ನವದೆಹಲಿ: ರಸ್ತೆಗಳು, ಸೇತುವೆ, ವಾಯುನೆಲೆ ಮತ್ತು ಸುರಂಗಗಳ ನಿರ್ಮಾಣದಲ್ಲಿನ ಬೆಳವಣಿಗೆ ಹೆಚ್ಚಿಸಲು ಮತ್ತು ರಸ್ತೆ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಸ್ಥಾಪಿಸಲಾದ ಗಡಿ ರಸ್ತೆಗಳ ಸಂಘಟನೆಯ ಎರಡು ಕೇಂದ್ರಗಳನ್ನು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಉದ್ಘಾಟಿಸಿದ್ದಾರೆ.
ಸುಮಾರು 60,000 ಕಿಲೋಮೀಟರ್ ರಸ್ತೆಗಳು, 56,000 ಮೀಟರ್ ಸೇತುವೆಗಳು, 19 ವಾಯುನೆಲೆಗಳು ಹಾಗೂ ದೇಶದ ಪೂರ್ವ ಮತ್ತು ವಾಯುವ್ಯ ಭಾಗಗಳಲ್ಲಿ ನಾಲ್ಕು ಸುರಂಗಗಳ ಅಭಿವೃದ್ಧಿಯಲ್ಲಿ ತನ್ನದೇ ಆದ ಮಹತ್ವದ ಸೇವೆ ಸಲ್ಲಿಸಿದ ಬಿಆರ್ಒ ನಿಂದ ಪಡೆದ ಜ್ಞಾನವನ್ನು ಈ ಕೇಂದ್ರ ಸಾಂಸ್ಥಿಕಗೊಳಿಸಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಎರಡು ಕೇಂದ್ರಗಳನ್ನು ರಾಷ್ಟ್ರ ರಾಜಧಾನಿಯಲ್ಲಿರುವ ಬಿಆರ್ಒ ಪ್ರಧಾನ ಕಚೇರಿಯಲ್ಲಿ ಸ್ಥಾಪಿಸಲಾಗಿದೆ. ರಸ್ತೆ ಸುರಕ್ಷತೆ ಮತ್ತು ರಸ್ತೆಗಳು, ಸೇತುವೆಗಳು, ವಾಯುನೆಲೆಗಳು ಮತ್ತು ಸುರಂಗಗಳ ನಿರ್ಮಾಣದಲ್ಲಿ ಉತ್ತಮ ಬೆಳವಣಿಗೆಯನ್ನು ಸಾಧಿಸಲು ಈ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ ಎಂದು ರಕ್ಷಣಾ ಸಚಿವಾಲಯ ಮಾಹಿತಿ ನೀಡಿದೆ.
ಪ್ರತಿವರ್ಷ ಸುಮಾರು 1.5 ಲಕ್ಷ ಜನರು ರಸ್ತೆ ಅಪಘಾತದಿಂದ ಸಾವಿಗೀಡಾಗುತ್ತಾರೆ. ಇದು ಒಂದು ರೀತಿಯ ಕೊಲ್ಲುವ ಮೂಕ ಸಾಂಕ್ರಾಮಿಕ ರೋಗ ಎಂದು ಹೇಳಿದ ಅವರು, ರಾಷ್ಟ್ರೀಯ ರಸ್ತೆ ಸುರಕ್ಷತಾ ನೀತಿ, ಮೋಟಾರು ವಾಹನ ಕಾಯ್ದೆ 2020 ಮತ್ತು ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಕಪ್ಪು ಕಲೆಗಳನ್ನು ಗುರುತಿಸುವುದು ಮುಂತಾದ ಹಲವಾರು ಉಪಕ್ರಮಗಳನ್ನು ಸರ್ಕಾರ ಕೈಗೊಂಡಿದೆ. ದೂರದ ಪ್ರದೇಶಗಳಲ್ಲಿ ರಸ್ತೆಗಳು, ಸುರಂಗಗಳು ಮತ್ತು ಇತರ ಮೂಲ ಸೌಕರ್ಯಗಳನ್ನು ನಿರ್ಮಿಸುವ ಮೂಲಕ ರಾಷ್ಟ್ರದ ಪ್ರಗತಿಯಲ್ಲಿ ಬಿಆರ್ಒ ವಹಿಸಿದ ಪಾತ್ರ ವಹಿಸಿದೆ ಎಂದು ಸಿಂಗ್ ಶ್ಲಾಘಿಸಿದ್ದಾರೆ.
ಗಡಿ ಪ್ರದೇಶಗಳಲ್ಲಿ, ವಿಶೇಷವಾಗಿ ಕೊರೊನಾ ಸಾಂಕ್ರಾಮಿಕ ಸಮಯದಲ್ಲಿ ಸಂಪರ್ಕವನ್ನು ಹೆಚ್ಚಿಸಲು ಕಠಿಣ ಹವಾಮಾನ ಪರಿಸ್ಥಿತಿಗಳಲ್ಲಿಯೂ ಬಿಆರ್ಒ ದಣಿವರಿಯದೇ ಶ್ರಮಿಸುತ್ತಿದೆ ಎಂದು ಹೇಳಿದರು. ರೋಹ್ಟಾಂಗ್ ಮತ್ತು ಜೋಜಿಲಾ ಪಾಸ್ನಲ್ಲಿ 'ಅಟಲ್ ಟನಲ್ ನಿರ್ಮಾಣ' ಸೇರಿದಂತೆ ಬಿಆರ್ಒನ ಇತ್ತೀಚಿನ ಸಾಧನೆಗಳನ್ನು ರಕ್ಷಣಾ ಸಚಿವರು ಉಲ್ಲೇಖಿಸಿದರು.
