಯಿತು ಎಂದರು. ಚುನಾವಣೆ ಪ್ರಣಾಳಿಕೆಯಲ್ಲಿನ 202 ಭರವಸೆ ಈಗಾಗಲೇ ಪೂರ್ಣಮಾಡಲಾಗಿದ್ದು, ರೈತರಿಗೋಸ್ಕರ ಪ್ರತ್ಯೇಕ ಬಜೆಟ್ ಸಹ ಮಂಡನೆ ಮಾಡಲಾಗಿದೆ ಎಂದರು.
