ಪುರಿ: ಸುಮಾರು 9 ತಿಂಗಳ ನಂತರ ಒಡಿಶಾದ ಪುರಿಯ ಶ್ರೀ ಜಗನ್ನಾಥ ದೇವಸ್ಥಾನ ಪುನರಾರಂಭಗೊಂಡಿದ್ದು, ಭಗವಂತ ಜಗನ್ನಾಥ ಭಕ್ತರಿಗೆ ದರ್ಶನ ಕೊಡಲಿದ್ದಾರೆ.
ಒಡಿಶಾದ ಪುರಿಯ ಶ್ರೀ ಜಗನ್ನಾಥ ದೇವಸ್ಥಾನ ಪುನಾರಂಭ
ಕೋವಿಡ್ ಸಾಂಕ್ರಾಮಿಕದ ಹಿನ್ನೆಲೆ ಮಾರ್ಚ್ ತಿಂಗಳಿನಲ್ಲಿ ಬಂದ್ ಆಗಿದ್ದ ಒಡಿಶಾದ ಪುರಿಯ ಶ್ರೀ ಜಗನ್ನಾಥ ದೇವಸ್ಥಾನ ಮತ್ತೆ ತೆರೆದಿದೆ. ದೇವರ ದರ್ಶನಕ್ಕಾಗಿ ಪುರಿ ಜನರಿಗೆ ಜಿಲ್ಲಾಡಳಿತವು ವಾರ್ಡ್ವಾರು ವೇಳಾಪಟ್ಟಿಯನ್ನು ಸಿದ್ಧಪಡಿಸಿದೆ. ಇಲ್ಲಿರುವ ಮುಂದಿನ ವಾರ್ಡ್‌ಗಳ ಜನರಿಗೆ ದಿನಾಂಕಗಳು ಮತ್ತು ಪಾಳಿಗಳ ಪ್ರಕಾರ ದೇವತೆಗಳ ದರ್ಶನ ಪಡೆಯಲು ಅವಕಾಶವಿರುತ್ತದೆ.
ದರ್ಶನಕ್ಕೆ ಬರುವ ಎಲ್ಲಾ ಭಕ್ತರು ಕಳೆದ 48 ಗಂಟೆಗಳಲ್ಲಿ ನಡೆಸಿದ ಕೋವಿಡ್ -19 ಪರೀಕ್ಷೆಯ ನೆಗೆಟಿವ್ ವರದಿಗಳನ್ನು ಸಲ್ಲಿಸತಕ್ಕದ್ದು. ಹಾಗೆಯೇ ದೇವಾಲಯದ ಒಳಗೆ ಹೂವು, ತುಳಸಿ ಮತ್ತು ಇತರ ವಸ್ತುಗಳನ್ನು ಅರ್ಪಿಸಲು ಅನುಮತಿಸುವುದಿಲ್ಲ.
