ಮೀರತ್(ಉತ್ತರಪ್ರದೇಶ): ಲವ್ ಜಿಹಾದ್ ಕುರಿತು ಉತ್ತರ ಪ್ರದೇಶ ಸರ್ಕಾರದ ಕಾನೂನುಗಳ ಹೊರತಾಗಿಯೂ ಈ ಪ್ರಕರಣಗಳು ಹೆಚ್ಚಾಗಿ ವರದಿಯಾಗುತ್ತಿದೆ.
ನೌಚಂಡಿ ಪ್ರದೇಶದಿಂದ ಮಹಿಳೆಯೋರ್ವರನ್ನು ಅಪಹರಿಸಿ ದೆಹಲಿಯ ನಿಜಾಮುದ್ದೀನ್ ಪ್ರದೇಶಕ್ಕೆ ಅನ್ಯಧರ್ಮದ ಇಬ್ಬರು ಪುರುಷರು ಕಳುಹಿಸಿದ್ದಾರೆ ಎಂದು ಆರೋಪಿಸಿರುವ ಪ್ರಕರಣ ವರದಿಯಾಗಿದೆ. ಈ ಪ್ರಕರಣ ಬೆಳಕಿಗೆ ಬರುತ್ತಿದ್ದಂತೆ ಹಿಂದೂ ಸಂಘಟನೆಗಳು ಪೊಲೀಸ್ ಠಾಣೆ ಎದುರು ಪ್ರತಿಭಟನೆ ನಡೆಸಿದ್ದಾರೆ.
ಸೆಂಟ್ರಲ್ ಮಾರ್ಕೆಟ್ ಕೋಚಿಂಗ್ ಸೆಂಟರ್ನ ವಿದ್ಯಾರ್ಥಿನಿಯನ್ನು ಸೆಂಟರ್ನ ಮಾಲೀಕ ಮೊಹಮ್ಮದ್ ಅಮಾನ್ ಮತ್ತು ಅಮನ್ ಎಂಬ ವಿದ್ಯಾರ್ಥಿ ಒಟ್ಟಿಗೆ ಸೇರಿ ಬ್ರೈನ್ ವಾಶ್ ಮಾಡಿದ್ದಾರೆ. ಪ್ರೀತಿಯ ನೆಪದಲ್ಲಿ ಆಕೆಯನ್ನು ವಿಶ್ವಾಸದಿಂದ ಮಂಗಳವಾರ ಮಾರುಕಟ್ಟೆಗೆ ಕರೆಸಲಾಯಿತು ನಂತರ ಆಕೆಯನ್ನು ನಿಜಾಮುದ್ದೀನ್ಗೆ ಕರೆದೊಯ್ದಿದ್ದಾರೆಂದು ಮಹಿಳೆಯ ಕುಟುಂಬಸ್ಥರು ಆರೋಪಿಸಿದ್ದಾರೆ. ಸಂಜೆ ಮಹಿಳೆ ಹಿಂತಿರುಗದಿದ್ದಾಗ, ಕುಟುಂಬಸ್ಥರು ಆಕೆಯ ಹುಡುಕಾಟ ನಡೆಸಿದ್ದು ನಂತರ ನೌಚಂಡಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
ವಿದ್ಯಾರ್ಥಿನಿ ಮೊಬೈಲ್‌ನ ಸಿಡಿಆರ್ ಅನ್ನು ಪೊಲೀಸರು ಹೊರತೆಗೆದಿದ್ದು, ಮೊಹಮ್ಮದ್ ಅಮಾನ್ ಮತ್ತು ಅಮನ್ರ ಮೊಬೈಲ್ ಸಂಖ್ಯೆಗಳು ಪತ್ತೆಯಾಗಿವೆ.
ಹಿಂದೂ ಸಂಘಟನೆಗಳು ಪೊಲೀಸ್ ಠಾಣೆ ಎದುರು ಜಮಾಯಿಸಿದ್ದು, ಆರೋಪಿಗಳಿಗೆ ತಕ್ಕ ಶಿಕ್ಷೆ ವಿಧಿಸಬೇಕೆಂದು ಒತ್ತಾಯಿಸಿದರು. ತನಿಖೆ ಬಳಿಕ ಆರೋಪಿಗಳನ್ನು ಬಂಧಿಸಲಾಗಿದ್ದು, ಆಕೆಯನ್ನು ದೆಹಲಿಯ ನಿಜಾಮುದ್ದೀನ್ ಪ್ರದೇಶದಲ್ಲಿ ಇರಿಸಲಾಗಿದೆಯೆಂದು ಒಪ್ಪಿಕೊಂಡಿದ್ದಾರೆ. ಇನ್ನೂ ವಿದ್ಯಾರ್ಥಿನಿಯ ರಕ್ಷಣೆಗಾಗಿ ಪೊಲೀಸ್ ತಂಡವನ್ನು ದೆಹಲಿಗೆ ಕಳುಹಿಸಲಾಗಿದೆ.
