ನವದೆಹಲಿ: ಹಣಕಾಸು ಸಚಿವ ಅಬ್ದುಲ್ ಹಫೀಜ್ ಶೇಖ್ ಸಂಸತ್ ಚುನಾವಣೆಯಲ್ಲಿ ಸೋಲು ಕಂಡಿದ್ದ ಹಿನ್ನೆಲೆ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಸಂಸತ್ನಲ್ಲಿ ವಿಶ್ವಾಸ ಮತ ಸಾಬೀತುಪಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಇಮ್ರಾನ್ ಆಪ್ತರು ಆಗಿದ್ದ ಶೇಖ್ ಮಾಜಿ ಪ್ರಧಾನಿ ಪಿಡಿಎಂ ಅಭ್ಯರ್ಥಿ ಯುಸೂಫ್ ರಾಜಾ ಗಿಲಾನಿ ಎದುರು ಹೀನಾಯವಾಗಿ ಸೋತಿದ್ದಾರೆ. ಇತ್ತ ವಿರೋಧ ಪಕ್ಷಗಳು ಪ್ರಧಾನಿ ಇಮ್ರಾನ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು ಎಂದು ಒತ್ತಾಯಿಸಿ ಟೀಕಿಸಿದ್ದರು. ಈ ಹಿನ್ನೆಲೆ ಫಲಿತಾಂಶ ಬಂದ ನಂತರ ಮಾತನಾಡಿದ್ದ ವಿದೇಶಾಂಗ ಸಚಿವ ಖುರೇಶಿ, ವಿಶ್ವಾಸ ಮತ ಯಾಚಿಸಲು ಇಮ್ರಾನ್ ಖಾನ್ ನಿರ್ಧರಿಸಿದ್ದಾರೆ ಎಂದಿದ್ದರು.
ಇಸ್ಲಾಮಿಕ್ ಸಂವಿಧಾನದ 91 ನೇ ವಿಧಿಯ 7 ನೇ ವಿಧಿಯ ಅಡಿಯಲ್ಲಿ ಪ್ರಧಾನಿ ವಿಶ್ವಾಸ ಮತ ಯಾಚಿಸಿದ ಇಮ್ರಾನ್ ಗೆದ್ದು ಬೀಗಿದ್ದಾರೆ. ಈ ಹಿಂದೆ ಬೆನಿಜಿರ್ ಭಟ್ಟೋ,ಸವಾಜ್ ಷರೀಫ್,ಚೌಧರಿ ಸುಜಾತ್,ಶೌಕತ್ ಅಜೀಜ್, ಜಫರುಲ್ಲಾ ಜಮಾಲಿ,ಯುಸೂಫ್ ರಾಜಾ ಗಿಲಾನಿ ಸಹ ವಿಶ್ವಾಸ ಮತ ಯಾಚಿಸಿದ್ದರು.
ಇಮ್ರಾನ್ ಖಾನ್ ಸ್ವಯಂ ಪ್ರೇರಿತವಾಗಿ ವಿಶ್ವಾಸ ಮತ ಯಾಚಿಸಿ ಇಡೀ ವಿಶ್ವವೇ ತಿರುಗಿ ನೋಡುವಂತೆ ಮಾಡಿದ್ದಾರೆ.
