ಜಾಂಜಗೀರ್ ಚಂಪಾ (ಛತ್ತೀಸ್ಗಢ): ಸಾಮಾನ್ಯವಾಗಿ ಅಮೆರಿಕದ ಅಮೆಜಾನ್ ನದಿಯಲ್ಲಿ ಕಂಡು ಬರುವ ಅಪರೂಪದ ಮೀನೊಂದು ಛತ್ತೀಸ್ಗಢದ ಜಾಂಜಗೀರ್ ಚಂಪಾ ಜಿಲ್ಲೆಯ ಬಿರ್ರಾ ಗ್ರಾಮದಲ್ಲಿ ಪತ್ತೆಯಾಗಿದೆ. ಬಿರ್ರಾ ಗ್ರಾಮದ ನಿವಾಸಿ ಕುನಾಲ್ ಎಂಬವರು ಮೀನುಗಾರಿಕೆಗೆ ತೆರಳಿದ್ದ ವೇಳೆ ಈ ಮೀನು ಸಿಕ್ಕಿದೆ. ಈ ಮೀನು ನಾಲ್ಕು ಕಣ್ಣುಗಳನ್ನು ಹೊಂದಿದ್ದು, ಇದನ್ನು ನೋಡಲು ವಿವಿಧೆಡೆಯಿಂದ ಜನರು ಆಗಮಿಸುತ್ತಿದ್ದಾರೆ.
ನಾಲ್ಕು ಕಣ್ಣುಗಳನ್ನು ಹೊಂದಿರುವ ಅಪರೂಪದ ಮೀನು : ಈ ಮೀನು ತನ್ನ ಹಣೆಯ ಮೇಲೆ ನಾಲ್ಕು ಕಣ್ಣುಗಳನ್ನು ಹೊಂದಿದೆ. ವಿಮಾನದ ರೆಕ್ಕೆಯಂತೆ ಈ ಮೀನಿನ ರೆಕ್ಕೆ ಇದೆ. ಈ ಮೀನು ನೋಡಲು ಸುಂದರವಾಗಿದ್ದು, ಮೀನು ಸಿಕ್ಕಿದ ಕೂಡಲೇ ಕುನಾಲ್ ಅವರು ಇದನ್ನು ಮನೆಗೆ ತಂದಿದ್ದಾರೆ. ಈ ಮೀನು ಪತ್ತೆಯಾಗಿರುವ ಬಗ್ಗೆ ಸುದ್ದಿ ಹಬ್ಬುತ್ತಲೇ ಅಪಾರ ಸಂಖ್ಯೆಯ ಜನರು ಮೀನನ್ನು ನೋಡಲು ಕುನಾಲ್ ಮನೆಗೆ ಜಮಾಯಿಸಿದ್ದರು. ವಿಶೇಷ ಮೀನು ನೋಡಿದ ಸಾರ್ವಜನಿಕರು ಅಚ್ಚರಿ ವ್ಯಕ್ತಪಡಿಸಿದರು. ಅಷ್ಟೇ ಅಲ್ಲ ಮೀನಿನ ವಿಶೇಷತೆ ತಿಳಿಯಲು ಕೆಲವರು ಇಂಟರ್ನೆಟ್ ಮೊರೆ ಕೂಡಾ ಹೋಗಿದ್ದರು. ಒಟ್ಟಿನಲ್ಲಿ ವಿಶೇಷ ತಳಿಯ ಮೀನು ಕಂಡು ಖುಷಿಯಾಗಿದ್ದಂತೂ ಸುಳ್ಳಲ್ಲ.
ಇದನ್ನೂ ಓದಿ : ಅಮೆಜಾನ್ ನದಿಯ ಕಂಡು ಬರುವ ಕ್ಯಾಟ್ಫೀಶ್ ಬಿಹಾರದಲ್ಲಿ ಬಲೆಗೆ: ಮೀನು ಕಂಡು ಅಚ್ಚರಿಗೊಂಡ ಗ್ರಾಮಸ್ಥರು
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆ : ಪ್ರಾಣಿಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಪ್ರೊ. ಅಶ್ವನಿ ಕೇಶರವಾಣಿ ಈ ವಿಶೇಷ ಮೀನಿನ ಬಗ್ಗೆ ಮಾತನಾಡಿ, ಈ ಮೀನು ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಭಾರೀ ಬೆಲೆಗೆ ಮಾರಾಟವಾಗುತ್ತದೆ. ಇದು ವೇಗವಾಗಿ ಬೆಳೆಯುವ ಮೀನು ಆಗಿದೆ ಎಂದು ಅವರು ಹೇಳಿದರು. ದೊಡ್ಡ ಗಾತ್ರದ ಮೀನಿನಿಂದ ಮೀನುಗಾರರಿಗೆ ಸಾಕಷ್ಟು ಆರ್ಥಿಕ ಲಾಭ ಉಂಟಾಗುತ್ತದೆ. ಈ ಮೀನುಗಳು ಸಾಮಾನ್ಯವಾಗಿ ಭಾರತ ನದಿಗಳಲ್ಲಿ ಕಂಡುಬರುವುದಿಲ್ಲ ಎಂದು ಕೇಶರವಾಣಿ ಹೇಳಿದರು.
ಈ ಮೀನು ಅಮೆರಿಕದಲ್ಲಿ ಮಾತ್ರವೇ ಕಂಡುಬರುತ್ತದೆ : ಮೀನುಗಾರಿಕೆ ಇಲಾಖೆಯ ಸಹಾಯಕ ನಿರ್ದೇಶಕ ಎಸ್.ಎಸ್. ಕನ್ವರ್ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, ಈ ಮೀನನ್ನು ಸಕ್ಕರ್ ಮೌತ್ ಕ್ಯಾಟ್ ಫಿಶ್ ಎಂದು ಕರೆಯುತ್ತೇವೆ. ಇದರ ವೈಜ್ಞಾನಿಕ ಹೆಸರು ಹೈಪೋಸ್ಟ್ ತೋಮಸ್ ಪ್ಲೆಸೋಸ್ ತೋಮಸ್ ಎಂದು. ಇದು ಅಮೆಜಾನ್ ಸ್ಮೆಲ್ ಎಕ್ಸೋಟಿಕ್ ಕ್ಯಾಟ್ ಫಿಶ್ ಎಂದು ಜನಪ್ರಿಯವಾಗಿದೆ. ಈ ಮೀನು ನೀರಿನ ತಳದಲ್ಲಿ ವಾಸಿಸುತ್ತದೆ. ಈ ವಿಶೇಷ ಜಾತಿಯ ಮೀನು ಸಾಮಾನ್ಯವಾಗಿ ಅಮೆರಿಕದ ಅಮೆಜಾನ್ ನದಿಯಲ್ಲಿ ಕಂಡುಬರುತ್ತದೆ. ಈ ಮೀನು ಅಪಾಯಕಾರಿಯಲ್ಲ ಎಂದು ಅವರು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ : ಮಲ್ಪೆ ಮೀನುಗಾರರ ಬಲೆಗೆ ಬಿದ್ದ 16 ಕೆಜಿ ತೂಕದ ಬಂಗಾರ ಬಣ್ಣದ ಮೀನು- ವಿಡಿಯೋ
ಇದನ್ನು ಓದಿ:ರಂಜಾನ್ ಮಾಸದಲ್ಲಿ 10 ಲಕ್ಷ ಬಿರಿಯಾನಿ ಆರ್ಡರ್: ಸ್ವಿಗ್ಗಿ ವರದಿ
